ਕੀ PCA ''ਚ ਚੱਲ ਰਿਹੈ ਬਲੈਕਮੇਲਿੰਗ ਦਾ ਕੋਈ ਧੰਦਾ?

ਜਲੰਧਰ :  ਕ੍ਰਿਕਟ ਦੇ ਖੇਤਰਾਂ 'ਚ ਕਿਤੇ-ਕਿਤੇ ਇਹ ਆਵਾਜ਼ ਸੁਣਾਈ ਦੇ ਰਹੀ ਹੈ ਕਿ ਕਿਤੇ ਪੀ.ਸੀ.ਏ. 'ਚ ਬਲੈਕਮੇਲਿੰਗ ਦਾ ਧੰਦਾ ਤਾਂ ਨਹੀਂ ਚੱਲ ਰਿਹਾ? ਕ੍ਰਿਕਟ ਮਾਹਿਰ ਅਜਿਹਾ ਸੋਚਣ ਲਈ ਮਜਬੂਰ ਹਨ ਕਿਉਂਕਿ ਹਰ ਕੋਈ ਕਹਿੰਦਾ ਹੈ ਕਿ ਪੰਜਾਬ ਕ੍ਰਿਕਟ ਐਸੋਸੀਏਸ਼ਨ (ਪੀ.ਸੀ.ਏ.) ਦੀ ਗੰਦਗੀ ਸਾਫ਼ ਹੋਣੀ ਚਾਹੀਦੀ ਹੈ ਪਰ ਗੰਦਗੀ ਨੂੰ ਹਟਾਉਣ ਲਈ ਕੋਈ ਵੀ ਕੋਸ਼ਿਸ਼ ਨਹੀਂ ਕਰਦਾ ਅਤੇ ਨਾ ਹੀ ਕੋਈ ਪਹਿਲਕਦਮੀ ਕਰਦਾ ਦਿਖਾਈ ਦੇ ਰਿਹਾ ਹੈ। ਹਰ ਕੋਈ ਲੁਕਵੇਂ ਢੰਗ ਨਾਲ ਗੱਲ ਕਰਦਾ ਹੈ ਪਰ ਅੱਗੇ ਆ ਕੇ ਗਲਤ ਨੂੰ ਗਲਤ ਅਤੇ ਸਹੀ ਨੂੰ ਸਹੀ ਕਹਿਣ ਵਾਲਾ ਪੀ.ਸੀ.ਏ. 'ਚ ਬਹੁਤ ਘੱਟ ਦਿਖਾਈ ਦੇ ਰਿਹਾ ਹੈ ਇਹੀ ਕਾਰਨ ਹੈ ਕਿ ਸਮੱਸਿਆਵਾਂ ਤਾਂ ਪੈਦਾ ਹੋ ਰਹੀਆਂ ਹਨ ਪਰ ਉਨ੍ਹਾਂ ਦਾ ਹੱਲ ਨਹੀਂ ਹੋ ਰਿਹਾ।

ਇਹ ਵੀ ਪੜ੍ਹੋ : ਕੀ PCA 'ਚ ਚੱਲ ਰਿਹੈ ਬਲੈਕਮੇਲਿੰਗ ਦਾ ਕੋਈ ਧੰਦਾ?

ਇੱਕ ਸਮਾਂ ਸੀ ਜਦੋਂ ਸਾਬਕਾ ਪ੍ਰਧਾਨ ਰਜਿੰਦਰ ਗੁਪਤਾ ਨੇ ਪੰਜਾਬ ਦੇ ਸਾਬਕਾ ਖਿਡਾਰੀਆਂ ਨਾਲ ਮੀਟਿੰਗ ਲਈ ਅਖਬਾਰਾਂ ਵਿੱਚ ਵੱਡਾ ਇਸ਼ਤਿਹਾਰ ਦਿੱਤਾ ਸੀ। ਉਸ ਇਸ਼ਤਿਹਾਰ ਦਾ ਮਕਸਦ ਇਹ ਸੀ ਕਿ ਪੀ.ਸੀ.ਏ. ਦੇ ਕੰਮ ਦਾ ਸਾਰਾ ਸਿਸਟਮ ਪਟਿਆਲੇ ਦੇ ਆਲੇ-ਦੁਆਲੇ ਘੁੰਮਦਾ ਸੀ। ਜ਼ਿਆਦਾਤਰ ਕ੍ਰਿਕਟ ਗਤੀਵਿਧੀਆਂ ਅਤੇ ਲਾਭ ਪਟਿਆਲਾ ਨੂੰ ਹੀ ਮਿਲਦੇ ਸਨ। ਕਾਰਨ ਸਿਰਫ਼ ਇਹ ਸੀ ਕਿ ਉਸ ਵੇਲੇ ਦੇ ਸਕੱਤਰ ਐਮ.ਪੀ. ਪਾਂਡਵ ਪਟਿਆਲਾ ਦੇ ਰਹਿਣ ਵਾਲੇ ਸਨ ਅਤੇ ਉਹਨਾਂ ਦਾ ਪਟਿਆਲਾ ਨਾਲ ਵਿਸ਼ੇਸ਼ ਲਗਾਵ ਸੀ।

ਇਹ ਵੀ ਪੜ੍ਹੋ : ਬੈਂਗਲੁਰੂ ਤੇ ਹੈਦਰਾਬਾਦ 'ਚ ਲਾਂਚ ਹੋਇਆ ਜੀਓ ਦਾ 5ਜੀ

ਐਮ.ਪੀ. ਪਾਂਡਵ ਦੀ ਇਸ ਕਾਰਜਸ਼ੈਲੀ ਕਾਰਨ ਹੋਰਨਾਂ ਜ਼ਿਲ੍ਹਿਆਂ ਦੀਆਂ ਐਸੋਸੀਏਸ਼ਨਾਂ ਵਿੱਚ ਰੋਸ ਸੀ। ਉਸ ਰੋਸ ਨੂੰ ਦੂਰ ਕਰਨ ਲਈ ਪੰਜਾਬ ਦੇ ਸਾਬਕਾ ਰਣਜੀ ਖਿਡਾਰੀਆਂ ਨੂੰ ਉਸ ਸਮੇਂ ਦੇ ਪੀ.ਸੀ.ਏ. ਪ੍ਰਧਾਨ ਰਜਿੰਦਰ ਗੁਪਤਾ ਨੇ ਮੀਟਿੰਗ ਲਈ ਸੱਦਾ ਦਿੱਤਾ ਸੀ। ਉਸ ਮੀਟਿੰਗ ਲਈ ਸਕੱਤਰ ਐਮ.ਪੀ. ਪਾਂਡਵ ਅਸਹਿਮਤ ਹੋ ਗਏ ਜਿਸ ਕਾਰਨ ਉਸ ਸਮੇਂ ਪ੍ਰਧਾਨ ਅਤੇ ਸਕੱਤਰ ਵਿਚਕਾਰ ਖੁੱਲ੍ਹਾ ਟਕਰਾਅ ਹੋ ਗਿਆ। ਸਕੱਤਰ ਐਮ.ਪੀ. ਪਾਂਡਵ ਦੇ ਪਿੱਛੇ ਸੱਟੇਬਾਜ਼ ਤੇ ਪ੍ਰਧਾਨ ਰਜਿੰਦਰਾ ਗੁਪਤਾ ਦੇ ਪਿੱਛੇ ਭੁਪਿੰਦਰ ਸਿੰਘ ਸੀਨੀਅਰ ਅਤੇ ਰਾਕੇਸ਼ ਹਾਂਡਾ ਸਨ ਜੋ ਕ੍ਰਿਕਟਰਾਂ ਸਬੰਧੀ ਪੀ.ਸੀ.ਏ. ਪ੍ਰਧਾਨ ਨੂੰ ਮਿਲਣ ਵਾਲੇ ਸਨ।

ਮੋਹਾਲੀ ਸਟੇਡੀਅਮ ਦੇ ਗੇਟ ਬੰਦ ਕਰ ਦਿੱਤੇ ਗਏ ਅਤੇ ਪ੍ਰਧਾਨ ਨੂੰ ਮਿਲਣ ਆਏ ਸਾਬਕਾ ਰਣਜੀ ਖਿਡਾਰੀਆਂ ਨੂੰ ਅੰਦਰ ਨਹੀਂ ਜਾਣ ਦਿੱਤਾ ਗਿਆ ਜਦਕਿ ਸੱਟੇਬਾਜ਼ਾਂ ਦੇ ਸੈਂਕੜੇ ਗੁੰਡਿਆਂ ਨੇ ਪੀ.ਸੀ.ਏ. ਪ੍ਰਧਾਨ ਰਜਿੰਦਰ ਗੁਪਤਾ ਨੂੰ ਘੇਰ ਲਿਆ। ਰਜਿੰਦਰ ਗੁਪਤਾ ਬੇਵੱਸ ਨਜ਼ਰ ਆਏ ਪਰ ਅੱਜ ਇਹ ਸੱਟੇਬਾਜ਼ ਜੋ ਉਸ ਸਮੇਂ ਵਿਰੋਧੀ ਸੀ, ਅੱਜ ਸਹਿਯੋਗੀ ਹੈ। ਇਸੇ ਲਈ ਕਈ ਲੋਕ ਦੱਬੀ ਹੋਈ ਆਵਾਜ਼ 'ਚ ਕਹਿੰਦੇ ਹਨ ਕਿ ਕਿਤੇ ਪੀ.ਸੀ.ਏ. ਅੰਦਰ ਬਲੈਕਮੇਲਿੰਗ ਦਾ ਧੰਦਾ ਤਾਂ ਨਹੀਂ ਚੱਲ ਰਿਹਾ?