ਕਰਨਾਟਕ ''ਚ ਟਿਕਟਾਂ ਦੀ ਵੰਡ ਨੂੰ ਲੈ ਕੇ ਕਾਂਗਰਸ ਦੇ 5 ਵਿਧਾਇਕਾਂ ਨੇ ਦਿੱਤੀ ਅਸਤੀਫੇ ਦੀ ਧਮਕੀ
Wednesday, Mar 27, 2024 - 04:41 PM (IST)
ਬੈਂਗਲੁਰੂ- ਕਾਂਗਰਸ ਦੇ 5 ਵਿਧਾਇਕਾਂ ਨੇ ਪਾਰਟੀ ਦੇ ਸੀਨੀਅਰ ਨੇਤਾ ਅਤੇ ਮੰਤਰੀ ਕੇ. ਐੱਚ ਮੁਨੀਅੱਪਾ ਦੇ ਜਵਾਈ ਚਿੱਕਾ ਪੇਡੰਨਾ ਨੂੰ ਆਉਣ ਵਾਲੀਆਂ ਲੋਕ ਸਭਾ ਚੋਣਾਂ ਵਿੱਚ ਕੋਲਾਰ ਤੋਂ ਲੋਕ ਸਭਾ ਚੋਣ ਲੜਨ ਲਈ ਟਿਕਟ ਦਿੱਤੇ ਜਾਣ ਦੇ ਮੁੱਦੇ 'ਤੇ ਅਸਤੀਫ਼ਾ ਦੇਣ ਦੀ ਧਮਕੀ ਦਿੱਤੀ, ਜਿਸ ਨਾਲ ਪਾਰਟੀ ਵਿੱਚ ਮਤਭੇਦ ਸਾਹਮਣੇ ਆਏ। ਪਾਰਟੀ ਨੇ ਅਜੇ ਇਸ ਖੇਤਰ ਵਿੱਚ ਆਪਣੇ ਉਮੀਦਵਾਰ ਦਾ ਐਲਾਨ ਨਹੀਂ ਕੀਤਾ ਹੈ। ਇਹ ਵਿਧਾਇਕ ਪੇਡੰਨਾ ਦੀ ਉਮੀਦਵਾਰੀ ਦਾ ਵਿਰੋਧ ਕਰ ਰਹੇ ਹਨ।
ਪੇਡੰਨਾ ਨੂੰ ਟਿਕਟ ਮਿਲਣ ਨਾਲ ਅਨੁਸੂਚਿਤ ਜਾਤੀ ਦੇ ਖੱਬੇਪੱਖੀ ਧੜੇ ਨੂੰ ਪ੍ਰਤੀਨਿਧਤਾ ਮਿਲੇਗੀ। ਕੋਲਾਰ ਜ਼ਿਲ੍ਹੇ ਦੇ ਤਿੰਨ ਵਿਧਾਇਕ ਕੋਲਾਰ ਤੋਂ ਕੋਥੁਰਜੀ ਮੰਜੂਨਾਥ, ਮਲੂਰ ਤੋਂ ਕੇ. ਵਾਈ. ਨਾਂਜੇਗੌੜਾ (ਮਾਲੂਰ) ਅਤੇ ਚਿੰਤਾਮਣੀ ਖੇਤਰ ਤੋਂ ਐੱਮ.ਸੀ. ਸੁਧਾਕਰ ਅਤੇ ਦੋ ਵਿਧਾਨ ਪ੍ਰੀਸ਼ਦ ਮੈਂਬਰਾਂ (ਐੱਮਐੱਲਸੀ) ਅਨਿਲ ਕੁਮਾਰ ਅਤੇ ਨਸੀਰ ਅਹਿਮਦ (ਮੁੱਖ ਮੰਤਰੀ ਸਿੱਧਰਮਈਆ ਦੇ ਸਿਆਸੀ ਸਕੱਤਰ) ਦਾ ਕਹਿਣਾ ਹੈ ਕਿ ਟਿਕਟ ਅਨੁਸੂਚਿਤ ਜਾਤੀ ਦੇ ਦੇ ਸੱਜੇ ਪੱਖੀ ਧੜੇ ਦੇ ਉਮੀਦਵਾਰਾਂ ਨੂੰ ਦਿੱਤੀ ਜਾਣੀ ਚਾਹੀਦੀ ਹੈ।
ਸੁਧਾਕਰ ਸਿੱਧਰਮਈਆ ਮੰਤਰੀ ਮੰਡਲ ਵਿੱਚ ਉੱਚ ਸਿੱਖਿਆ ਮੰਤਰੀ ਹਨ। ਜ਼ਿਲ੍ਹੇ ਦੇ ਇੱਕ ਹੋਰ ਕਾਂਗਰਸੀ ਵਿਧਾਇਕ ਐੱਸ. ਐੱਨ. ਨਾਰਾਇਣਸਵਾਮੀ (ਬੰਗਾਰਾਪੇਟ) ਨੇ ਇਹ ਵੀ ਕਿਹਾ ਕਿ ਟਿਕਟ ਅਨੁਸੂਚਿਤ ਜਾਤੀ ਦੇ ਸੱਜੇ ਪੱਖੀ ਧੜੇ ਦੇ ਉਮੀਦਵਾਰ ਨੂੰ ਦਿੱਤੀ ਜਾਣੀ ਚਾਹੀਦੀ ਹੈ ਅਤੇ ਪਾਰਟੀ ਕੋਲਾਰ ਸੀਟ ਲਈ ਉਮੀਦਵਾਰ ਬਾਰੇ ਫੈਸਲਾ ਲੈਣ ਤੋਂ ਬਾਅਦ ਉਹ ਆਪਣੀ ਅਗਲੀ ਚਾਲ ਤੈਅ ਕਰਨਗੇ।
