ਵੈਧ ਸੁਭਾਸ਼ ਗੋਇਲ ਨੂੰ ਮਿਲਿਆ ਦੁਬਈ ''ਚ ਬਿਜ਼ਨੈੱਸ ਅਵਾਰਡ

ਇੰਟਰਨੈਸ਼ਨਲ ਡੈਸਕ- 18 ਨਵੰਬਰ ਦੀ ਸ਼ਾਮ ਨੂੰ ਦੁਬਈ ਦੇ ਮੈਟਰੋਪਾਲਟੀਨ ਹੋਟਲ ਵਿਚ ਕਰਵਾਏ ਗਏ ਦੂਜੇ ਦੁਬਈ ਇੰਟਰਨੈਸ਼ਨਲ ਬਿਜ਼ਨੈੱਸ ਅਵਾਰਡ 2024 ਵਿਚ ਪੰਜਾਬ ਦੇ ਮਸ਼ਹੂਰ ਵੈਧ ਸੁਭਾਸ਼ ਗੋਇਲ ਨੂੰ ਸਨਮਾਨਿਤ ਕੀਤਾ ਗਿਆ। ਸੁਭਾਸ਼ ਗੋਇਲ ਜੋ ਕਿ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਦੇਸੀ ਆਯੁਰਵੈਦਿਕ ਵੈਧ ਮੰਨੇ ਗਏ ਹਨ ਅਤੇ ਉਨ੍ਹਾਂ ਦੀਆਂ ਰੀਲਜ਼ ਕਾਫੀ ਵਾਇਰਲ ਹੁੰਦੀਆਂ ਹਨ। ਵੱਡੀ ਗਿਣਤੀ ਵਿਚ ਲੋਕ ਉਨ੍ਹਾਂ ਨੂੰ ਫੋਲੋ ਕਰਦੇ ਹਨ ਅਤੇ ਉਨ੍ਹਾਂ ਨੂੰ 'ਦੇਸੀ ਨੁਸਖਿਆਂ ਦੀ ਮਸ਼ੀਨ' ਦੇ ਨਾਮ ਨਾਲ ਜਾਣਿਆ ਜਾਂਦਾ ਹੈ। ਉਨ੍ਹਾਂ ਦੀਆਂ ਸੇਵਾਵਾਂ ਦੇ ਚੱਲਦਿਆਂ ਦੁਬਈ ਵਿਚ ਹੋਏ ਇੰਟਰਨੈਸ਼ਨਲ ਬਿਜ਼ਨੈਸ ਅਵਾਰਡ ਵਿਚ ਉਨ੍ਹਾਂ ਨੂੰ ਅਵਾਰਡ ਦੇ ਕੇ ਸਨਮਾਨਿਤ ਕੀਤਾ ਗਿਆ। 

ਗੌਰਤਲਬ ਹੈ ਕਿ ਦੂਜੀ ਵਾਰ ਇਹ ਅਵਾਰਡ ਹੋਇਆ ਜਿਸ ਵਿਚ ਵੱਖ-ਵੱਖ ਖੇਤਰਾਂ ਦੀਆਂ ਪ੍ਰਮੁੱਖ ਸ਼ਖਸੀਅਤਾਂ ਨੂੰ ਸਨਮਾਨਿਤ ਕੀਤਾ ਗਿਆ। ਕਈ ਮੁਲਕਾਂ ਦੇ ਲੋਕ ਇਸ ਅਵਾਰਡ ਸਮਾਰੋਹ ਵਿਚ ਪਹੁੰਚੇ। ਪੱਤਰਕਾਰ ਕੈਟੇਗਰੀ, ਹੈਲਥ ਕੈਟੇਗਰੀ, ਇਮੀਗ੍ਰੇਸ਼ਨ ਕੈਟੇਗਰੀ ਆਦਿ ਇਸ ਤਰ੍ਹਾਂ ਦੀਆਂ ਸਾਰੀਆਂ ਕੈਟੇਗਰੀ ਵਿਚ ਅਵਾਰਡ ਦਿੱਤੇ ਗਏ। ਜਿਸ ਵਿਚ ਸੁਭਾਸ਼ ਗੋਇਲ ਨੂੰ ਵੀ ਅਵਾਰਡ ਦੇ ਕੇ ਉਨ੍ਹਾਂ ਦੀਆਂ ਸੇਵਾਵਾਂ ਬਦਲੇ ਸਨਮਾਨਿਤ ਕੀਤਾ ਗਿਆ। ਮੁੱਖ ਮਹਿਮਾਨਾਂ ਦੀ ਗੱਲ ਕਰੀਏ ਤਾਂ ਦੁਬਈ ਦੇ ਲੋਕਲ ਸਭ ਤੋਂ ਵੱਡੇ ਸ਼ੇਖ ਇਸ ਸਮਾਰੋਹ ਵਿਚ ਪਹੁੰਚੇ ਹੋਏ ਸਨ। ਨਾਲ ਹੀ ਸ਼ਾਹੀ ਇਮਾਮ ਵੀ ਪਹੁੰਚੇ ਸਨ। ਤਖਤ ਸ੍ਰੀ ਦਮਦਮਾ ਸਾਹਿਬ ਦੇ ਜਥੇਦਾਰ ਗਿਆਨੀ ਹਰਪ੍ਰੀਤ ਸਿੰਘ ਜੀ ਵੀ ਵਿਸ਼ੇਸ਼ ਤੌਰ 'ਤੇ ਪਹੁੰਚੇ ਹੋਏ ਸਨ। ਜਮਜਮ ਮੋਬਾਇਲ ਵਾਲਾ ਆਦਿ ਮਸ਼ਹੂਰ ਸ਼ਖਸੀਅਤਾਂ ਵੀ ਮੌਜੂਦ ਸਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।