Audition ਦੇ ਨਾਮ ''ਤੇ ਕਈ ਬੱਚੇ ਬਣਾਏ ਬੰਧਕ! ਖੁਲਾਸੇ ਮਗਰੋਂ ਦਹਿਸ਼ਤ ''ਚ ਲੋਕ

ਵੈੱਬ ਡੈਸਕ: ਮੁੰਬਈ 'ਚ ਵੀਰਵਾਰ ਨੂੰ ਇੱਕ ਹੈਰਾਨ ਕਰਨ ਵਾਲੀ ਘਟਨਾ ਸਾਹਮਣੇ ਆਈ। ਮੁੰਬਈ ਦੇ ਜੁਹੂ ਸਥਿਤ ਆਰਏ ਸਟੂਡੀਓ 'ਚ ਇੱਕ ਵਿਅਕਤੀ ਨੇ ਪਹਿਲੀ ਮੰਜ਼ਿਲ 'ਤੇ ਇੱਕ ਕਮਰੇ ਵਿੱਚ ਆਡੀਸ਼ਨ ਲਈ ਆਏ 15 ਤੋਂ 20 ਬੱਚਿਆਂ ਨੂੰ ਬੰਧਕ ਬਣਾ ਲਿਆ। ਘੰਟਿਆਂ ਦੀ ਕੋਸ਼ਿਸ਼ ਤੋਂ ਬਾਅਦ, ਪੁਲਸ ਨੇ ਦੋਸ਼ੀ ਨੂੰ ਫੜ ਲਿਆ ਅਤੇ ਸਾਰੇ ਬੱਚਿਆਂ ਨੂੰ ਸੁਰੱਖਿਅਤ ਛੁਡਾਇਆ।

ਆਡੀਸ਼ਨ ਦੌਰਾਨ ਦਹਿਸ਼ਤ
ਇਹ ਹੈਰਾਨ ਕਰਨ ਵਾਲੀ ਘਟਨਾ ਕਥਿਤ ਤੌਰ 'ਤੇ ਜੁਹੂ ਦੇ ਆਰਏ ਸਟੂਡੀਓ ਵਿੱਚ ਵਾਪਰੀ, ਜਿੱਥੇ ਐਕਟਿੰਗ ਕਲਾਸਾਂ ਹੁੰਦੀਆਂ ਹਨ। ਰਿਪੋਰਟਾਂ ਅਨੁਸਾਰ, ਉਸ ਸਵੇਰੇ ਲਗਭਗ 100 ਬੱਚੇ ਆਡੀਸ਼ਨ ਲਈ ਸਟੂਡੀਓ ਪਹੁੰਚੇ ਸਨ। ਰੋਹਿਤ ਨਾਮ ਦਾ ਇੱਕ ਵਿਅਕਤੀ, ਜੋ ਸਟੂਡੀਓ ਵਿੱਚ ਕੰਮ ਕਰਦਾ ਹੈ ਅਤੇ ਇੱਕ ਯੂਟਿਊਬ ਚੈਨਲ ਚਲਾਉਂਦਾ ਹੈ, ਨੇ ਅਚਾਨਕ 15 ਤੋਂ 20 ਬੱਚਿਆਂ ਨੂੰ ਇੱਕ ਕਮਰੇ ਵਿੱਚ ਬੰਦ ਕਰ ਦਿੱਤਾ।

ਇਸ ਮਾਮਲੇ ਵਿੱਚ ਰੋਹਿਤ ਨਾਮ ਦਾ ਇੱਕ ਵਿਅਕਤੀ ਸਾਹਮਣੇ ਆਇਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਪਿਛਲੇ ਚਾਰ ਤੋਂ ਪੰਜ ਦਿਨਾਂ ਤੋਂ ਉੱਥੇ ਆਡੀਸ਼ਨ ਹੋ ਰਹੇ ਸਨ। ਉਸਨੇ ਸ਼ੁਰੂ ਵਿੱਚ 80 ਬੱਚਿਆਂ ਨੂੰ ਅੰਦਰ ਜਾਣ ਦਿੱਤਾ ਪਰ ਬਾਕੀਆਂ ਨੂੰ ਰੋਕ ਦਿੱਤਾ। ਜਦੋਂ ਬੱਚਿਆਂ ਨੇ ਖਿੜਕੀਆਂ ਵਿੱਚੋਂ ਬਾਹਰ ਝਾਕਣਾ ਸ਼ੁਰੂ ਕੀਤਾ ਤਾਂ ਬਾਹਰ ਬੈਠੇ ਲੋਕ ਘਬਰਾ ਗਏ ਅਤੇ ਤੁਰੰਤ ਪੁਲਸ ਨੂੰ ਬੁਲਾਇਆ।