ਵੈੱਬ ਡੈਸਕ - ਅੱਜਕਲ੍ਹ ਦੇ ਪ੍ਰਦੂਸ਼ਣ ਅਤੇ ਭੱਜ-ਦੌੜ ਭਰੀ ਜ਼ਿੰਦਗੀ 'ਚ ਚਿਹਰੇ ਦੀ ਚਮਕ ਬਰਕਰਾਰ ਰੱਖਣਾ ਇਕ ਚੁਣੌਤੀ ਬਣ ਗਿਆ ਹੈ। ਮਹਿੰਗੇ ਬਿਊਟੀ ਪ੍ਰੋਡਕਟਸ ਦੀ ਬਜਾਏ ਸਾਡੀ ਰਸੋਈ 'ਚ ਮੌਜੂਦ ਨਿੰਬੂ ਕੁਦਰਤੀ ਤੌਰ 'ਤੇ ਚਿਹਰੇ ਨੂੰ ਨਿਖਾਰਨ 'ਚ ਜਾਦੂਈ ਅਸਰ ਦਿਖਾ ਸਕਦਾ ਹੈ। ਨਿੰਬੂ 'ਚ ਵਿਟਾਮਿਨ-C ਅਤੇ ਐਂਟੀ-ਆਕਸੀਡੈਂਟ ਭਰਪੂਰ ਮਾਤਰਾ ਵਿੱਚ ਹੁੰਦੇ ਹਨ, ਜੋ ਚਮੜੀ ਨੂੰ ਸਾਫ਼ ਅਤੇ ਚਮਕਦਾਰ ਬਣਾਉਂਦੇ ਹਨ।

ਨਿੰਬੂ ਦੀ ਵਰਤੋਂ ਦੇ ਫਾਇਦੇ :-

ਦਾਗ-ਧੱਬੇ ਦੂਰ ਕਰਨਾ
- ਨਿੰਬੂ 'ਚ ਮੌਜੂਦ ਸਿਟਰਿਕ ਐਸਿਡ ਚਿਹਰੇ ਦੇ ਕਾਲੇ ਧੱਬਿਆਂ ਨੂੰ ਹਲਕਾ ਕਰਨ 'ਚ ਮਦਦ ਕਰਦਾ ਹੈ।

ਕੁਦਰਤੀ ਬਲੀਚ
- ਇਹ ਚਮੜੀ ਲਈ ਇਕ ਕੁਦਰਤੀ ਬਲੀਚਿੰਗ ਏਜੰਟ ਵਜੋਂ ਕੰਮ ਕਰਦਾ ਹੈ।

ਤੇਲ ਮੁਕਤ ਚਮੜੀ
- ਜਿਨ੍ਹਾਂ ਦੀ ਚਮੜੀ ਤੇਲਯੁਕਤ ਹੈ, ਉਨ੍ਹਾਂ ਲਈ ਨਿੰਬੂ ਬਹੁਤ ਫਾਇਦੇਮੰਦ ਹੈ।

ਵਰਤੋਂ ਕਰਨ ਦਾ ਸਹੀ ਤਰੀਕਾ :-

ਬਹੁਤ ਸਾਰੇ ਲੋਕ ਨਿੰਬੂ ਨੂੰ ਸਿੱਧਾ ਚਿਹਰੇ 'ਤੇ ਲਗਾ ਲੈਂਦੇ ਹਨ, ਜੋ ਕਿ ਗ਼ਲਤ ਹੈ। ਇਸ ਨਾਲ ਚਮੜੀ 'ਤੇ ਜਲਣ ਜਾਂ ਰੈਸ਼ੇਜ਼ ਹੋ ਸਕਦੇ ਹਨ। ਜਾਣੋ ਸਹੀ ਤਰੀਕੇ :-

ਨਿੰਬੂ ਅਤੇ ਸ਼ਹਿਦ
- ਇਕ ਚਮਚ ਸ਼ਹਿਦ 'ਚ ਨਿੰਬੂ ਦੇ ਰਸ ਦੀਆਂ ਕੁਝ ਬੂੰਦਾਂ ਮਿਲਾ ਕੇ ਚਿਹਰੇ 'ਤੇ ਲਗਾਓ। 15 ਮਿੰਟ ਬਾਅਦ ਧੋ ਲਓ। ਇਹ ਚਮੜੀ ਨੂੰ ਨਰਮ ਅਤੇ ਚਮਕਦਾਰ ਬਣਾਏਗਾ।

ਗੁਲਾਬ ਜਲ ਦੇ ਨਾਲ
- ਜੇਕਰ ਤੁਹਾਡੀ ਚਮੜੀ Sensitive ਹੈ, ਤਾਂ ਨਿੰਬੂ ਦੇ ਰਸ ਨੂੰ ਹਮੇਸ਼ਾ ਗੁਲਾਬ ਜਲ ਵਿੱਚ ਮਿਲਾ ਕੇ ਹੀ ਵਰਤੋ।

ਦਹੀਂ ਅਤੇ ਨਿੰਬੂ
- ਚਿਹਰੇ ਦੀ ਟੈਨਿੰਗ ਦੂਰ ਕਰਨ ਲਈ ਦਹੀਂ ਵਿੱਚ ਨਿੰਬੂ ਮਿਲਾ ਕੇ ਲਗਾਉਣਾ ਬਹੁਤ ਅਸਰਦਾਰ ਹੁੰਦਾ ਹੈ।

ਕੁਝ ਖਾਸ ਸਾਵਧਾਨੀਆਂ : -

- ਨਿੰਬੂ ਲਗਾਉਣ ਤੋਂ ਬਾਅਦ ਤੁਰੰਤ ਧੁੱਪ 'ਚ ਨਾ ਜਾਓ।
- ਜੇਕਰ ਚਿਹਰੇ 'ਤੇ ਕੋਈ ਜ਼ਖ਼ਮ ਜਾਂ ਦਾਗ ਹੈ, ਤਾਂ ਨਿੰਬੂ ਦੀ ਵਰਤੋਂ ਤੋਂ ਪਰਹੇਜ਼ ਕਰੋ।
- ਪਹਿਲਾਂ ਹੱਥ 'ਤੇ ਪੈਚ ਟੈਸਟ ਜ਼ਰੂਰ ਕਰੋ।