ਭਾਰਤੀ ਡਾਕਟਰ ਨੇ 3,000KM ਦੂਰ ਬੈਠਿਆਂ ਹੀ ਕਰ''ਤੀ ਮਰੀਜ਼ ਦੀ ਸਰਜਰੀ ! ਦੇਖ-ਸੁਣ ਹਰ ਕੋਈ ਰਹਿ ਗਿਆ ਹੈਰਾਨ

ਇੰਟਰਨੈਸ਼ਨਲ ਡੈਸਕ- ਦੁਨੀਆ ਭਰ 'ਚ ਵਿਗਿਆਨ ਤੇ ਟੈਕਨਾਲੌਜੀ ਹਰ ਖੇਤਰ 'ਚ ਨਵਾਂ ਅਧਿਆਏ ਲਿਖ ਰਹੀ ਹੈ। ਮੌਜੂਦਾ ਸਮੇਂ ਅਜਿਹਾ ਕੋਈ ਵੀ ਸੈਕਟਰ ਨਹੀਂ ਹੈ, ਜੋ ਟੈਕਨਾਲੌਜੀ ਤੋਂ ਅਣਛੂਹਿਆ ਹੋਵੇ। ਇਸੇ ਦੌਰਾਨ ਇਕ ਅਜਿਹੀ ਖ਼ਬਰ ਸਾਹਮਣੇ ਆਈ ਹੈ, ਜਿਸ ਨੇ ਮੈਡੀਕਲ ਜਗਤ 'ਚ ਸਨਸਨੀ ਮਚਾ ਕੇ ਰੱਖ ਦਿੱਤੀ ਹੈ। 

ਚੀਨ ਦੇ ਵੂਹਾਨ ਸ਼ਹਿਰ ਵਿੱਚ ਮੌਜੂਦ ਭਾਰਤੀ ਯੂਰੋਲੋਜਿਸਟ ਡਾ. ਸਈਦ ਮੁਹੰਮਦ ਗੌਸ ਨੇ ਉੱਥੇ ਬੈਠ ਕੇ ਭਾਰਤ ਦੇ ਹੈਦਰਾਬਾਦ ਸ਼ਹਿਰ ਵਿੱਚ ਮੌਜੂਦ ਇੱਕ ਮਰੀਜ਼ ਦੀ ਰੋਬੋਟਿਕ ਸਿਸਟਮ ਰਾਹੀਂ ਸਫ਼ਲ ਸਰਜਰੀ ਕੀਤੀ ਹੈ। ਸਭ ਤੋਂ ਹੈਰਾਨੀਜਨਕ ਗੱਲ ਇਹ ਰਹੀ ਕਿ ਇਸ ਆਪਰੇਸ਼ਨ ਦੌਰਾਨ ਡਾਕਟਰ ਅਤੇ ਮਰੀਜ਼ ਵਿਚਾਲੇ ਲਗਭਗ 3,000 ਕਿਲੋਮੀਟਰ ਦੀ ਦੂਰੀ ਸੀ।

ਰਿਪੋਰਟਾਂ ਮੁਤਾਬਕ ਇਹ ਇੱਕ ਕਾਫ਼ੀ ਗੁੰਝਲਦਾਰ 'ਯੂਰੇਟਰਲ ਰੀਇੰਪਲਾਂਟੇਸ਼ਨ' ਯਾਨੀ ਬਲੈਡਰ ਰੀਕਨੈਕਸ਼ਨ ਸਰਜਰੀ ਸੀ। ਇਸ ਵਿੱਚ ਕਿਡਨੀ ਤੋਂ ਯੂਰਿਨ ਬਲੈਡਰ ਤੱਕ ਜਾਣ ਵਾਲੀ ਬਾਰੀਕ ਨਲੀ ਨੂੰ ਦੁਬਾਰਾ ਬਲੈਡਰ ਨਾਲ ਜੋੜਿਆ ਗਿਆ। ਇਹ ਪੂਰਾ ਆਪਰੇਸ਼ਨ ਚੀਨ ਵਿੱਚ ਵਿਕਸਿਤ ਐਡਵਾਂਸ ਰੋਬੋਟਿਕ ਟੈਕਨਾਲੋਜੀ ਅਤੇ ਹਾਈ-ਸਪੀਡ 5G ਇੰਟਰਨੈੱਟ ਦੀ ਮਦਦ ਨਾਲ ਸਿਰਫ਼ 90 ਮਿੰਟਾਂ ਵਿੱਚ ਸਫ਼ਲਤਾਪੂਰਵਕ ਨੇਪਰੇ ਚਾੜ੍ਹਿਆ ਗਿਆ।

ਇਹ ਵੀ ਪੜ੍ਹੋ- ਈਦ ਦੀਆਂ ਛੁੱਟੀਆਂ ਰੱਦ ! ਹੁਣ ਸਿਰਫ਼ ਇਸ ਦਿਨ ਹੋਵੇਗੀ Holiday, CM ਸ਼ੁਭੇਂਦੂ ਨੇ ਕੀਤਾ ਐਲਾਨ

ਭਾਰਤ 'ਚ ਚੀਨੀ ਦੂਤਾਵਾਸ ਦੀ ਬੁਲਾਰਾ ਯੂ ਜਿੰਗ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ X 'ਤੇ ਇਤਿਹਾਸਕ ਪਲ ਦੀ ਸ਼ਲਾਘਾ ਕਰਦਿਆਂ ਲਿਖਿਆ, "ਸਰਹੱਦਾਂ ਤੋਂ ਪਾਰ ਜਾ ਕੇ ਬਚਾਈਆਂ ਜਾਨਾਂ। ਚੀਨ ਦੀ ਰੋਬੋਟਿਕਸ ਅਤੇ 5G ਤਕਨੀਕ ਦੀ ਬਦੌਲਤ ਵੂਹਾਨ ਵਿੱਚ ਮੌਜੂਦ ਭਾਰਤੀ ਯੂਰੋਲੋਜਿਸਟ ਡਾ. ਸਈਦ ਮੁਹੰਮਦ ਗੌਸ ਨੇ ਭਾਰਤ ਦੇ ਹੈਦਰਾਬਾਦ ਵਿੱਚ 3,000 ਕਿਲੋਮੀਟਰ ਦੂਰ ਇੱਕ ਮਰੀਜ਼ ਦੀ ਸਫ਼ਲ ਸਰਜਰੀ ਕੀਤੀ।"

ਆਪਰੇਸ਼ਨ ਦੌਰਾਨ ਹੈਦਰਾਬਾਦ ਦੇ ਆਪਰੇਸ਼ਨ ਥੀਏਟਰ ਵਿੱਚ ਮੌਜੂਦ ਮੈਡੀਕਲ ਸਟਾਫ਼ ਨੇ ਮਰੀਜ਼ ਨੂੰ ਐਨਸਥੀਸੀਆ ਦਿੱਤਾ ਅਤੇ ਹਾਈ-ਡੇਫੀਨੇਸ਼ਨ 3D ਕੈਮਰਿਆਂ ਅਤੇ ਬਾਰੀਕ ਸਰਜਰੀ ਇੰਸਟ੍ਰੂਮੈਂਟਸ ਨਾਲ ਲੈਸ ਰੋਬੋਟਿਕ ਆਰਮਜ਼ (ਬਾਹਾਂ) ਨੂੰ ਮਰੀਜ਼ ਦੇ ਸਰੀਰ ਵਿੱਚ ਫਿੱਟ ਕੀਤਾ।

ਦੂਜੇ ਪਾਸੇ, ਵੂਹਾਨ ਦੇ ਟੋਂਗਜੀ ਹਸਪਤਾਲ 'ਚ ਕੰਟਰੋਲ ਕੰਸੋਲ 'ਤੇ ਬੈਠੇ ਡਾ. ਗੌਸ 3D ਲਾਈਵ ਤਸਵੀਰਾਂ ਦੇਖ ਕੇ ਰੋਬੋਟਿਕ ਬਾਂਹਾਂ ਨੂੰ ਕੰਟਰੋਲ ਕਰ ਰਹੇ ਸਨ। ਸੁਪਰ-ਫ਼ਾਸਟ 5G ਨੈੱਟਵਰਕ ਦੀ ਮਦਦ ਨਾਲ ਡਾਕਟਰ ਦੇ ਹੱਥਾਂ ਦੀ ਹਰ ਹਰਕਤ ਅਤੇ ਨਿਰਦੇਸ਼ ਸਿਰਫ਼ 200 ਮਿਲੀਸੈਕਿੰਡ ਦੇ ਅੰਦਰ-ਅੰਦਰ ਹੈਦਰਾਬਾਦ ਪਹੁੰਚ ਰਹੇ ਸਨ। ਇੰਨੀ ਤੇਜ਼ ਰਫ਼ਤਾਰ ਕਾਰਨ ਹਜ਼ਾਰਾਂ ਕਿਲੋਮੀਟਰ ਦੂਰ ਹੋਣ ਦੇ ਬਾਵਜੂਦ ਸਰਜਰੀ ਦੌਰਾਨ ਸ਼ਾਨਦਾਰ ਸਟੀਕਤਾ ਅਤੇ ਕੰਟਰੋਲ ਬਣਿਆ ਰਿਹਾ। ਐਮਰਜੈਂਸੀ ਸਥਿਤੀ ਨਾਲ ਨਜਿੱਠਣ ਲਈ ਹੈਦਰਾਬਾਦ ਦੇ ਡਾਕਟਰਾਂ ਦੀ ਟੀਮ ਵੀ ਮੌਕੇ 'ਤੇ ਪੂਰੀ ਤਰ੍ਹਾਂ ਤਿਆਰ ਖੜ੍ਹੀ ਸੀ। ਮੈਡੀਕਲ ਖੇਤਰ ਦੇ ਮਾਹਿਰਾਂ ਮੁਤਾਬਕ, AI ਅਤੇ 5G-6G ਟੈਕਨਾਲੋਜੀ ਆਉਣ ਵਾਲੇ ਸਮੇਂ ਵਿੱਚ ਹੈਲਥਕੇਅਰ ਇੰਡਸਟਰੀ ਦਾ ਚਿਹਰਾ ਪੂਰੀ ਤਰ੍ਹਾਂ ਬਦਲ ਕੇ ਰੱਖ ਦੇਵੇਗੀ।

ਇਹ ਵੀ ਪੜ੍ਹੋ- ਅਮਰੀਕਾ 'ਚ ਇਕ ਹੋਰ ਪੰਜਾਬੀ 'ਤੇ ਡਿੱਗੀ ਗਾਜ ! ਡਿਪੋਰਟ ਹੋਵੇਗਾ ਪਰਮਿੰਦਰਪਾਲ ਸਿੰਘ

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e