ਕਾਲੀ ਹੋਈ ਔਰਤ ਦੀ ਜੀਭ ਅਤੇ ਉੱਗ ਆਏ ਵਾਲ, ਡਾਕਟਰ ਵੀ ਹੋਏ ਹੈਰਾਨ

ਇੰਟਰਨੈਸ਼ਨਲ ਡੈਸਕ- ਹਾਲ ਹੀ 'ਚ ਇਕ ਅਜੀਬੋ-ਗਰੀਬ ਮਾਮਲਾ ਸਾਹਮਣੇ ਆਇਆ ਹੈ, ਜਿਸ 'ਚ ਅਚਾਨਕ ਇਕ ਔਰਤ ਦੀ ਜੀਭ ਕਾਲੀ ਪੈ ਗਈ ਅਤੇ ਉਸ 'ਤੇ ਛੋਟੇ-ਛੋਟੇ ਵਾਲ ਉੱਗ ਗਏ। ਇਹ ਆਪਣੇ ਆਪ ਵਿੱਚ ਬਹੁਤ ਅਜੀਬ ਹੈ। ਬ੍ਰਿਟਿਸ਼ ਮੈਡੀਕਲ ਜਰਨਲ ਕੇਸ ਰਿਪੋਰਟਾਂ ਅਨੁਸਾਰ ਅਸਲ ਵਿੱਚ ਇਹ 60 ਸਾਲਾ ਔਰਤ ਗੁਦੇ ਦੇ ਕੈਂਸਰ ਨਾਲ ਪੀੜਤ ਸੀ ਅਤੇ ਉਸਦਾ ਇਲਾਜ 14 ਮਹੀਨੇ ਪਹਿਲਾਂ ਜਾਪਾਨ ਵਿੱਚ ਸ਼ੁਰੂ ਹੋਇਆ ਸੀ। ਆਪਣੀ ਕੀਮੋਥੈਰੇਪੀ ਦੇ ਮਾੜੇ ਪ੍ਰਭਾਵਾਂ ਨੂੰ ਘਟਾਉਣ ਲਈ ਔਰਤ ਮਾਈਨੋਸਾਈਕਲਿਨ ਲੈ ਰਹੀ ਸੀ, ਜਿਸਦੀ ਵਰਤੋਂ ਫਿਣਸੀ ਤੋਂ ਲੈ ਕੇ ਨਿਮੋਨੀਆ ਤੱਕ ਹਰ ਚੀਜ਼ ਦੇ ਇਲਾਜ ਲਈ ਕੀਤੀ ਜਾਂਦੀ ਹੈ।

'Black Hairy Tongue' ਦਾ ਸ਼ਿਕਾਰ ਹੋਈ ਔਰਤ

ਡਾਕਟਰਾਂ ਨੇ ਦੱਸਿਆ ਕਿ ਔਰਤ ਨੂੰ ਪੈਨੀਟੁਮੁਮਾਬ-ਪ੍ਰੇਰਿਤ ਸਕਿਨ ਦੇ ਜਖਮਾਂ ਨੂੰ ਰੋਕਣ ਲਈ ਮਾਈਨੋਸਾਈਕਲੀਨ 100 ਮਿਲੀਗ੍ਰਾਮ/ਦਿਨ ਦਿੱਤੀ ਗਈ ਸੀ। ਸਾਡੀ ਸਮਝ ਮੁਤਾਬਕ ਕੁਝ ਸਮੇਂ ਵਿਚ ਇਸ ਦੇ ਪ੍ਰਤੀਕਰਮ ਕਾਰਨ ਔਰਤ ਦੀ ਜੀਭ ਕਾਲੀ ਹੋ ਗਈ ਅਤੇ ਉਸ 'ਤੇ ਵਾਲ ਵੀ ਆ ਗਏ। ਐਂਟੀਬਾਇਓਟਿਕ ਪ੍ਰਤੀਕ੍ਰਿਆ ਨੇ ਔਰਤ ਨੂੰ 'ਬਲੈਕ ਹੇਅਰੀ ਟੰਗ (ਬੀਐਚਟੀ)' ਦਾ ਸ਼ਿਕਾਰ ਬਣਾਇਆ। ਨਾ ਸਿਰਫ਼ ਔਰਤ ਦੀ ਜੀਭ ਕਾਲੀ ਹੋ ਗਈ, ਸਗੋਂ ਉਸ ਦੀ ਸਕਿਨ ਵੀ ਗ੍ਰੇ ਹੋ ​​ਗਈ।

ਡਾਕਟਰ ਵੀ ਹੋਏ ਹੈਰਾਨ 

ਦਿ ਮੈਟਰੋ ਦੀ ਖ਼ਬਰ ਮੁਤਾਬਕ ਪਹਿਲਾਂ ਡਾਕਟਰਾਂ ਨੇ ਦੇਖਿਆ ਕਿ ਔਰਤ ਦਾ ਚਿਹਰਾ ਸਲੇਟੀ ਹੋ ​​ਗਿਆ ਸੀ। ਫਿਰ ਜਦੋਂ ਔਰਤ ਨੇ ਆਪਣਾ ਮੂੰਹ ਖੋਲ੍ਹਿਆ ਅਤੇ ਆਪਣੀ ਜੀਭ ਦਿਖਾਈ ਤਾਂ ਉਹ ਹੈਰਾਨ ਰਹਿ ਗਏ ਕਿਉਂਕਿ ਔਰਤ ਦੀ ਜੀਭ ਦਾ ਰੰਗ ਕਾਲਾ ਹੋ ਗਿਆ ਸੀ ਅਤੇ ਉਸ 'ਤੇ ਵਾਲ ਜਿਹੇ ਨਜ਼ਰ ਆ ਰਹੇ ਸਨ। ਡਾਕਟਰਾਂ ਨੇ ਦੱਸਿਆ ਕਿ ਇਸ ਸਭ ਤੋਂ ਬਾਅਦ ਅਸੀਂ ਮਹਿਲਾ ਦੀ ਦਵਾਈ ਬਦਲ ਦਿੱਤੀ ਅਤੇ ਹੁਣ ਉਸ ਦੀ ਹਾਲਤ 'ਚ ਸੁਧਾਰ ਹੋਣ ਦੀ ਉਮੀਦ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ-ਅਮਰੀਕਾ 'ਚ ਪੰਜਾਬੀ ਮੂਲ ਦੇ ਵਿਅਕਤੀ ਨੇ ਦੋ ਔਰਤਾਂ ਦੇ ਕਤਲ ਦਾ ਦੋਸ਼ ਕਬੂਲਿਆ

ਪਹਿਲਾਂ ਵੀ ਆਇਆ ਅਜਿਹਾ ਮਾਮਲਾ

ਜ਼ਿਕਰਯੋਗ ਹੈ ਕਿ ਪਿਛਲੇ ਸਾਲ ਅਮਰੀਕਾ 'ਚ ਅਜਿਹਾ ਹੀ ਮਾਮਲਾ ਸਾਹਮਣੇ ਆਇਆ ਸੀ। ਇੱਥੇ ਇੱਕ ਵਿਅਕਤੀ ਨੂੰ ਪਤਾ ਲੱਗਾ ਕਿ ਉਸਦੀ ਜ਼ੁਬਾਨ ਵਿੱਚ ਇੱਕ ਵੱਖਰੀ ਕਿਸਮ ਦੀ ਤਬਦੀਲੀ ਆ ਰਹੀ ਹੈ। ਜੀਭ 'ਤੇ ਵਾਲ ਉੱਗ ਗਏ ਹਨ ਅਤੇ ਉਹ ਇਹ ਕਾਲੀ ਹੁੰਦੀ ਜਾ ਰਹੀ ਹੈ। ਮੱਧ ਵਿੱਚ ਇੱਕ ਪੀਲੇ ਰੰਗ ਦਾ ਪ੍ਰਭਾਵ ਹੈ। ਪਰ ਉਸ ਨੂੰ ਕੋਈ ਦਰਦ ਮਹਿਸੂਸ ਨਹੀਂ ਹੋ ਰਿਹਾ। ਇਸ ਹੈਰਾਨ ਕਰ ਦੇਣ ਵਾਲੀ ਸਥਿਤੀ ਤੋਂ ਉਸ 50 ਸਾਲਾ ਵਿਅਕਤੀ ਦੇ ਰਿਸ਼ਤੇਦਾਰ ਅਤੇ ਡਾਕਟਰ ਹੈਰਾਨ ਸਨ। ਜੀਭ ਦੇ ਉੱਪਰ ਕਾਲੇ ਰੰਗ ਦੀ ਮੋਟੀ ਪਰਤ ਦਿਖਾਈ ਦੇ ਰਹੀ ਸੀ। ਪੀਲੇ ਰੰਗ ਦਾ ਪ੍ਰਭਾਵ ਜੀਭ ਦੇ ਵਿਚਕਾਰ ਅਤੇ ਪਿਛਲੇ ਪਾਸੇ ਸੀ।
ਇਸ ਸਬੰਧੀ ਅਧਿਐਨ ਜਰਨਲ ਜਾਮਾ ਡਰਮਾਟੋਲੋਜੀ ਵਿੱਚ ਪ੍ਰਕਾਸ਼ਿਤ ਹੋਇਆ ਹੈ। ਡਾਕਟਰਾਂ ਨੇ ਇਸ ਜੀਭ ਦਾ ਅਧਿਐਨ ਕੀਤਾ ਅਤੇ ਇਸ ਬਾਰੇ ਸਾਰੀਆਂ ਰਿਪੋਰਟਾਂ ਇਸ ਜਰਨਲ ਵਿੱਚ ਪ੍ਰਕਾਸ਼ਿਤ ਕੀਤੀਆਂ। ਡਾਕਟਰਾਂ ਨੇ ਦੱਸਿਆ ਕਿ ਇਹ ਵਿਅਕਤੀ ਬਲੈਕ ਹੈਰੀ ਟੰਗ ਸਿੰਡਰੋਮ ਤੋਂ ਪੀੜਤ ਹੈ। ਇਹ ਰੋਗ ਐਂਟੀਬਾਇਓਟਿਕਸ ਦੇ ਮਾੜੇ ਪ੍ਰਭਾਵਾਂ ਕਾਰਨ ਹੋ ਸਕਦਾ ਹੈ ਜਾਂ ਇਹ ਮੂੰਹ ਵਿੱਚ ਗੰਦਗੀ, ਸੁੱਕੇ ਮੂੰਹ ਕਾਰਨ, ਸਿਗਰਟਨੋਸ਼ੀ ਜਾਂ ਨਰਮ ਭੋਜਨ ਖਾਣ ਕਾਰਨ ਹੋ ਸਕਦਾ ਹੈ।

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।