ਬੱਚੇ ਦੀ ''ਕਸਟਡੀ'' ਦਾ ਫ਼ੈਸਲਾ ਕਰਦੇ ਸਮੇਂ ਇਹ ਧਿਆਨ ''ਚ ਰੱਖੋ ਕਿਸ ਨਾਲ ਉਹ ਜ਼ਿਆਦਾ ਸਹਿਜ: ਹਾਈਕੋਰਟ

ਮੁੰਬਈ- ਬੰਬਈ ਹਾਈ ਕੋਰਟ ਨੇ ਇਕ ਬੱਚੀ ਨੂੰ ਅੰਤਰਿਮ ਸੁਰੱਖਿਆ ਲਈ ਉਸ ਦੀ ਮਾਂ ਨੂੰ ਸੌਂਪਣ ਦੇ ਪਰਿਵਾਰਕ ਅਦਾਲਤ ਦੇ ਫ਼ੈਸਲੇ ਨੂੰ ਬਰਕਰਾਰ ਰੱਖਿਆ। ਹਾਈ ਕੋਰਟ ਨੇ ਕਿਹਾ ਕਿ ਇਸ 'ਤੇ ਫੈਸਲਾ ਲੈਂਦੇ ਸਮੇਂ ਇਹ ਧਿਆਨ ਵਿਚ ਰੱਖਣ ਦੀ ਲੋੜ ਹੈ ਕਿ ਉਹ ਕਿਸ ਨਾਲ ਜ਼ਿਆਦਾ ਸਹਿਜ ਮਹਿਸੂਸ ਕਰਦੀ ਹੈ। ਨਾਲ ਹੀ ਅਦਾਲਤ ਨੇ ਕਿਹਾ ਕਿ ਬੱਚੇ ਦੇ ਕਲਿਆਣ ਲਈ ਸਰੀਰਕ ਅਤੇ ਮਾਨਸਿਕ ਤੰਦਰੁਸਤੀ, ਉਸ ਦੀ ਸਿਹਤ, ਆਰਾਮ, ਅਤੇ ਸਮੁੱਚਾ ਸਮਾਜਿਕ ਅਤੇ ਨੈਤਿਕ ਵਿਕਾਸ ਸ਼ਾਮਲ ਹੁੰਦਾ ਹੈ। ਹਾਈ ਕੋਰਟ ਨੇ ਕਿਹਾ ਕਿ ਸੁਰੱਖਿਆ ਦੇ ਮਾਮਲਿਆਂ 'ਚ ਫ਼ੈਸਲਾ ਕਰਦੇ ਸਮੇਂ ਬੱਚੇ ਦੀ ਭਲਾਈ ਸਭ ਤੋਂ ਉੱਪਰ ਹੈ ਅਤੇ ਸਭ ਤੋਂ ਵੱਧ ਧਿਆਨ ਦਿੱਤਾ ਜਾਂਦਾ ਹੈ ਕਿ ਬੱਚਾ ਕਿਸ ਨਾਲ ਸਭ ਤੋਂ ਵੱਧ ਸਹਿਜ ਮਹਿਸੂਸ ਕਰਦਾ ਹੈ।

ਜਸਟਿਸ ਸ਼ਰਮਿਲਾ ਦੇਸ਼ਮੁਖ ਨੇ ਬਾਂਦਰਾ ਦੀ ਫੈਮਿਲੀ ਕੋਰਟ ਦੇ ਫਰਵਰੀ 2023 'ਚ ਦਿੱਤੇ ਹੁਕਮ ਨੂੰ ਚੁਣੌਤੀ ਦੇਣ ਵਾਲੀ ਮਹਿਲਾ ਦੇ ਪਤੀ ਦੀ ਪਟੀਸ਼ਨ ਖਾਰਜ ਕਰਦਿਆਂ 21 ਜੁਲਾਈ ਨੂੰ ਇਹ ਹੁਕਮ ਦਿੱਤਾ। ਫੈਮਿਲੀ ਅਦਾਲਤ ਨੇ ਪਟੀਸ਼ਨਕਰਤਾ ਨੂੰ ਉਸ ਦੀ 8 ਸਾਲ ਦੀ ਧੀ ਦੀ ਸੁਰੱਖਿਆ ਉਸ ਤੋਂ ਵੱਖ ਰਹਿ ਰਹੀ ਪਤਨੀ ਨੂੰ ਦੇ ਦਿੱਤੀ ਸੀ। ਹਾਈ ਕੋਰਟ ਨੇ ਕਿਹਾ ਕਿ 'ਕਲਿਆਣ' ਸ਼ਬਦ ਨੂੰ ਬੱਚੇ ਦੀ ਸਰੀਰਕ ਅਤੇ ਮਾਨਸਿਕ ਤੰਦਰੁਸਤੀ, ਉਸ ਸਿਹਤ, ਸਹਿਜਤਾ ਅਤੇ ਨੈਤਿਕ ਵਿਕਾਸ ਨੂੰ ਧਿਆਨ 'ਚ ਰੱਖਦੇ ਹੋਏ ਵਿਆਪਕ ਅਰਥ 'ਚ ਸਮਝਿਆ ਜਾਣਾ ਚਾਹੀਦਾ ਹੈ। ਬੱਚੀ ਦੀ ਚੰਗੀ ਤਰ੍ਹਾਂ ਨਾਲ ਪਰਵਰਿਸ਼ ਲਈ ਜੋ ਕੁਝ ਵੀ ਜ਼ਰੂਰੀ ਹੈ, ਉਹੀ ਬੱਚੇ ਦੇ ਕਲਿਆਣ ਬਰਾਬਰ ਹੈ। ਬੈਂਚ ਨੇ ਕਿਹਾ ਕਿ ਬੱਚੀ 8 ਸਾਲ ਦੀ ਹੈ ਅਤੇ ਉਸ ਦੇ ਸਰੀਰ 'ਚ ਹਾਰਮੋਨਲ ਅਤੇ ਸਰੀਰਕ ਬਦਲਾਅ ਵੀ ਆਉਣਗੇ। ਉਸ ਨੇ ਕਿਹਾ ਕਿ ਬੱਚੀ ਦੇ ਵਿਕਾਸ ਦੇ ਇਸ ਪੜਾਅ 'ਚ ਜ਼ਿਆਦਾ ਦੇਖਭਾਲ ਦੀ ਜ਼ਰੂਰੀ ਹੁੰਦੀ ਹੈ ਅਤੇ ਦਾਦੀ ਜਾਂ ਭੂਆ, ਮਾਂ ਦਾ ਵਿਕਲਪ ਨਹੀਂ ਹੋ ਸਕਦੀ ਹੈ, ਜੋ ਕਿ ਇਕ ਯੋਗ ਡਾਕਟਰ ਵੀ ਹੈ। 

ਹਾਈ ਕੋਰਟ ਨੇ ਕਿਹਾ ਕਿ ਜ਼ਿੰਦਗੀ ਦੇ ਇਸ ਦੌਰ 'ਚ ਕੁੜੀ ਨੂੰ ਅਜਿਹੀ ਮਹਿਲਾ ਦੀ ਦੇਖਭਾਲ ਅਤੇ ਪਿਆਰ ਦੀ ਜ਼ਰੂਰਤ ਹੁੰਦੀ ਹੈ, ਜੋ ਉਸ 'ਚ ਹੋਣ ਵਾਲੇ ਬਦਲਾਅ ਦੀ ਪ੍ਰਕਿਰਿਆ ਨੂੰ ਬਿਹਤਰ ਤਰੀਕੇ ਨਾਲ ਸਮਝ ਅਤੇ ਇਸ ਲਈ ਇਸ ਪੜਾਅ 'ਚ ਪਿਤਾ ਦੀ ਬਜਾਏ ਮਾਂ ਨੂੰ ਤਰਜੀਹ ਦਿੱਤੀ ਜਾਂਦੀ ਹੈ। ਪਟੀਸ਼ਨ ਮੁਤਾਬਕ ਜੋੜੇ ਦਾ 2010 'ਚ ਵਿਆਹ ਹੋਇਆ ਅਤੇ 2015 'ਚ ਉਨ੍ਹਾਂ ਦੀ ਧੀ ਦਾ ਜਨਮ ਹੋਇਆ। ਪਤੀ ਨੇ ਆਪਣੀ ਪਤਨੀ 'ਤੇ ਵਿਆਹੁਤਾ ਸਬੰਧਾਂ ਦਾ ਦੋਸ਼  ਲਾਇਆ ਸੀ, ਜਿਸ ਤੋਂ ਬਾਅਦ 2020 'ਚ ਉਹ ਵੱਖ ਹੋ ਗਏ। ਧੀ ਆਪਣੇ ਪਿਤਾ ਨਾਲ ਰਹਿ ਰਹੀ  ਸੀ। ਇਸ ਤੋਂ ਬਾਅਦ ਪਤੀ ਦੇ ਪਰਿਵਾਰਕ ਅਦਾਲਤ 'ਚ ਤਲਾਕ ਦੀ ਪਟੀਸ਼ਨ ਦਾਇਰ ਕੀਤੀ ਅਤੇ ਕੁੜੀ ਦੀ ਸਥਾਈ ਸੁਰੱਖਿਆ ਮੰਗੀ। ਪਰਿਵਾਰਕ ਅਦਾਲਤ ਨੇ ਫਰਵਰੀ 2023 'ਚ ਬੱਚੀ ਦੀ ਸੁਰੱਖਿਆ ਉਸ ਦੀ ਮਾਂ ਨੂੰ ਦੇ ਦਿੱਤੀ ਸੀ, ਜਿਸ ਨੂੰ ਪਿਤਾ ਨੇ ਹਾਈ ਕੋਰਟ 'ਚ ਚੁਣੌਤੀ ਦਿੱਤੀ ਸੀ।