ਅੰਮ੍ਰਿਤਸਰ ਬਸ ਸਟੈਂਡ ਕਿਸੇ ਵੀ ਹਾਲਾਤ ’ਚ ਬੰਦ ਨਹੀ ਕਰਨ ਦਿਆਂਗੇ : ਪ੍ਰਧਾਨ ਬੱਬੂ

ਅੰਮ੍ਰਿਤਸਰ (ਛੀਨਾ)- ਪੰਜਾਬ ਰੋਡਵੇਜ, ਪੱਨਬਸ ਤੇ ਪੀ. ਆਰ. ਟੀ. ਸੀ. ਕੰਟਰੈਕਟਰ ਯੂਨੀਅਨ ਵੱਲੋਂ ਸੂਬਾ ਪੱਧਰੀ ਕੀਤੇ ਜਾ ਰਹੇ ਅੰਦੋਲਨ ਦੌਰਾਨ ਮਿੰਨੀ ਅਤੇ ਵੱਡੀਆਂ ਬੱਸਾਂ ਦੇ ਆਪ੍ਰੇਟਰਾਂ ਦੀ ਸਰਗਰਮੀ ਨਾਲ ਅਗਵਾਈ ਕਰਨ ਵਾਲੇ ਪ੍ਰਧਾਨ ਬਲਦੇਵ ਸਿੰਘ ਬੱਬੂ ਨੇ ਅੱਜ ਐਲਾਨ ਕੀਤਾ ਕਿ ਉਹ ਅੰਮ੍ਰਿਤਸਰ ਬਸ ਸਟੈਂਡ ਨੂੰ ਕਿਸੇ ਵੀ ਕੀਮਤ ’ਤੇ ਬੰਦ ਨਹੀ ਕਰਨ ਦੇਣਗੇਂ। ਮਿੰਨੀ ਤੇ ਵੱਡੀਆ ਬੱਸਾਂ ਦੇ ਆਪ੍ਰੇਟਰਾਂ ਦੀ ਹੋਈ ਹੰਗਾਮੀ ਮੀਟਿੰਗ ਦੌਰਾਨ ਸੰਬੋਧਨ ਕਰਦਿਆਂ ਪ੍ਰਧਾਨ ਬਲਦੇਵ ਸਿੰਘ ਬੱਬੂ ਨੇ ਕਿਹਾ ਕਿ ਅੰਮ੍ਰਿਤਸਰ ਬਸ ਸਟੈਂਡ ਬੰਦ ਕਰਨ ਨਾਲ ਜਿੱਥੇ ਮਿੰਨੀ ਅਤੇ ਵੱਡੀਆਂ ਬੱਸਾਂ ਦੇ ਕਾਰੋਬਾਰ ਨੂੰ ਭਾਰੀ ਨੁਕਸਾਨ ਝੱਲਣਾ ਪੈਂਦਾ ਹੈ, ਉਥੇ ਹੀ ਰੋਜ਼ਾਨਾ ਲੱਖਾਂ ਸ਼ਰਧਾਲੂ ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ, ਸ੍ਰੀ ਦੁਰਗਿਆਣਾ ਮੰਦਿਰ ਅਤੇ ਰਾਮ ਤੀਰਥ ਮੰਦਿਰ ਸਮੇਤ ਅਣਗਿਣਤ ਇਤਿਹਾਸਕ ਅਸਥਾਨਾ ਦੇ ਦਰਸ਼ਨ ਕਰਨ ਲਈ ਪਹੁੰਚਦੇ ਹਨ, ਜਿੰਨਾ ਨੂੰ ਵੀ ਭਾਰੀ ਖੱਜਲ-ਖੁਆਰੀ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। 

ਇਹ ਵੀ ਪੜ੍ਹੋ: ਸਿੱਧੂ ਮੂਸੇਵਾਲਾ ਦੇ ਗਾਣੇ 'ਬਰੋਟਾ' 'ਤੇ ਨਵਜੋਤ ਸਿੱਧੂ ਨੇ ਬਣਾਈ ਰੀਲ, ਪੰਜਾਬੀ ਗਾਇਕ ਲਈ ਇਨਸਾਫ਼ ਵੀ ਮੰਗਿਆ

ਪ੍ਰਧਾਨ ਬੱਬੂ ਨੇ ਕਿਹਾ ਕਿ ਬਸ ਸਟੈਂਡ ਬੰਦ ਕਰਵਾਉਣ ਲਈ ਇਕ ਕਿਸਾਨ ਜਥੇਬੰਦੀ ਵੀ ਪ੍ਰਦਰਸ਼ਨਕਾਰੀਆ ਦੇ ਹੱਕ ’ਚ ਹਮੇਸ਼ਾਂ ਪਹੁੰਚ ਜਾਂਦੀ ਹੈ ਜੋ ਕਿ ਠੀਕ ਗੱਲ ਨਹੀ, ਅਸੀਂ ਵੀ ਸਾਰੇ ਜਿੰਮੀਦਾਰ ਪਰਿਵਾਰਾਂ ਨਾਲ ਸਬੰਧਤ ਹਾਂ ਅਤੇ ਵੱਖ-ਵੱਖ ਕਿਸਾਨ ਜਥੇਬੰਦੀਆ ਨਾਲ ਜੁੜੇ ਹੋਏ ਹਾਂ, ਜਦੋਂ ਕਦੇ ਕਿਸਾਨ ਜਥੇਬੰਦੀਆ ਸੰਘਰਸ਼ ਦਾ ਬਿਗਲ ਵਜਾਉਦੀਆਂ ਹਨ ਤਾਂ ਮਿੰਨੀ ਅਤੇ ਵੱਡੀਆ ਬੱਸਾਂ ਦੇ ਆਪ੍ਰੇਟਰਾਂ ਵੱਲੋਂ ਉਨਾ ਦਾ ਪੂਰਾ ਸਹਿਯੋਗ ਕੀਤਾ ਜਾਂਦਾ ਹੈ ਜਿਸ ਸਦਕਾ ਬਸ ਸਟੈਂਡ ਬੰਦ ਕਰਨ ਦੀ ਖੇਚਲ ਕਿਸੇ ਵੀ ਕਿਸਾਨ ਜਥੇਬੰਦੀ ਨੂੰ ਨਹੀ ਕਰਨੀ ਚਾਹੀਦੀ। ਪ੍ਰਧਾਨ ਬੱਬੂ ਨੇ ਕਿਹਾ ਕਿ ਆਪਣੀਆ ਹੱਕੀ ਮੰਗਾਂ ਲਈ ਸੰਘਰਸ਼ ਕਰ ਰਹੇ ਰੋਡਵੇਜ ਕਾਮਿਆ ਨਾਲ ਸਾਡਾ ਕੋਈ ਰੋਸ ਨਹੀ ਉਹ ਸਾਡੇ ਭਰਾ ਹਨ ਜਿੰਨਾ ਨੂੰ ਆਪਣਾ ਰੋਸ ਜਾਹਿਰ ਕਰਨ ਲਈ ਬਸ ਸਟੈਂਡ ਬੰਦ ਕਰਵਾਉਣ ਦੀ ਬਜਾਏ  ਕੋਈ ਹੋਰ ਰਣਨੀਤੀ ਉਲੀਕਣੀ ਚਾਹੀਦੀ ਹੈ ਤਾਂ ਜੋ ਸਾਡੀ ਰੋਜ਼ੀ-ਰੋਟੀ ਦਾ ਨੁਕਸਾਨ ਨਾ ਹੋਵੇ।

ਇਹ ਵੀ ਪੜ੍ਹੋ: ਅਚਾਨਕ ਪੰਜਾਬ ਦੇ ਇਸ ਪਿੰਡ 'ਚ ਹੋਣ ਲੱਗੀਆਂ ਅਨਾਊਂਸਮੈਂਟਾਂ! ਸਹਿਮੇ ਲੋਕ, ਘਰੋਂ ਬਾਹਰ ਨਿਕਲਣਾ ਵੀ ਹੋਇਆ ਔਖਾ

ਪ੍ਰਧਾਨ ਬੱਬੂ ਨੇ ਕਿਹਾ ਕਿ ਮੁੱਖ ਮੰਤਰੀ ਭਗਵੰਤ ਮਾਨ, ਟਰਾਂਸਪੋਰਟ ਮੰਤਰੀ ਲਾਲਜੀਤ ਸਿੰਘ ਭੁੱਲਰ ਅਤੇ ਟਰਾਂਸਪੋਰਟ ਵਿਭਾਗ ਦੇ ਉਚ ਅਧਿਕਾਰੀਆ ਕੋਲੋਂ ਅਸੀਂ ਮੰਗ ਕਰਦੇ ਹਾਂ ਕਿ ਲੱਖਾਂ ਰੁਪਏ ਦਾ ਟੈਕਸ ਭੁਗਤਾਨ ਕਰਨ ਵਾਲੇ ਮਿੰਨੀ ਤੇ ਵੱਡੀਆਂ ਬੱਸਾਂ ਦੇ ਆਪ੍ਰੇਟਰਾਂ ਦਾ ਕਿਸੇ ਵੀ ਹਾਲਤ ’ਚ ਨੁਕਸਾਨ ਨਾ ਹੋਣ ਦਿਤਾ ਜਾਵੇ ਜੇਕਰ ਸਰਕਾਰ ਨੇ ਇਸ ਮਾਮਲੇ ’ਚ ਸਾਡੀ ਸੁਣਵਾਈ ਨਾ ਕੀਤੀ ਤਾਂ ਮਜਬੂਰਨ ਸਾਨੂੰ ਮੁਕੰਮਲ ਤੌਰ ’ਤੇ ਹੜਤਾਲ ਕਰਨੀ ਪਵੇਗੀ ਜਿਸ ਤੋਂ ਬਾਅਦ ਪੈਦਾ ਹੋਣ ਵਾਲੇ ਹਾਲਾਤਾਂ ਲਈ ਸਰਕਾਰ ਹੀ ਜਿੰਮੇਵਾਰ ਹੋਵੇਗੀ। ਇਸ ਸਮੇਂ ਜਰਨੈਲ ਸਿੰਘ ਜੱਜ, ਸਾਧੂ ਸਿੰਘ ਧਰਮੀਫੋਜੀ, ਸੋਨੂੰ ਢਿੱਲੋਂ, ਹੀਰਾ ਸਿੰਘ ਬੱਲ, ਅਜੀਤ ਸਿੰਘ ਜੋਏਕੇ, ਜਸਵਿੰਦਰ ਸਿੰਘ ਪਾਂਧਾ, ਸੋਰਵ ਖੁਹਾਲਾ, ਦਲੇਰ ਸਿੰਘ ਕੱਕੜ, ਬਲਦੇਵ ਰਾਜ, ਅਰਵਿੰਦਰ ਸਿੰਘ ਟੋਨੀ, ਸੁੱਖਾ ਸਾਹਨੀ, ਲੱਖਾ ਸਿੰਘ ਝੰਗ, ਮੇਜਰ ਸਿੰਘ ਲੋਪੋਕੇ ਤੇ ਹੋਰ ਵੀ ਆਪ੍ਰੇਟਰ ਤੇ ਵਰਕਰਜ਼ ਹਾਜ਼ਰ ਸਨ। 

ਇਹ ਵੀ ਪੜ੍ਹੋ:  ਪੰਜਾਬ 'ਚ ਵੱਡਾ ਹਾਦਸਾ! ਪ੍ਰਸਿੱਧ ਫੁੱਟਬਾਲ ਖਿਡਾਰੀ ਦੀ ਮੌਤ, ਮੈਚ ਖੇਡ ਕੇ ਜਾ ਰਿਹਾ ਸੀ ਘਰ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8