ਨਿਊਯਾਰਕ ਸਣੇ ਇੱਥੋਂ ਜਿੱਤੇ ਬਾਈਡੇਨ, ਟਰੰਪ ਮਹੱਤਵਪੂਰਣ ਸੂਬਿਆਂ ''ਚ ਅੱਗੇ
11/04/2020 1:30:48 PM
ਨਿਊਯਾਰਕ- ਅਮਰੀਕਾ ਦੇ ਸਾਬਕਾ ਉਪ ਰਾਸ਼ਟਰਪਤੀ ਅਤੇ ਡੈਮੋਕ੍ਰੇਟਿਕ ਪਾਰਟੀ ਦੇ ਰਾਸ਼ਟਰਪਤੀ ਅਹੁਦੇ ਦੇ ਉਮੀਦਵਾਰ ਜੋਅ ਬਾਈਡੇਨ ਨੇ ਨਿਊਜਰਸੀ ਅਤੇ ਨਿਊਯਾਰਕ ਵਿਚ ਜਿੱਤ ਹਾਸਲ ਕੀਤੀ ਹੈ।
ਇਸ ਦੇ ਨਾਲ ਹੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਕਈ ਮਹੱਤਵਪੂਰਨ ਸੂਬਿਆਂ ਵਿਚ ਮੋਹਰੀ ਹਨ। ਨਿਊਯਾਰਕ ਵਿਚ, ਬਾਈਡੇਨ ਨੇ 22 ਲੱਖ ਵੋਟਾਂ ਪ੍ਰਾਪਤ ਕੀਤੀਆਂ ਅਤੇ ਟਰੰਪ ਨੂੰ 12 ਲੱਖ ਵੋਟਾਂ ਪ੍ਰਾਪਤ ਹੋਈਆਂ। ਨਿਊਯਾਰਕ ਟਾਈਮਜ਼ ਦੀ ਰਿਪੋਰਟ ਮੁਤਾਬਕ ਸਾਬਕਾ ਉਪ ਰਾਸ਼ਟਰਪਤੀ ਨੇ ਕੋਲੋਰਾਡੋ, ਕਨੈਕਟਿਕਟ, ਡੇਲਾਵੇਅਰ, ਇਲੀਨੋਇਸ, ਮੈਸਾਚਿਉਸੇਟਸ, ਨਿਊਮੈਕਸੀਕੋ, ਵਰਮੌਂਟ ਅਤੇ ਵਰਜੀਨੀਆ ਵਿਚ ਜਿੱਤ ਪ੍ਰਾਪਤ ਕੀਤੀ ਹੈ।
ਜਦੋਂਕਿ ਰਾਸ਼ਟਰਪਤੀ ਟਰੰਪ ਅਲਾਬਮਾ, ਅਰਕਾਨਸਾਸ, ਕੈਂਟਕੀ, ਲੂਸੀਆਨਾ, ਮਿਸੀਸਿਪੀ, ਨੇਬਰਾਸਕਾ, ਨੌਰਥ ਡਕੋਟਾ, ਓਕਲਾਹੋਮਾ, ਸਾਊਥ ਡਕੋਟਾ, ਟੇਨੇਸੀ, ਵੈਸਟ ਵਰਜੀਨੀਆ, ਵੋਮਿੰਗ, ਇੰਡੀਆਨਾ ਅਤੇ ਦੱਖਣੀ ਕੈਰੋਲਿਨਾ ਵਿਚ ਅੱਗੇ ਹਨ। ਕੋਵਿਡ-19 ਮਹਾਮਾਰੀ ਦੇ ਫੈਲਣ ਦੌਰਾਨ, 10 ਮਿਲੀਅਨ ਤੋਂ ਵੱਧ ਅਮਰੀਕੀ ਵੋਟ ਪਾਉਣ ਤੋਂ ਪਹਿਲਾਂ, ਸੰਯੁਕਤ ਰਾਜ ਵਿਚ ਸਭ ਦੀਆਂ ਨਜ਼ਰਾਂ ਰਾਸ਼ਟਰਪਤੀ ਚੋਣਾਂ ਦੇ ਨਤੀਜਿਆਂ 'ਤੇ ਕੇਂਦਰਿਤ ਹਨ।
