ਸਰਦੀਆਂ ਦਾ ਸਟਾਈਲਿਸ਼ ਟਰੈਂਡ ਬਣੇ ‘ਵੈਲਵੈਟ ਕਫਤਾਨ ਸੈੱਟ’

ਵੈੱਬ ਡੈਸਕ- ਸਰਦੀਆਂ ਦਾ ਮੌਸਮ ਆਉਂਦਿਆਂ ਹੀ ਫ਼ੈਸ਼ਨ ਦੀ ਦੁਨੀਆ ’ਚ ਗਰਮਾਹਟ ਅਤੇ ਸਟਾਈਲ ਦਾ ਨਵਾਂ ਦੌਰ ਸ਼ੁਰੂ ਹੋ ਜਾਂਦਾ ਹੈ। ਇਸ ਵਾਰ ਮੁਟਿਆਰਾਂ ਅਤੇ ਔਰਤਾਂ ਆਪਣੇ ਵਾਰਡਰੋਬ ’ਚ ਸਭ ਤੋਂ ਵੱਧ ਜਗ੍ਹਾ ਵੈਲਵੈਟ ਕਫਤਾਨ ਸੈੱਟ ਨੂੰ ਦੇ ਰਹੀਆਂ ਹਨ। ਇਹ ਇੰਡੋ-ਵੈਸਟਰਨ ਫਿਊਜ਼ਨ ਲੁਕ ਦੇਣ ਵਾਲਾ ਆਊਟਫਿਟ ਨਾ ਸਿਰਫ ਰਾਇਲ ਫੀਲ ਕਰਵਾਉਂਦਾ ਹੈ, ਸਗੋਂ ਠੰਢ ’ਚ ਭਰਪੂਰ ਗਰਮੀ ਅਤੇ ਕੰਫਰਟ ਵੀ ਦਿੰਦਾ ਹੈ। ਇਹੀ ਵਜ੍ਹਾ ਹੈ ਕਿ ਵਿਆਹਾਂ, ਪਾਰਟੀਆਂ ਤੋਂ ਲੈ ਕੇ ਕੈਜ਼ੂਅਲ ਆਊਟਿੰਗ ਤੱਕ ਹਰ ਥਾਂ ’ਤੇ ਵੈਲਵੈਟ ਕਫਤਾਨ ਸੈੱਟ ਦਾ ਟਰੈਂਡ ਛਾਇਆ ਹੋਇਆ ਹੈ। ਵੈਲਵੈਟ ਕਫਤਾਨ ਸੈੱਟ ’ਚ ਆਮ ਤੌਰ ’ਤੇ ਇਕ ਲੰਮੀ ਜਾਂ ਮੀਡੀਅਮ ਕਫਤਾਨ ਸਟਾਈਲ ਕੁੜਤੀ ਅਤੇ ਮੈਚਿੰਗ ਬਾਟਮ ਹੁੰਦਾ ਹੈ। ਬਾਟਮ ਦੇ ਤੌਰ ’ਤੇ ਪਲਾਜ਼ੋ, ਸ਼ਰਾਰਾ, ਪਲੇਅਰ, ਧੋਤੀ ਸਟਾਈਲ ਪੈਂਟ ਜਾਂ ਫਲੇਅਰਡ ਪੈਂਟ ਸਭ ਤੋਂ ਜ਼ਿਆਦਾ ਪਸੰਦ ਕੀਤੇ ਜਾ ਰਹੇ ਹਨ। ਕੁੜਤੀ ’ਚ ਤਰ੍ਹਾਂ-ਤਰ੍ਹਾਂ ਦੀ ਨੈੱਕਲਾਈਨ ਜਿਵੇਂ ਵੀ-ਨੈੱਕ, ਸਵੀਟਹਾਰਟ ਨੈੱਕ, ਬੋਟ ਨੈੱਕ, ਸਕੇਅਰ ਨੈੱਕ ਅਤੇ ਕੋਲਡ ਸ਼ੋਲਡਰ ਡਿਜ਼ਾਈਨ ਟਰੈਂਡ ’ਚ ਹਨ। ਕੁਝ ਕਫਤਾਨ ’ਚ ਕੈਪ ਸਟਾਈਲ ਸਲੀਵਜ਼ ਜਾਂ ਬੈੱਲ ਸਲੀਵਜ਼ ਵੀ ਵੇਖੇ ਜਾ ਰਹੇ ਹਨ, ਜੋ ਲੁਕ ਨੂੰ ਹੋਰ ਗਰੈਂਡ ਬਣਾਉਂਦੇ ਹਨ।

ਵਰਕ ’ਚ ਇਸ ਵਾਰ ਗੋਟਾ-ਪੱਟੀ, ਜਰੀ, ਸੀਕਵਿਨ, ਮਿਰਰ ਵਰਕ, ਸਟੋਨ ਵਰਕ ਅਤੇ ਕੱਟ-ਵਰਕ ਵਾਲੇ ਕਫਤਾਨ ਸਭ ਤੋਂ ਜ਼ਿਆਦਾ ਪਸੰਦ ਕੀਤੇ ਜਾ ਰਹੇ ਹਨ। ਉੱਥੇ ਹੀ, ਸਿੰਪਲ-ਸੋਬਰ ਲੁਕ ਪਸੰਦ ਕਰਨ ਵਾਲੀਆਂ ਮੁਟਿਆਰਾਂ ਪਲੇਨ ਵੈਲਵੈਟ ਕਫਤਾਨ ਸੈੱਟ ’ਚ ਵੀ ਬੇਹੱਦ ਖੂਬਸੂਰਤ ਲੱਗਦੀਆਂ ਹਨ। ਰੰਗਾਂ ’ਚ ਡਾਰਕ ਅਤੇ ਰਿਚ ਸ਼ੇਡਜ਼ ਦਾ ਬੋਲਬਾਲਾ ਹੈ। ਐਮਰਾਲਡ ਗ੍ਰੀਨ, ਰਾਇਲ ਬਲਿਊ, ਵਾਈਨ, ਬਲੈਕ, ਮਿਡਨਾਈਟ ਬਲਿਊ, ਬਾਟਲ ਗ੍ਰੀਨ ਅਤੇ ਡੀਪ ਰੈੱਡ ਸਭ ਤੋਂ ਜ਼ਿਆਦਾ ਡਿਮਾਂਡ ’ਚ ਹਨ। ਇਹ ਰੰਗ ਵੈਲਵੈਟ ਦੀ ਚਮਕ ਨੂੰ ਹੋਰ ਨਿਖਾਰਦੇ ਹਨ। ਵੈਲਵੈਟ ਕਫਤਾਨ ਸੈੱਟ ਨੂੰ ਮੁਟਿਆਰਾਂ ਆਸਾਨੀ ਨਾਲ ਪੂਰਾ ਦਿਨ ਸਟਾਈਲ ਕਰ ਸਕਦੀਆਂ ਹਨ।

ਜਿਊਲਰੀ ’ਚ ਹੈਵੀ ਚਾਂਦੀ ਜਾਂ ਆਕਸੀਡਾਈਜ਼ਡ ਸੈੱਟ ਦੀ ਬਜਾਏ ਲਾਈਟਵੇਟ ਚੰਦੇਰੀ ਨੈਕਲੇਸ, ਲਾਂਗ ਚੇਨ, ਸਟੱਡਜ਼, ਚਾਂਦ ਵਾਲੀ ਜਾਂ ਛੋਟੇ-ਛੋਟੇ ਝੁਮਕੇ ਪਹਿਨੇ ਜਾ ਰਹੇ ਹਨ। ਹੱਥਾਂ ’ਚ ਡੈਲੀਕੇਟ ਬ੍ਰੈਸਲੇਟ ਜਾਂ ਕੋਈ ਸਟੇਟਮੈਂਟ ਰਿੰਗ ਸੋਹਣੀ ਲੱਗਦੀ ਹੈ। ਫੁੱਟਵੀਅਰ ’ਚ ਜੁੱਤੀ, ਕੋਲ੍ਹਾਪੁਰੀ, ਐਂਬੈਲਿਸ਼ਡ ਬੈਲੀ, ਬਲਾਕ ਹੀਲਜ਼ ਜਾਂ ਸਟਾਈਲਿਸ਼ ਪੰਜਾਬੀ ਜੁੱਤੀ ਬੈਸਟ ਲੱਗਦੀ ਹੈ। ਇਨ੍ਹਾਂ ਦੇ ਨਾਲ ਬੈਗ ਦੇ ਤੌਰ ’ਤੇ ਪੋਟਲੀ ਬੈਗ, ਸਲਿੰਗ ਕਲੱਚ ਜਾਂ ਐਂਬ੍ਰਾਇਡਰਡ ਕਲੱਚ ਮੁਟਿਆਰਾਂ ਦੀ ਪਹਿਲੀ ਪਸੰਦ ਬਣੇ ਹੋਏ ਹਨ। ਹੇਅਰਸਟਾਈਲ ’ਚ ਸਾਫਟ ਕਲਰਜ਼, ਓਪਨ ਹੇਅਰ, ਲੋਅ ਬੰਨ, ਮੈਸੀ ਬਰੈਡ ਜਾਂ ਹਾਫ ਟਾਈ ਲੁਕ ਨੂੰ ਸਭ ਤੋਂ ਜ਼ਿਆਦਾ ਪਸੰਦ ਕੀਤਾ ਜਾ ਰਿਹਾ ਹੈ। ਮੇਕਅਪ ’ਚ ਡਿਊਈ ਬੇਸ, ਸਮੋਕੀ ਆਈਜ਼ ਜਾਂ ਵਿੰਗਡ ਆਈਲਾਈਨਰ ਅਤੇ ਡਾਰਕ ਲਿਪਸ ਦੇ ਨਾਲ ਗਲੋਇੰਗ ਸਕਿਨ ਹਰ ਮੁਟਿਆਰ ਦੀ ਖੂਬਸੂਰਤੀ ਨੂੰ ਚਾਰ ਚੰਨ ਲਗਾ ਰਹੇ ਹਨ।