ਬਾਜ਼ਾਰ ਦੀ 'ਸ਼ਰਦਾਈ' ਨਾਲੋਂ ਬਹੁਤ ਜ਼ਿਆਦਾ ਪੌਸ਼ਟਿਕ ਹੈ ਇਹ ਸ਼ਾਹੀ 'ਸ਼ਰਦਾਈ', ਜਾਣੋ ਬਣਾਉਣ ਦੀ ਵਿਧੀ

ਨਵੀਂ ਦਿੱਲੀ - ਹੋਲੀ ਦਾ ਤਿਉਹਾਰ ਨੇੜੇ ਆ ਰਿਹਾ ਹੈ ਅਤੇ ਹੋਲੀ ਦਾ ਤਿਉਹਾਰ ਸ਼ਰਦਾਈ(ਠੰਡਾਈ) ਬਗੈਰ ਅਧੂਰਾ ਹੈ। ਸ਼ਰਦਾਈ ਭਾਰਤ ਦੀ ਇੱਕ ਰਵਾਇਤੀ ਪੀਣ ਵਾਲੀ ਖ਼ੁਰਾਕ ਹੈ। ਇਹ ਵਿਅੰਜਨ ਉੱਤਰ ਪ੍ਰਦੇਸ਼ ਵਿਚ ਵਿਸ਼ੇਸ਼ ਤੌਰ 'ਤੇ ਪ੍ਰਸਿੱਧ ਹੈ। ਇਸਦੇ ਨਾਲ ਹੀ ਰਾਜਸਥਾਨ ਦੇ ਕਈ ਹਿੱਸਿਆਂ ਵਿਚ ਵੀ ਇਸਦੀ ਵਰਤੋਂ ਕੀਤੀ ਜਾਂਦੀ ਹੈ। ਇਹ ਸੁਆਦੀ ਅਤੇ ਸਿਹਤਮੰਦ ਡ੍ਰਿੰਕ ਤੁਹਾਨੂੰ ਦਿਨ ਭਰ ਤਾਜ਼ਾ ਅਤੇ ਊਰਜਾ ਨਾਲ ਭਰਪੂਰ ਰੱਖਣ ਲਈ ਇੱਕ ਵਧੀਆ ਵਿਕਲਪ ਹੈ। ਇਸ ਤੋਂ ਇਲਾਵਾ ਸ਼ਰਦਾਈ ਪੀਣ ਨਾਲ ਸਰੀਰ ਦੀ ਗਰਮੀ ਨੂੰ ਬਣਾਈ ਰੱਖਣ ਵਿਚ ਵੀ ਮਦਦ ਮਿਲਦੀ ਹੈ। ਇਸ ਡਰਿੰਕ ਵਿਚ ਬਹੁਤ ਸਾਰੇ ਸੁੱਕੇ ਮੇਵਿਆਂ ਦੀ ਵਰਤੋਂ ਕੀਤੀ ਜਾਂਦੀ ਹੈ ਜੋ ਕਿ ਇਸਨੂੰ ਜ਼ਿਆਦਾ ਸੁਆਦੀ ਅਤੇ ਸਿਹਤਮੰਦ ਬਣਾਉਂਦਾ ਹੈ। ਇਸ ਡਰਿੰਕ ਵਿਚ ਖਸਖਸ ਦੀ ਵਰਤੋਂ ਵੀ ਕੀਤੀ ਜਾਂਦੀ ਹੈ। ਖਸਖਸ ਦੇ ਬੀਜ ਦੀ ਵਰਤੋਂ ਨਾਲ ਕਾਲੀ ਮਿਰਚ ਦਾ ਪਾਊਡਰ ਮਿਲਾਉਣ ਦੇ ਨਾਲ ਇਸ ਨੂੰ ਵੱਖਰਾ ਸੁਆਦ ਮਿਲਦਾ ਹੈ, ਜੋ ਇਸਦੇ ਸੁਆਦ ਨੂੰ ਹੋਰ ਵੀ ਵਧਾਉਂਦਾ ਹੈ। ਇੱਥੇ ਅਸੀਂ ਤੁਹਾਨੂੰ ਸ਼ਰਦਾਈ ਬਣਾਉਣ ਦਾ ਸੌਖਾ ਤਰੀਕਾ ਦੱਸ ਰਹੇ ਹਾਂ। ਜਿਸਦੇ ਨਾਲ ਤੁਸੀਂ ਹੋਲੀ ਦੇ ਤਿਉਹਾਰ ਦੇ ਦੌਰਾਨ ਘਰ ਵਿਚ ਸੁਆਦੀ ਸ਼ਰਦਾਈ ਤਿਆਰ ਕਰ ਸਕਦੇ ਹੋ। ਇਹ ਗਰਮੀਆਂ ਦੇ ਮੌਸਮ ਵਿਚ ਸਿਹਤ ਲਈ ਲਾਭਕਾਰੀ ਹੁੰਦਾ ਹੈ।ਤੁਸੀਂ ਆਪਣੇ ਆਪ ਹੀ ਇਸ ਸੁਆਦੀ ਵਿਅੰਜਨ ਨੂੰ ਆਸਾਨੀ ਨਾਲ ਤਿਆਰ ਕਰ ਸਕਦੇ ਹੋ।

ਇਹ ਵੀ ਪੜ੍ਹੋ : ਬੈਂਕ ਆਫ ਇੰਡੀਆ ਦੇ ਖ਼ਾਤਾਧਾਰਕਾਂ ਲਈ ਅਹਿਮ ਖ਼ਬਰ, 21 ਅਪ੍ਰੈਲ ਤੋਂ ਬੰਦ ਹੋ ਜਾਵੇਗੀ ਇਹ ਸਰਵਿਸ

ਮੁੱਖ ਸਮੱਗਰੀ

• 1 ਚਮਚ ਸੌਂਫ ਦੇ ਬੀਜ ਦਾ ਪਾਊਡਰ
• 8-10 ਬਦਾਮ
• 1-1 ਚਮਚਾ ਤਰਬੂਜ ਅਤੇ ਖਰਬੂਜੇ ਦੇ ਬੀਜ
• 4 ਹਰੀ ਇਲਾਇਚੀ
• 1 ਚਮਚਾ ਖਸਖਸ
• 3 ਚਮਚੇ ਸੁੱਕੇ ਗੁਲਾਬ ਦੀਆਂ ਪੱਤੀਆਂ
• 1 ਕੱਪ ਖੰਡ
• 8 ਕਾਲੀਆਂ ਮਿਰਚਾਂ ਦੇ ਦਾਣਿਆਂ ਦਾ ਪਾਊਡਰ
• 6 - ਪਿਸਤੇ 
• 6 - ਕਾਜੂ
• 2 ਗਲਾਸ ਠੰਡਾ ਦੁੱਧ
• ਲੋੜ ਅਨੁਸਾਰ ਕੇਸਰ
• ਅੱਧਾ ਕੱਪ ਪਾਣੀ ਸਮੱਗਰੀ ਭਿਓਣ ਲਈ

ਬਣਾਉਣ ਦੀ ਵਿਧੀ

ਪਹਿਲਾਂ ਇੱਕ ਵੱਡਾ ਕਟੋਰਾ ਲਓ, ਹੁਣ ਬਦਾਮ, ਕਾਜੂ, ਪਿਸਤਾ, ਭੁੱਕੀ, ਗੁਲਾਬ ਦੀਆਂ ਪੱਤੀਆਂ, ਮਗਜ ਦੇ ਬੀਜ, ਕਾਲੀ ਮਿਰਚ, ਸੌਂਫ, ਇਲਾਇਚੀ, ਇਹ ਸਾਰੀ ਸੁੱਕੀ ਸਮੱਗਰੀ ਨੂੰ ਮਿਲਾਓ ਅਤੇ ਪਾਣੀ ਵਿਚ ਭਿਓ ਦਿਓ। ਹੁਣ ਇਸ ਵਿਚ ਥੋੜ੍ਹਾ ਜਿਹਾ ਕੇਸਰ ਮਿਲਾਓ ਅਤੇ ਇਸ ਸਾਰੀ ਸਮੱਗਰੀ ਨੂੰ 3 ਤੋਂ 4 ਘੰਟਿਆਂ ਲਈ ਭਿੱਜ ਜਾਣ ਦਿਓ।

ਜਦੋਂ ਸਾਰੀ ਸਮੱਗਰੀ 3 ਤੋਂ 4 ਘੰਟਿਆਂ ਤੱਕ ਚੰਗੀ ਤਰ੍ਹਾਂ ਭਿੱਜ ਜਾਏ ਤਾਂ ਇਸ ਤੋਂ ਬਾਅਦ ਸਾਰੀ ਸਮੱਗਰੀ ਨੂੰ ਮਿਕਸਰ ਵਿਚ ਪਾ ਕੇ ਬਰੀਕ ਪੀਸ ਲਓ ਅਤੇ ਪਤਲਾ ਪੇਸਟ ਬਣਾ ਲਓ। ਹੁਣ ਇਕ ਹੋਰ ਵੱਡੇ ਕਟੋਰੇ ਵਿਚ ਇਕ ਮਲਮਲ ਦਾ ਕੱਪੜਾ ਜਾਂ ਸੂਤੀ ਕੱਪੜਾ ਰੱਖੋ ਅਤੇ ਇਸ ਵਿਚ ਇਹ ਸਾਰੀ ਸਮੱਗਰੀ ਪਾਓ। ਕੱਪੜੇ ਦੀ ਸਹਾਇਤਾ ਨਾਲ ਇਕ ਕਟੋਰੇ ਵਿਚ ਸਮੱਗਰੀ(ਪੇਸਟ) ਛਾਣ ਲਓ। 

ਹੁਣ ਕਟੋਰੇ ਵਿਚ ਚਾਰ ਚਮਚ ਖੰਡ ਅਤੇ ਦੋ ਗਲਾਸ ਠੰਡਾ ਦੁੱਧ ਪਾਓ ਅਤੇ ਇਨ੍ਹਾਂ ਸਾਰਿਆਂ ਨੂੰ ਚੰਗੀ ਤਰ੍ਹਾਂ ਮਿਲਾਓ। ਸਾਰੀ ਸਮੱਗਰੀਆਂ ਨੂੰ 2 ਤੋਂ 3 ਮਿੰਟ ਲਈ ਹਿਲਾਓ ਅਤੇ ਚੰਗੀ ਤਰ੍ਹਾਂ ਰਲਾਓ। ਇਸ ਤਰ੍ਹਾਂ, ਤੁਹਾਡੀ ਸ਼ਰਦਾਈ ਤਿਆਰ ਹੈ ਇਸ ਨੂੰ ਠੰਡਾ-ਠੰਡਾ ਪਰੋਸੋ।

ਇਹ ਵੀ ਪੜ੍ਹੋ : LIC ਦੇ ਪਾਲਸੀਧਾਰਕਾਂ ਲਈ ਵੱਡੀ ਰਾਹਤ, ਮੈਚਿਉਰਿਟੀ ਡਾਕਯੁਮੈਂਟ ਨੂੰ ਲੈ ਕੇ ਕੀਤਾ ਇਹ ਐਲਾਨ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।