ਚੋਰੀ ਦੇ 2 ਮੋਟਰਸਾਈਕਲਾਂ ਸਣੇ 6 ਕਾਬੂ, 1 ਫਰਾਰ

ਫ਼ਰੀਦਕੋਟ, (ਰਾਜਨ)- ਸਹਾਇਕ ਥਾਣੇਦਾਰ ਜਸਵੰਤ ਸਿੰਘ ਫਰੀਦਕੋਟ ਦੀ ਅਗਵਾਈ ਹੇਠਲੀ  ਪੁਲਸ ਪਾਰਟੀ ਵੱਲੋਂ ਅਰਸ਼ਦੀਪ ਸਿੰਘ, ਸੁਲਿੰਦਰ ਸਿੰਘ ਅਤੇ ਵਕੀਲ ਸਿੰਘ ਉਰਫ ਪੀਲਾ ਵਾਸੀ ਪਿੰਡ ਬਡ਼ੀਖਾਨਾ ਨੂੰ ਚੋਰੀ ਦੇ ਇਕ ਮੋਟਰਸਾਈਕਲ ਸਮੇਤ ਗ੍ਰਿਫ਼ਤਾਰ ਕੀਤਾ  ਗਿਆ ਹੈ। ਜਾਣਕਾਰੀ ਅਨੁਸਾਰ  ਪੁਲਸ   ਵੱਲੋਂ ਸੂਆ ਪੁਲ ਕੋਟਕਪੂਰਾ ਵਿਖੇ  ਨਾਕਾਬੰਦੀ  ਕੀਤੀ  ਗਈ  ਸੀ   ਤੇ  ਇਸ ਦੌਰਾਨ ਸਹਾਇਕ ਥਾਣੇਦਾਰ ਲਾਲਜੀਤ ਸਿੰਘ ਟਰੈਫ਼ਿਕ ਇੰਚਾਰਜ ਫਰੀਦਕੋਟ ਨੇ ਇਤਲਾਹ ਦਿੱਤੀ ਕਿ ਉਕਤ ਵਿਅਕਤੀ ਤਰਨਤਾਰਨ ਤੋਂ ਚੋਰੀ  ਕੀਤੇ  ਇਕ ਮੋਟਰਸਾਈਕਲ ’ਤੇ ਘੁੰਮ ਰਹੇ ਹਨ। ਇਸ ਇਤਲਾਹ ’ਤੇ ਪੁਲਸ ਪਾਰਟੀ ਵੱਲੋਂ ਨਾਕਾਬੰਦੀ  ਦੌਰਾਨ ਉਕਤ ਤਿੰਨਾਂ  ਵਿਅਕਤੀਆਂ ਨੂੰ ਮੋਟਰਸਾਈਕਲ ਸਮੇਤ ਗ੍ਰਿਫ਼ਤਾਰ ਕਰ ਲਿਆ ਗਿਆ।
ਜੈਤੋ, (ਜਿੰਦਲ)-ਥਾਣਾ ਜੈਤੋ ਦੇ ਇੰਚਾਰਜ ਸੁਖਵਿੰਦਰ ਸਿੰਘ ਨੇ ਪੁਲਸ ਪਾਰਟੀ ਨਾਲ ਕੋਟਕਪੂਰਾ ਰੋਡ ’ਤੇ  ਨਾਕਾਬੰਦੀ ਦੌਰਾਨ ਗੁਪਤ ਸੂਚਨਾ ’ਤੇ ਅਮਨਦੀਪ ਸਿੰਘ, ਸੁਰਿੰਦਰ ਸਿੰਘ ਪੁੱਤਰ ਜਸਵੀਰ ਸਿੰਘ ਅਤੇ ਵਕੀਲ ਸਿੰਘ ਪੁੱਤਰ ਦਰਸ਼ਨ ਸਿੰਘ ਵਾਸੀਅਾਂ ਫਤਿਹਗੜ੍ਹ ਨੂੰ ਚੋਰੀ ਦੇ ਮੋਟਰਸਾਈਕਲ ਸਣੇ ਕਾਬੂ ਕੀਤਾ ਹੈ। ਇਨ੍ਹਾਂ  ਨੇ ਤਰਨਤਾਰਨ ਤੋਂ ਇਕ ਮੋਟਰਸਾਈਕਲ  ਚੋਰੀ  ਕੀਤਾ  ਸੀ।  ਇਹ  ਇਸ  ਮੋਟਰਸਾਈਕਲ  ਨੂੰ ਵੇਚਣ  ਲਈ  ਜੈਤੋ  ਵੱਲ  ਆ  ਰਹੇ  ਸਨ ਕਿ ਪੁਲਸ ਨੇ ਇਨ੍ਹਾਂ ਤਿੰਨਾਂ ਨੂੰ ਚੋਰੀ ਦੇ ਇਕ ਮੋਟਰਸਾਈਕਲ  ਸਣੇ ਕਾਬੂ  ਕਰ  ਲਿਆ, ਜਦਕਿ ਅਮਨਦੀਪ  ਸਿੰਘ  ਮੌਕੇ ਤੋਂ ਫਰਾਰ  ਹੋ  ਗਿਆ। ਪੁਲਸ  ਵੱਲੋਂ  ਫਰਾਰ  ਦੋਸ਼ੀ  ਦੀ ਭਾਲ ਜਾਰੀ  ਹੈ। ਡੀ. ਐੱਸ. ਪੀ.  ਕੁਲਦੀਪ  ਸਿੰਘ  ਸੋਹੀ ਤੇ  ਸੁਖਵਿੰਦਰ  ਸਿੰਘ   ਐੱਸ. ਐੱਚ. ਓ. ਨੇ  ਦੱਸਿਅਾ ਕਿ ਤਫਤੀਸ਼   ਦੌਰਾਨ  ਇਨ੍ਹਾਂ ਤੋਂ ਹੋਰ  ਵੀ  ਅਹਿਮ  ਖੁਲਾਸੇ  ਹੋਣ ਦੀ ਉਮੀਦ ਹੈ।