ਕੀ 10 ਡਾਓਨਿੰਗ ਸਟ੍ਰੀਟ 'ਚ PM ਬੋਰਿਸ ਜਾਨਸਨ ਆਪਣੀ ਪ੍ਰੇਮਿਕਾ ਨਾਲ ਰਹਿਣਗੇ

ਲੰਡਨ - ਬ੍ਰਿਟੇਨ ਦੇ ਨਵੇਂ ਪ੍ਰਧਾਨ ਮੰਤਰੀ ਬੋਰਿਸ ਜਾਨਸਨ ਨੇ 10 ਡਾਓਨਿੰਗ ਸਟ੍ਰੀਟ ਦੇ ਮਸ਼ਹੂਰ ਕਾਲੇ ਦਰਵਾਜ਼ੇ ਤੋਂ ਬੁੱਧਵਾਰ ਨੂੰ ਐਂਟਰ ਕੀਤਾ। ਕੈਮਰਿਆਂ ਦੀਆਂ ਫਲੈਸ਼ਾਂ ਉਨ੍ਹਾਂ 'ਤੇ ਸਨ ਪਰ ਹਰ ਇਕ ਦੇ ਜ਼ਹਿਨ 'ਚ ਸਵਾਲ ਹੈ ਕਿ ਜਾਨਸਨ ਦੇ ਨਾਲ 10 ਡਾਓਨਿੰਗ ਸਟ੍ਰੀਟ 'ਚ ਪੀ. ਐੱਮ. ਦੇ ਨਾਲ ਉਨ੍ਹਾਂ ਦੀ ਪ੍ਰੇਮਿਕਾ ਵੀ ਰਹੇਗੀ? ਲਗਭਗ ਅੱਧੀ ਸਦੀ 'ਚ ਇਹ ਪਹਿਲਾ ਮੌਕਾ ਸੀ ਜਦੋਂ ਨਵੇਂ ਪ੍ਰਧਾਨ ਮੰਤਰੀ ਦੇ ਨਾਲ ਉਨ੍ਹਾਂ ਦੀ ਪਤਨੀ ਨੇ ਪੀ. ਐੱਮ. ਆਵਾਸ 'ਚ ਦਾਖਲ ਨਹੀਂ ਹੋਈ। 25 ਸਾਲ ਦੇ ਵਿਆਹ ਤੋਂ ਬਾਅਦ ਆਪਣੀ ਪਤਨੀ ਮਰੀਨਾ ਵ੍ਹੀਲਰ ਤੋਂ ਜਾਨਸਨ ਅਲਗ ਹੋ ਚੁੱਕੇ ਹਨ।

ਨਵੇਂ ਬ੍ਰਿਟਿਸ਼ ਪੀ. ਐੱਮ. ਦੀ ਪ੍ਰੇਮਿਕਾ ਸਟਾਫ ਦੇ ਨਾਲ ਆਈ ਨਜ਼ਰ
ਬ੍ਰਿਟਿਸ਼ ਪ੍ਰਧਾਨ ਮੰਤਰੀ ਦੇ ਨਾਲ 10 ਡਾਓਨਿੰਗ ਸਟ੍ਰੀਟ 'ਚ ਦਾਖਲ ਕਰਨ ਦੇ ਸਥਾਨ 'ਤੇ ਜਾਨਸਨ ਦੀ ਪ੍ਰੇਮਿਕਾ ਕੈਰੀ ਸਾਇਮੰਡਸ ਨੂੰ ਸਟਾਫ ਦੇ ਨਾਲ ਅੱਗੇ ਦੀ ਲਾਈਨ 'ਚ ਦੇਖਿਆ ਗਿਆ। ਸਾਇਮੰਡਸ ਕੰਜ਼ਰਵੇਟਿਸ ਪਾਰਟੀ ਦੀ ਸਾਬਕਾ ਕਮਿਊਨਿਕੇਸ਼ਨ ਪ੍ਰਮੁੱਖ ਰਹਿ ਚੁੱਕੀ ਹੈ। ਹਾਲਾਂਕਿ ਸਟਾਫ ਦੇ ਨਾਲ ਖੜੀ ਸਾਇਮੰਡਸ ਨੂੰ ਮੀਡੀਆ ਨੇ ਆਪਣੇ ਕੈਮਰਿਆਂ 'ਚ ਜ਼ਰੂਰ ਕੈਦ ਕੀਤਾ। ਇਹ ਪੁਰਾਣੇ ਰਸਮੀ ਬ੍ਰਿਟਿਸ਼ ਸੰਸਕ੍ਰਿਤੀ ਤੋਂ ਅਲਗ ਨਵੇਂ ਬ੍ਰਿਟੇਨ ਦਾ ਨਜ਼ਾਰਾ ਹੈ। ਨਾਲ ਹੀ ਦੇਸ਼ ਦੇ ਨਵੇਂ ਪੀ. ਐੱਮ. ਦੇ ਰੰਗੀਨ ਜਨਤਕ ਜ਼ਿੰਦਗੀ ਦੀ ਝਲਕ ਨੂੰ ਇਕੋਂ ਸਮੇਂ ਇਕ ਹੀ ਕੈਮਰੇ 'ਚ ਕੈਦ ਕੀਤਾ ਗਿਆ।

ਐਂਟਰੀ ਸਮੇਂ ਫੈਮਿਲੀ ਫੋਟੋ
ਦਹਾਕਿਆਂ ਤੋਂ ਅਜਿਹਾ ਰਿਵਾਜ਼ ਹੈ ਕਿ 10 ਡਾਓਨਿੰਗ ਸਟ੍ਰੀਟ 'ਚ ਜਦੋਂ ਕੋਈ ਨਵਾਂ ਪ੍ਰਧਾਨ ਮੰਤਰੀ ਦਾਖਲ ਹੁੰਦਾ ਹੈ ਤਾਂ ਮੀਡੀਆ ਅਤੇ ਕੈਮਰਿਆਂ ਦੇ ਸਾਹਮਣੇ ਧੰਨਵਾਦ ਕਰਦਾ ਹੈ। ਅਕਸਰ ਅਜਿਹਾ ਹੋਇਆ ਹੈ ਕਿ ਪ੍ਰਧਾਨ ਮੰਤਰੀ ਦੇ ਨਾਲ ਪਤਨੀ ਵੀ ਹੁੰਦੀ ਹੈ ਅਤੇ ਮੀਡੀਆ ਸਾਹਮਣੇ ਟ੍ਰਡੀਸ਼ਨਲ ਅੰਦਾਜ਼ 'ਚ ਪੋਜ਼ ਦਿੰਦੇ ਹਨ। ਜ਼ਿਆਦਾਤਰ ਮੌਕਿਆਂ 'ਤੇ ਪੀ. ਐੱਮ. ਆਪਣੇ ਪਰਿਵਾਰ ਜਿਨ੍ਹਾਂ 'ਚ ਪਤਨੀ ਅਤੇ ਬੱਚੇ ਸ਼ਾਮਲ ਹਨ, ਦੇ ਨਾਲ ਹੱਸਦੇ ਹੋਏ, ਜਿੱਤ ਦਾ ਚਿੰਨ੍ਹ ਬਣਾਉਂਦੇ ਹੋਏ ਤਸਵੀਰਾਂ ਖਿਚਵਾਉਂਦੇ ਹਨ। ਇਸ ਵਾਰ ਨਜ਼ਾਰਾ ਇਸ ਤੋਂ ਵੱਖਰਾ ਸੀ।

ਜਾਨਸਨ ਦਾ ਸਾਬਕਾ ਪਤਨੀ ਨਾਲ ਚੱਲ ਰਿਹਾ ਹੈ ਤਲਾਕ
55 ਸਾਲ ਦੇ ਜਾਨਸਨ ਅਤੇ ਉਨ੍ਹਾਂ ਦੀ ਸਾਬਕਾ ਪਤਨੀ ਮਰੀਨਾ ਵ੍ਹੀਲਰ ਨੇ ਪਿਛਲੇ ਸਾਲ ਸਤੰਬਰ 'ਚ ਆਪਣੇ ਤਲਾਕ ਦਾ ਐਲਾਨ ਕੀਤਾ ਸੀ। ਜੋੜੇ ਦੇ 4 ਬੱਚੇ ਹਨ ਅਤੇ ਫਿਲਹਾਲ ਦੋਹਾਂ ਦਾ ਤਲਾਕ ਕੇਸ ਚੱਲ ਰਿਹਾ ਹੈ। ਹਾਲਾਂਕਿ ਬ੍ਰਿਟੇਨ ਦੇ ਜ਼ਿਆਦਾਤਰ ਵਿਆਹਾਂ ਦੀ ਕੁਲ ਉਮਰ ਨਾਲ ਇਸ ਜੋੜੇ ਦਾ ਵਿਆਹ ਟਿਕਿਆ। ਇਕ ਰਿਪੋਰਟ ਮੁਤਾਬਕ ਹਰੇਕ ਸਾਲ 100 'ਚੋਂ 64 ਵਿਆਹਾਂ ਦਾ ਆਖਿਰ ਤਲਾਕ ਦੇ ਰੂਪ 'ਚ ਹੁੰਦਾ ਹੈ।

ਤਲਾਕ ਲਏ ਬਿਨਾਂ ਪ੍ਰੇਮਿਕਾ ਦੇ ਨਾਲ ਪੀ. ਐੱਮ. ਆਵਾਸ 'ਚ ਰਹਿਣਾ ਮੁਸ਼ਕਿਲ
ਨਿਕੋਲਸ ਐਲਨ ਲੰਡਨ ਦੀ ਯੂਨੀਵਰਿਸਟੀ 'ਚ ਸਿਆਸਤ ਪੜਾਉਂਦੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਕਾਨੂੰਨੀ ਤੌਰ 'ਤੇ ਤਲਾਕ ਮਿਲੇ ਬਿਨਾਂ ਪਤਨੀ ਦੀ ਥਾਂ 'ਤੇ ਕਿਸੇ ਦੂਜੀ ਮਹਿਲਾ ਦੇ ਨਾਲ ਰਹਿਣਾ ਮੁਸ਼ਕਿਲ ਹੈ। ਤਕਨੀਕੀ ਤੌਰ 'ਤੇ ਤੁਸੀਂ ਅਜੇ ਵੀ ਵਿਆਹੇ ਹੋ ਅਤੇ ਅਜਿਹੇ ਹਾਲਾਤਾਂ 'ਚ ਕਿਸੇ ਹੋਰ ਮਹਿਲਾ ਦੇ ਨਾਲ ਰਹਿਣਾ ਖੁਫੀਆ ਜਾਣਕਾਰੀ ਦਾ ਉਲੰਘਣ ਮੰਨਿਆ ਜਾਵੇਗਾ।