SBI ਦੀ 222 ਦਿਨਾਂ ਵਾਲੀ FD! 2 ਲੱਖ ਜਮ੍ਹਾ ਕਰਨ ''ਤੇ ਮਿਲੇਗਾ ਮੋਟਾ ਮੁਨਾਫ਼ਾ

ਵੈੱਬ ਡੈਸਕ : ਦੇਸ਼ ਦੇ ਸਭ ਤੋਂ ਵੱਡੇ ਸਰਕਾਰੀ ਬੈਂਕ, ਭਾਰਤੀ ਸਟੇਟ ਬੈਂਕ (SBI), ਵੱਲੋਂ ਆਪਣੇ ਗਾਹਕਾਂ ਲਈ ਫਿਕਸਡ ਡਿਪਾਜ਼ਿਟ (FD) 'ਤੇ ਆਕਰਸ਼ਕ ਵਿਆਜ ਦਰਾਂ ਦੀ ਪੇਸ਼ਕਸ਼ ਕੀਤੀ ਜਾ ਰਹੀ ਹੈ। ਹਾਲਾਂਕਿ ਪਿਛਲੇ ਸਾਲ ਦੇ ਮੁਕਾਬਲੇ ਇਸ ਸਾਲ ਵਿਆਜ ਦਰਾਂ ਵਿੱਚ ਕੁਝ ਕਟੌਤੀ ਦੇਖਣ ਨੂੰ ਮਿਲੀ ਹੈ, ਪਰ ਫਿਰ ਵੀ ਇਹ ਨਿਵੇਸ਼ ਦੇ ਲਿਹਾਜ਼ ਨਾਲ ਕਾਫੀ ਖਿੱਚ ਦਾ ਕੇਂਦਰ ਬਣੀਆਂ ਹੋਈਆਂ ਹਨ। SBI ਵਰਤਮਾਨ ਵਿੱਚ ਆਪਣੇ ਗਾਹਕਾਂ ਨੂੰ 7 ਦਿਨਾਂ ਤੋਂ ਲੈ ਕੇ 10 ਸਾਲ ਤੱਕ ਦੀ ਮਿਆਦ ਵਾਲੀਆਂ ਐਫ.ਡੀ. 'ਤੇ 3.05 ਫੀਸਦੀ ਤੋਂ 7.15 ਫੀਸਦੀ ਤੱਕ ਦਾ ਸ਼ਾਨਦਾਰ ਰਿਟਰਨ ਦੇ ਰਿਹਾ ਹੈ।

222 ਦਿਨਾਂ ਦੀ FD 'ਚ 2 ਲੱਖ ਰੁਪਏ 'ਤੇ ਮਿਲਣ ਵਾਲਾ ਮੁਨਾਫਾ
ਜੇਕਰ ਕੋਈ ਗਾਹਕ 222 ਦਿਨਾਂ ਦੀ ਵਿਸ਼ੇਸ਼ ਸਕੀਮ ਵਿੱਚ 2 ਲੱਖ ਰੁਪਏ ਜਮ੍ਹਾ ਕਰਦਾ ਹੈ, ਤਾਂ ਮੈਚਿਓਰਿਟੀ 'ਤੇ ਉਸਨੂੰ ਮਿਲਣ ਵਾਲੀ ਰਕਮ ਇਸ ਪ੍ਰਕਾਰ ਹੋਵੇਗੀ।
ਆਮ ਨਾਗਰਿਕ: ਇਹਨਾਂ ਨੂੰ 7,253 ਰੁਪਏ ਦਾ ਵਿਆਜ ਮਿਲੇਗਾ ਅਤੇ ਕੁੱਲ ਰਕਮ 2,07,253 ਰੁਪਏ ਹੋ ਜਾਵੇਗੀ।
ਸੀਨੀਅਰ ਸਿਟੀਜ਼ਨ: ਇਹਨਾਂ ਨੂੰ 7,875 ਰੁਪਏ ਦਾ ਵਿਆਜ ਮਿਲੇਗਾ, ਜਿਸ ਨਾਲ ਕੁੱਲ ਰਕਮ 2,07,875 ਰੁਪਏ ਬਣ ਜਾਵੇਗੀ।
ਸੁਪਰ ਸੀਨੀਅਰ ਸਿਟੀਜ਼ਨ : ਇਹਨਾਂ ਨੂੰ 7,999 ਰੁਪਏ ਦਾ ਵਿਆਜ ਮਿਲੇਗਾ ਅਤੇ ਕੁੱਲ ਰਕਮ 2,07,999 ਰੁਪਏ ਹੋਵੇਗੀ।

ਹੋਰ ਮਿਆਦਾਂ ਲਈ ਵਿਆਜ ਦਰਾਂ
211 ਦਿਨਾਂ ਤੋਂ 1 ਸਾਲ: ਇਸ ਮਿਆਦ ਲਈ ਆਮ ਨਾਗਰਿਕਾਂ ਨੂੰ 5.90 ਫੀਸਦੀ, ਸੀਨੀਅਰ ਸਿਟੀਜ਼ਨਾਂ ਨੂੰ 6.40 ਫੀਸਦੀ ਅਤੇ ਸੁਪਰ ਸੀਨੀਅਰ ਸਿਟੀਜ਼ਨਾਂ ਨੂੰ 6.50 ਫੀਸਦੀ ਵਿਆਜ ਦਿੱਤਾ ਜਾ ਰਿਹਾ ਹੈ।
ਛੋਟੀ ਮਿਆਦ (7 ਤੋਂ 45 ਦਿਨ): ਬੈਂਕ ਵੱਲੋਂ ਇਸ ਮਿਆਦ ਲਈ 3.05 ਫੀਸਦੀ ਤੋਂ 3.65 ਫੀਸਦੀ ਤੱਕ ਵਿਆਜ ਦਿੱਤਾ ਜਾ ਰਿਹਾ ਹੈ।
ਲੰਬੀ ਮਿਆਦ (5 ਤੋਂ 10 ਸਾਲ): ਲੰਬੇ ਸਮੇਂ ਦੇ ਨਿਵੇਸ਼ 'ਤੇ ਬੈਂਕ 6.05 ਫੀਸਦੀ ਤੋਂ ਲੈ ਕੇ 7.15 ਫੀਸਦੀ ਤੱਕ ਦਾ ਮੋਟਾ ਵਿਆਜ ਦੇ ਰਿਹਾ ਹੈ।

ਗਾਹਕ ਆਪਣੀ ਲੋੜ ਅਨੁਸਾਰ ਘੱਟੋ-ਘੱਟ 7 ਦਿਨਾਂ ਤੋਂ ਲੈ ਕੇ ਵੱਧ ਤੋਂ ਵੱਧ 10 ਸਾਲਾਂ ਤੱਕ ਲਈ ਐੱਫ.ਡੀ. ਖਾਤਾ ਖੁੱਲ੍ਹਵਾ ਸਕਦੇ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e