ਚੋਣਾਂ ਤੋਂ ਪਹਿਲਾਂ ਬਿਡੇਨ ਦਾ ਬੇਟਾ ਸੁਰਖੀਆਂ ''ਚ, ਸਟ੍ਰਿਪ ਕਲੱਬ ''ਚ ਇਕ ਰਾਤ ''ਚ ਉਡਾਏ 8 ਲੱਖ ਰੁਪਏ
11/01/2020 6:00:51 PM
ਵਾਸ਼ਿੰਗਟਨ (ਬਿਊਰੋ): ਅਮਰੀਕਾ ਵਿਚ ਅਗਲੇ ਹਫਤੇ ਰਾਸ਼ਟਰਪਤੀ ਚੋਣਾਂ ਹੋਣ ਜਾ ਰਹੀਆਂ ਹਨ। ਇਸ ਦੌਰਾਨ ਚੋਣਾਂ ਵਿਚ ਡੋਨਾਲਡ ਟਰੰਪ ਨੂੰ ਸਖਤ ਟੱਕਰ ਦੇ ਰਹੇ ਜੋ ਬਿਡੇਨ ਦਾ ਬੇਟਾ ਹੰਟਰ ਬਿਡੇਨ ਅਮਰੀਕੀ ਮੀਡੀਆ ਵਿਚ ਸੁਰਖੀਆਂ ਵਿਚ ਹੈ। ਜੋ ਬਿਡੇਨ ਦੇ ਬੇਟੇ ਦੇ ਲੈਪਟਾਪ ਦਾ ਡਾਟਾ ਲੀਕ ਹੋਇਆ ਹੈ, ਜਿਸ ਨਾਲ ਉਹਨਾ ਦੀ ਜ਼ਿੰਦਗੀ ਦੇ ਕਈ ਅਜਿਹੇ ਪਲ ਜਨਤਕ ਹੋਏ ਹਨ ਜਿਸ ਨਾਲ ਵਿਵਾਦ ਖੜ੍ਹਾ ਹੋ ਗਿਆ ਹੈ। ਡੇਲੀ ਮੇਲ ਦੀ ਖਬਰ ਦੇ ਮੁਤਾਬਕ, ਹੰਟਰ ਬਿਡੇਨ ਨੇ ਇਕ ਰਾਤ ਵਿਚ ਨਿਊਯਾਰਕ ਦੇ ਇਕ ਸਟ੍ਰਿਪ ਕਲੱਬ ਵਿਚ 8 ਲੱਖ ਰੁਪਏ ਖਰਚ ਕਰ ਦਿੱਤੇ ਸਨ। ਉੱਥੇ ਇਕ ਬਿੱਲ ਤੋਂ ਪਤਾ ਚੱਲਿਆ ਕਿ ਉਹਨਾਂ ਨੇ ਪੋਰਨ ਵੈਬਸਾਈਟ 'ਤੇ ਲਾਈਵ ਸ਼ੋਅ ਦੇਖਣ ਦੇ ਲਈ ਕਰੀਬ 15 ਲੱਖ ਰੁਪਏ ਖਰਚ ਕੀਤੇ ਸਨ।
ਡਾਟਾ ਜ਼ਰੀਏ ਹੋਏ ਅਹਿਮ ਖੁਲਾਸੇ
ਖਬਰ ਦੇ ਮੁਤਾਬਕ, ਲੈਪਟਾਪ ਦੇ ਇਸ ਡਾਟਾ ਨੂੰ ਲੈ ਕੇ ਹੰਟਰ ਨੂੰ ਬਲੈਕਮੇਲ ਕੀਤਾ ਜਾ ਸਕਦਾ ਸੀ। ਲੀਕ ਹੋਏ ਡਾਟਾ ਤੋਂ ਇਹ ਵੀ ਪਤਾ ਚੱਲਦਾ ਹੈ ਕਿ 50 ਸਾਲ ਦੇ ਹੰਟਰ ਬਿਡੇਨ ਨੇ ਇਕ ਰਾਤ ਦੇ ਦੌਰਾਨ ਹੀ ਹੋਟਲ ਦੇ ਕਈ ਕਮਰਿਆਂ ਵਿਚ ਰਹਿਣ ਦੇ ਲਈ ਬਿੱਲ ਚੁਕਾਇਆ ਸੀ।
ਤਸਵੀਰਾਂ ਵਿਚ ਕਈ ਅਹਿਮ ਖੁਲਾਸੇ
ਡੇਲੀ ਮੇਲ ਦੀ ਖਬਰ ਦੇ ਮੁਤਾਬਕ, ਕੁਝ ਤਸਵੀਰਾਂ ਤੋਂ ਅਜਿਹਾ ਪ੍ਰਤੀਤ ਹੁੰਦਾ ਹੈ ਜਿਵੇਂ ਕਿ ਹੰਟਰ ਬਿਡੇਨ ਕੋਕੀਨ ਪੀ ਰਹੇ ਹਨ ਅਤੇ ਕਿਸੇ ਅਣਪਛਾਤੀ ਬੀਬੀ ਦੇ ਨਾਲ ਸਰੀਰਕ ਸੰਬੰਧ ਬਣਾ ਰਹੇ ਹਨ। ਹੰਟਰ ਬਿਡੇਨ ਪਹਿਲੀ ਪਤਨੀ ਤੋਂ ਤਲਾਕ ਲੈ ਚੁੱਕੇ ਹਨ। ਤਲਾਕ ਦੇ ਦੌਰਾਨ ਵੀ ਹੰਟਰ ਬਿਡੇਨ 'ਤੇ ਦੋਸ਼ ਲਗਾਇਆ ਗਿਆ ਸੀ ਕਿ ਉਹ ਡਰੱਗ, ਸ਼ਰਾਬ, ਵੇਸਵਾਪੁਣੇ-ਸਟ੍ਰਿਪ ਕਲੱਬ ਅਤੇ ਸਰੀਰਕ ਸੰਬੰਧ ਰੱਖਣ ਵਾਲੀਆਂ ਬੀਬੀਆਂ ਨੂੰ ਤੋਹਫੇ ਦੇਣ 'ਤੇ ਕਾਫੀ ਪੈਸੇ ਖਰਚ ਕਰਦੇ ਹਨ।
ਪੜ੍ਹੋ ਇਹ ਅਹਿਮ ਖਬਰ- ਪਾਕਿ ਪੀ.ਐੱਮ. ਵੱਲੋਂ ਗਿਲਗਿਤ-ਬਾਲਟੀਸਤਾਨ ਨੂੰ ਅੰਤਰਿਮ ਸੂਬੇ ਦਾ ਦਰਜਾ ਦੇਣ ਦਾ ਐਲਾਨ
ਪਹਿਲਾਂ ਵੀ ਰਹੇ ਹਨ ਸੁਰਖੀਆਂ ਵਿਚ
ਹੰਟਰ ਬਿਡੇਨ ਇਨੀਂ ਦਿਨੀਂ ਕਾਫੀ ਚਰਚਾ ਵਿਚ ਹਨ। ਕੁਝ ਸਮਾਂ ਪਹਿਲਾਂ ਨਿਊਯਾਰਕ ਪੋਸਟ ਦੇ ਅਕਾਊਂਟ ਤੋਂ ਹੰਟਰ ਬਿਡੇਨ ਦੇ ਬਾਰੇ ਵਿਚ ਵਿਵਾਦਮਈ ਲੇਖ ਪ੍ਰਕਾਸ਼ਿਤ ਕੀਤਾ ਗਿਆ ਸੀ ਅਤੇ ਉਸ ਨੂੰ ਛੇ ਵਾਰੀ ਟਵੀਟ ਕੀਤਾ ਗਿਆ ਸੀ। ਇਸ ਦੇ ਬਾਅਦ ਟਵਿੱਟਰ ਨੇ ਕਾਰਵਾਈ ਕਰਦਿਆਂ ਅਕਾਊਂਟ ਨੂੰ ਲੌਕ ਕਰ ਦਿੱਤਾ। ਸ਼ੁੱਕਰਵਾਰ ਨੂੰ ਟਵਿੱਟਰ ਨੇ ਨਿਊਯਾਰਕ ਪੋਸਟ ਦੇ ਨਾਲ ਆਪਣੇ ਗਤੀਰੋਧ ਨੂੰ ਖਤਮ ਕਰਦਿਆਂ ਅਕਾਊਂਟ ਨੂੰ ਮੁੜ ਅਨਲੌਕ ਕਰ ਦਿੱਤਾ। ਇਸ ਦੇ ਬਾਅਦ ਨਿਊਯਾਕ ਪੋਸਟ ਨੇ ਟਵੀਟ ਕੀਤਾ,''ਅਸੀਂ ਵਾਪਸ ਆ ਗਏ ਹਾਂ।'' ਨਿਊਯਾਰਕ ਪੋਸਟ ਦੇ ਲੇਖ ਨੂੰ ਪਾਬੰਦੀਸ਼ੁਦਾ ਕਰਨ 'ਤੇ ਫੇਸਬੁੱਕ ਅਤੇ ਟਵਿੱਟਰ ਨੂੰ ਝਾੜ ਪਾਈ ਗਈ ਸੀ।
