ਗਾਂ ਦੇ ਖੇਤ ''ਚ ਵੜਨ ''ਤੇ ਵਿਵਾਦ : 2 ਦੀ ਹੱਤਿਆ, ਦੋਸ਼ੀ ਗ੍ਰਿਫਤਾਰ

ਮਥੁਰਾ— ਉੱਤਰ ਪ੍ਰਦੇਸ਼ ਦੇ ਮਥੁਰਾ ਜ਼ਿਲੇ 'ਚ ਸ਼ਨੀਵਾਰ ਨੂੰ ਇਕ ਪਿੰਡ ਦੇ ਖੇਤ ਵਿਚ ਗਾਂ ਦੇ ਵੜਨ ਕਾਰਨ ਖੇਤ ਮਾਲਕ ਨੇ ਆਪਣੇ ਹੀ ਖਾਨਦਾਨ ਦੇ ਚਾਰ ਲੋਕਾਂ ਨੂੰ ਗੋਲੀ ਮਾਰ ਦਿੱਤੀ, ਜਿਨ੍ਹਾਂ 'ਚੋਂ 2 ਲੋਕਾਂ ਦੀ ਮੌਤ ਹੋ ਗਈ। ਸੀਨੀਅਰ ਪੁਲਸ ਅਧਿਕਾਰੀ ਨੇ ਦੱਸਿਆ ਕਿ ਥਾਣਾ ਵ੍ਰਿੰਦਾਵਨ ਦੇ ਪਾਨੀ ਪਿੰਡ ਵਿਚ ਸ਼ਨੀਵਾਰ ਨੂੰ ਲਗਭਗ 3 ਵਜੇ ਖੇਤ ਦੇ ਮਾਲਕ ਪਿਤਾ-ਪੁੱਤਰ ਨੇ ਆਪਣੇ ਹੀ ਪਰਿਵਾਰ ਦੇ ਚਾਰ ਮੈਂਬਰਾਂ ਰਾਜਵੀਰ, ਕਨੱਈਆ, ਮੋਹਨ ਅਤੇ ਦਿੰਨਾ ਉਰਫ ਦਿਨੇਸ਼ 'ਤੇ ਅੰਨ੍ਹੇਵਾਹ ਗੋਲੀਬਾਰੀ ਕੀਤੀ। ਉਨ੍ਹਾਂ ਦੱਸਿਆ ਕਿ ਪੁਲਸ ਨੇ ਜਾਣਕਾਰੀ ਮਿਲਦੇ ਹੀ ਜ਼ਖਮੀਆਂ ਨੂੰ ਹਸਪਤਾਲ ਪਹੁੰਚਾਇਆ ਪਰ ਇਲਾਜ ਦੌਰਾਨ ਰਾਜਵੀਰ ਅਤੇ ਕਨੱਈਆ ਦੀ ਮੌਤ ਹੋ ਗਈ। ਐੱਸ. ਐੱਸ. ਪੀ. ਨੇ ਦੱਸਿਆ ਕਿ ਦੋਵਾਂ ਮੁੱਖ ਦੋਸ਼ੀਆਂ ਸ਼ਿਵਦੇਵ ਅਤੇ ਉਸ ਦੇ ਪੁੱਤਰ ਮਨਮੋਹਨ ਨੂੰ ਫੜ ਲਿਆ ਗਿਆ ਹੈ।