ਛੇੜਛਾੜ ਤੋਂ ਤੰਗ 15 ਸਾਲ ਦੀ ਬੱਚੀ ਨੇ ਕੀਤੀ ਖੁਦਕੁਸ਼ੀ, ਪਿਤਾ ਬੋਲੇ, ''ਬੇਟੀ ਨੂੰ ਸਕੂਲ ਨੇ ਮਾਰਿਆ''

ਨੋਇਡਾ — ਦਿੱਲੀ ਦੇ ਮਯੂਰ ਵਿਹਾਰ ਫੇਜ਼-1 ਦੇ ਇਕ ਪਬਲਿਕ ਸਕੂਲ ਵਿਚ ਪੜਨ ਵਾਲੀ 15 ਸਾਲ ਦੀ ਵਿਦਿਆਰਥਣ ਵਲੋਂ ਆਤਮ-ਹੱਤਿਆ ਮਾਮਲੇ 'ਚ ਪਰਿਵਾਰ ਨੇ ਸਕੂਲ ਵਾਲਿਆਂ ਨੂੰ ਦੋਸ਼ੀ ਠਹਿਰਾਇਆ ਹੈ। ਪਰਿਵਾਰ ਨੇ ਦੋਸ਼ ਲਗਾਇਆ ਹੈ ਕਿ ਬੱਚੀ ਦੇ ਘੱਟ ਨੰਬਰ ਆਉਣ 'ਤੇ ਅਧਿਆਪਕ ਵਲੋਂ ਤਸ਼ਦੱਦ ਦੇਣ 'ਤੇ ਬੱਚੀ ਨੇ ਇਹ ਕਦਮ ਚੁੱਕਿਆ ਹੈ। ਬੱਚੀ ਛੇੜਛਾੜ ਦਾ ਸ਼ਿਕਾਰ ਸੀ ਅਤੇ ਉਸਨੂੰ ਜ਼ਬਰਦਸਤੀ ਫੇਲ ਕਰਨ ਦੀ ਧਮਕੀ ਦੇ ਰਹੇ ਸਨ

ਬੱਚੀ ਦੇ ਪਿਤਾ ਨੇ ਕਿਹਾ, ' ਉਸਨੇ ਮੈਨੂੰ ਦੱਸਿਆ ਸੀ ਕਿ  ਉਸਦੇ ਐੱਸ.ਐੱਸ.ਟੀ. ਦੇ ਅਧਿਆਪਕ ਨੇ ਉਸਨੂੰ ਗਲਤ ਤਰੀਕੇ ਨਾਲ ਫੜਿਆ ਸੀ। ਕਿਉਂਕਿ ਮੈਂ ਵੀ ਇਕ ਅਧਿਆਪਕ ਹਾਂ ਇਸ ਲਈ ਮੈਂ ਕਿਹਾ ਕਿ ਉਹ ਇਸ ਤਰ੍ਹਾਂ ਨਹੀਂ ਕਰ ਸਕਦੇ, ਸ਼ਾਇਦ ਇਸ ਤਰ੍ਹਾਂ ਗਲਤੀ ਨਾਲ ਹੋਇਆ ਹੋਵੇਗਾ। ਉਸਨੇ ਕਿਹਾ ਕਿ ਉਹ ਡਰੀ ਹੋਈ ਹੈ ਅਤੇ ਭਾਵੇਂ ਜਿੰਨ੍ਹਾ ਮਰਜ਼ੀ ਠੀਕ ਲਿਖੇ ਉਹ ਲੋਕ ਉਸਨੂੰ ਫ਼ੇਲ ਕਰ ਦੇਣਗੇ ਅਤੇ ਉਹ ਐੱਸ.ਐੱਸ.ਟੀ. ਵਿਚ ਸੱਚ 'ਚ ਫੇਲ ਹੋ ਗਈ। ਉਸ ਨੂੰ ਸਕੂਲ ਨੇ ਮਾਰਿਆ।
ਵਿਦਿਆਰਥਣ ਨੇ ਸੋਮਵਾਰ ਨੂੰ ਆਪਣੇ ਘਰ ਦੇ ਪੱਖੇ ਨਾਲ ਫਾਂਸੀ ਲਗਾ ਕੇ ਆਤਮ-ਹੱਤਿਆ ਕਰ ਲਈ ਸੀ। ਪਰਿਵਾਰ ਵਾਲਿਆਂ ਨੇ ਸ਼ਾਮ 5 ਵਜੇ ਉਸਨੂੰ ਪੱਖੇ ਨਾਲ ਲਟਕੇ ਹੋਏ ਦੇਖਿਆ ਤਾਂ ਹਸਪਤਾਲ ਲੈ ਜਾਣ 'ਤੇ ਡਾਕਟਰਾਂ ਨੇ ਉਸਨੂੰ ਮ੍ਰਿਤਕ ਘੋਸ਼ਿਤ ਕਰ ਦਿੱਤਾ। 

ਇਸ ਤਰ੍ਹਾਂ ਕਿਹਾ ਜਾ ਰਿਹਾ ਹੈ ਕਿ ਇਮਤਿਹਾਨ ਵਿਚ ਘੱਟ ਨੰਬਰ ਆਉਣ 'ਤੇ ਅਧਿਆਪਕ ਉਸ 'ਤੇ ਪਰੈਸ਼ਰ ਬਣਾ ਰਹੇ ਸਨ ਜਿਸ ਕਾਰਨ ਉਹ ਡਿਪਰੈਸ਼ਨ ਵਿਚ ਆ ਗਈ ਸੀ।