ਤੇਜ਼ ਗਰਮੀ ਵਿਚ ਪਾਓ ਕੂਲ ਅਤੇ ਸਟਾਈਲਿਸ਼ ਦਿਖ

ਲੁਧਿਆਣਾ (ਮੀਨੂ)- ਤੇਜ਼ ਗਰਮੀ ਵਿਚ ਕੂਲ ਅਤੇ ਸਟਾਈਲਿਸ਼ ਦਿਖ ਪਾਉਣ ਲਈ ਹਲਕੇ ਅਤੇ ਅਰਾਮਦਾਇਕ ਫੈਸ਼ਨ ਨੂੰ ਔਰਤਾਂ ਪਹਿਲ ਦੇ ਰਹੀਆਂ ਹਨ। ਵਧਦੇ ਤਾਪਮਾਨ ਦੇ ਵਿਚ ਸਮਰ ਫੈਸ਼ਨ ਵਿਚ ਕਾਟਨ, ਲਿਨੇਨ ਅਤੇ ਸਾਫਟ ਫੈਬ੍ਰਿਕ ਦੇ ਆਊਟਫਿਟਸ ਨੌਜਵਾਨਾਂ ਅਤੇ ਔਰਤਾਂ ਦੀ ਪਹਿਲੀ ਪਸੰਦ ਬਣ ਚੁੱਕੇ ਹਨ। ਮਹਾਰਾਜਾ ਰਿਜੈਂਸੀ ਵਿਚ ‘ਵਿਹੜਾ ਸ਼ਗਨਾਂ ਦਾ’ ਲਾਈਫ ਸਟਾਈਲ ਸ਼ੋਅ ਵਿਚ ਲੇਟੈਸਟ ਸਮਰ ਕਲੈਕਸ਼ਨ ਨੂੰ ਡਿਜ਼ਾਈਨਰਾਂ ਨੇ ਪੇਸ਼ ਕੀਤਾ। ਹਲਕੇ ਰੰਗ ਜਿਵੇਂ ਵਾਈਟ, ਸਕਾਈ ਬਲੂ, ਪੀਚ, ਮਿੰਟ ਗ੍ਰੀਨ ਅਤੇ ਲੈਵੇਂਡਰ ਇਸ ਸੀਜ਼ਨ ਵਿਚ ਟ੍ਰੈਂਡ ਵਿਚ ਹਨ ਜੋ ਨਾ ਸਿਰਫ ਅੱਖਾਂ ਨੂੰ ਸਕੂਨ ਦਿੰਦੇ ਹਨ, ਸਗੋਂ ਗਰਮੀ ਵਿਚ ਫ੍ਰੈਸ਼ ਦਿਖ ਵੀ ਪ੍ਰਦਾਨ ਕਰਦੇ ਹਨ।

ਫੈਸ਼ਨ ਮਾਹਿਰਾਂ ਮੁਤਾਬਕ ਓਵਰਸਾਇਜ਼ ਸ਼ਾਰਟਸ, ਫਲੋਰਲ ਪ੍ਰਿੰਟ ਡ੍ਰੈਸੇਜ਼, ਢਿੱਲੇ ਕੁੜਤੇ, ਕੋ-ਆਰਡ ਸੇਟਸ ਤੇ ਪਲਾਜ਼ੋ ਸਟਾਈਲ ਇਸ ਵਾਰ ਕਾਫੀ ਹਰਮਨਪਿਆਰਾ ਹੈ। ਇਸ ਦੇ ਨਾਲ ਹੀ ਸਨਗਲਾਸਿਸ, ਹੈਟਸ ਅਤੇ ਮਿਨੀਮਲ ਜਿਊਲਰੀ ਸਮਰ ਦਿਖ ਨੂੰ ਹੋਰ ਆਕਰਸ਼ਕ ਬਣਾ ਰਹੇ ਹਨ। ਲੜਕੀਆਂ ਜਿਥੇ ਹਲਕੇ ਮੇਕਅਪ ਅਤੇ ਨਿਊਡ ਸ਼ੇਡਸ ਨੂੰ ਪਸੰਦ ਕਰ ਰਹੀਆਂ ਹਨ, ਉਥੇ ਨੌਜਵਾਨ ਵੀ ਕੈਜ਼ੁਅਲ ਟੀ-ਸ਼ਰਟਸ ਤੇ ਲਿਨੇਨ ਸ਼ਰਟਸ ਦੇ ਜ਼ਰੀਏ ਸਮਾਰਟ ਤੇ ਕੂਲ ਦਿਖ ਅਪਣਾ ਰਹੇ ਹਨ। ਇਸ ਮੌਸਮ ਵਿਚ ਫੈਸ਼ਨ ਦਾ ਸਭ ਤੋਂ ਵੱਡਾ ਮੰਤਰ ਕੰਫਰਟ ਦੇ ਨਾਲ ਸਟਾਈਲ ਹੈ। ਸਹੀ ਫੈਬ੍ਰਿਕ ਤੇ ਹਲਕੇ ਰੰਗਾਂ ਦੀ ਚੋਣ ਤੇਜ਼ ਗਰਮੀ ਵਿਚ ਵੀ ਸਟਾਈਲਿਸ਼ ਅਤੇ ਫ੍ਰੈਸ਼ ਬਣਾਈ ਰੱਖ ਸਕਦੀ ਹੈ।