ਟਰਾਂਸਜੈਂਡਰ ਸੰਸਦ ਮੈਂਬਰ ਦੇ ਬਾਥਰੂਮ ਦੀ ਵਰਤੋਂ ਨੂੰ ਲੈ ਕੇ ਹੰਗਾਮਾ

ਵਾਸ਼ਿੰਗਟਨ: ਅਮਰੀਕਾ 'ਚ ਹਾਲ ਹੀ 'ਚ ਹੋਈਆਂ ਰਾਸ਼ਟਰਪਤੀ ਚੋਣਾਂ ਦੌਰਾਨ ਪਹਿਲੀ ਵਾਰ ਕਿਸੇ ਟਰਾਂਸਜੈਂਡਰ ਵਿਅਕਤੀ ਨੂੰ ਸੰਸਦ ਮੈਂਬਰ ਚੁਣਿਆ ਗਿਆ। ਉਸਦਾ ਨਾਮ ਸਾਰਾਹ ਮੈਕਬ੍ਰਾਈਡ ਹੈ। ਸਾਰਾ ਦਾ ਜਨਮ ਇੱਕ ਪੁਰਸ਼ ਦੇ ਤੌਰ 'ਤੇ ਹੋਇਆ ਸੀ ਪਰ ਹੁਣ ਉਹ ਇੱਕ ਟਰਾਂਸਜੈਂਡਰ ਔਰਤ ਹੈ। ਦਰਅਸਲ ਸਾਰਾ ਨੂੰ ਡੇਲਾਵੇਅਰ ਦੇ ਲੋਕਾਂ ਨੇ ਅਮਰੀਕੀ ਸੰਸਦ ਦੇ ਹੇਠਲੇ ਸਦਨ ਭਾਵ ਪ੍ਰਤੀਨਿਧੀ ਸਭਾ ਲਈ ਚੁਣਿਆ ਹੈ। ਉਹ ਚੋਣਾਂ ਵਿਚ ਡੈਮੋਕ੍ਰੇਟਿਕ ਪਾਰਟੀ ਦੀ ਉਮੀਦਵਾਰ ਸੀ।

ਸਾਰਾ ਦੇ ਚੋਣ ਜਿੱਤਣ ਤੋਂ ਬਾਅਦ ਉਹ ਦੁਨੀਆ ਭਰ 'ਚ ਇਤਿਹਾਸ ਰਚ ਕੇ ਸੁਰਖੀਆਂ 'ਚ ਰਹੀ। ਹਾਲਾਂਕਿ ਹੁਣ ਉਨ੍ਹਾਂ ਦੇ ਲੇਡੀਜ਼ ਵਾਸ਼ਰੂਮ ਦੀ ਵਰਤੋਂ ਨਾ ਕਰਨ 'ਤੇ ਸੰਸਦ 'ਚ ਹੰਗਾਮਾ ਹੋਇਆ ਹੈ। ਜਾਣਕਾਰੀ ਮੁਤਾਬਕ ਡੋਨਾਲਡ ਟਰੰਪ ਦੀ ਰਿਪਬਲਿਕਨ ਪਾਰਟੀ ਦੀ ਮਹਿਲਾ ਸੰਸਦ ਨੈਨਸੀ ਮੇਸ ਨੇ ਕਿਹਾ ਹੈ ਕਿ ਉਹ ਸਾਰਾਹ ਮੈਕਬ੍ਰਾਈਡ ਨੂੰ ਕੈਪੀਟਲ ਹਿੱਲ 'ਚ ਲੇਡੀਜ਼ ਵਾਸ਼ਰੂਮ ਦੀ ਵਰਤੋਂ ਨਹੀਂ ਕਰਨ ਦੇਵੇਗੀ।

ਨੈਨਸੀ ਮੇਸ ਨੇ ਹੇਠਲੇ ਸਦਨ ਵਿੱਚ ਰੱਖਿਆ ਪ੍ਰਸਤਾਵ

ਅਮਰੀਕੀ ਮੀਡੀਆ ਰਿਪੋਰਟਾਂ ਮੁਤਾਬਕ ਨੈਂਸੀ ਨੇ ਆਪਣੀ ਮੰਗ ਪੂਰੀ ਕਰਵਾਉਣ ਲਈ ਪ੍ਰਤੀਨਿਧੀ ਸਭਾ 'ਚ ਪ੍ਰਸਤਾਵ ਵੀ ਲਿਆਂਦਾ ਹੈ। ਉਨ੍ਹਾਂ ਨੇ ਆਪਣੇ ਪ੍ਰਸਤਾਵ ਵਿੱਚ ਕਿਹਾ ਹੈ ਕਿ ਸਦਨ ਦੇ ਮੈਂਬਰਾਂ, ਅਧਿਕਾਰੀਆਂ ਅਤੇ ਕੈਪੀਟਲ ਹਿੱਲ ਦੇ ਕਰਮਚਾਰੀਆਂ ਨੂੰ ਆਪਣੇ ਜਨਮ ਦੇ ਲਿੰਗ ਤੋਂ ਇਲਾਵਾ ਕਿਸੇ ਹੋਰ ਟਾਇਲਟ ਦੀ ਵਰਤੋਂ ਕਰਨ ਦੀ ਮਨਾਹੀ ਹੈ। ਪ੍ਰਸਤਾਵ ਵਿੱਚ ਇਹ ਵੀ ਦਾਅਵਾ ਕੀਤਾ ਗਿਆ ਹੈ ਕਿ ਜੇਕਰ ਪੁਰਸ਼ਾਂ ਦੇ ਰੂਪ ਵਿੱਚ ਜਨਮ ਲੈਣ ਵਾਲੇ ਲੋਕਾਂ ਨੂੰ ਔਰਤਾਂ ਦੇ ਵਾਸ਼ਰੂਮ, ਲਾਕਰ ਰੂਮ ਅਤੇ ਚੇਂਜਿੰਗ ਰੂਮ ਵਿੱਚ ਜਾਣ ਦੀ ਇਜਾਜ਼ਤ ਦਿੱਤੀ ਜਾਂਦੀ ਹੈ ਤਾਂ ਇਸ ਨਾਲ ਮਹਿਲਾ ਸੰਸਦ ਮੈਂਬਰਾਂ, ਅਧਿਕਾਰੀਆਂ ਅਤੇ ਕੈਪੀਟਲ ਹਿੱਲ ਸਟਾਫ ਦੀ ਸੁਰੱਖਿਆ ਅਤੇ ਸਨਮਾਨ ਨੂੰ ਖ਼ਤਰਾ ਹੋ ਸਕਦਾ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ-ਭਾਰਤੀ ਮੂਲ ਦੀ ਬੱਚੀ ਬਣੀ ਗਣਿਤ ਦੀ ਸਟਾਰ, ਮਿਲਣਗੇ 1 ਲੱਖ ਡਾਲਰ

ਸਪੀਕਰ ਲਵੇਗਾ ਆਖਰੀ ਫ਼ੈਸਲਾ

ਮੀਡੀਆ ਨੇ ਨੈਨਸੀ ਮੇਸ ਦੇ ਇਸ ਪ੍ਰਸਤਾਵ 'ਤੇ ਪ੍ਰਤੀਨਿਧੀ ਸਭਾ ਦੇ ਸਪੀਕਰ ਮਾਈਕ ਜੌਹਨਸਨ ਨਾਲ ਗੱਲਬਾਤ ਕੀਤੀ। ਉਨ੍ਹਾਂ ਪੁੱਛਿਆ ਕਿ ਇਸ ਪ੍ਰਸਤਾਵ ਬਾਰੇ ਉਨ੍ਹਾਂ ਦੀ ਕੀ ਰਾਏ ਹੈ ਅਤੇ ਉਹ ਇਸ 'ਤੇ ਕੀ ਫੈ਼ਸਲਾ ਲੈਣਗੇ? ਇਸ 'ਤੇ ਜੌਹਨਸਨ ਨੇ ਕਿਹਾ ਕਿ ਟਰਾਂਸਜੈਂਡਰ ਸੰਸਦ ਮੈਂਬਰਾਂ ਵੱਲੋਂ ਟਾਇਲਟ ਦੀ ਵਰਤੋਂ ਕਰਨ ਦਾ ਮੁੱਦਾ ਪਹਿਲਾਂ ਕਦੇ ਹੇਠਲੇ ਸਦਨ 'ਚ ਨਹੀਂ ਉਠਾਇਆ ਗਿਆ ਅਤੇ ਹੁਣ ਜਦੋਂ ਇਹ ਮੁੱਦਾ ਉਠੇਗਾ ਤਾਂ ਸਾਰੇ ਮੈਂਬਰਾਂ ਵੱਲੋਂ ਇਸ 'ਤੇ ਸਰਬਸੰਮਤੀ ਨਾਲ ਫ਼ੈਸਲਾ ਕੀਤਾ ਜਾਵੇਗਾ।

ਇਸ ਪੂਰੇ ਮਾਮਲੇ 'ਤੇ ਸਾਰਾਹ ਨੇ ਕਿਹਾ ਕਿ ਇਹ ਸੱਜੇ ਪੱਖੀ ਆਗੂਆਂ ਦੀ ਅਸਲ ਮੁੱਦਿਆਂ ਤੋਂ ਧਿਆਨ ਹਟਾਉਣ ਦੀ ਚਾਲ ਹੈ। ਉਨ੍ਹਾਂ ਕੋਲ ਉਨ੍ਹਾਂ ਸਮੱਸਿਆਵਾਂ ਦਾ ਕੋਈ ਹੱਲ ਨਹੀਂ ਹੈ ਜਿਨ੍ਹਾਂ ਦਾ ਅਮਰੀਕੀ ਨਾਗਰਿਕ ਹਰ ਰੋਜ਼ ਸਾਹਮਣਾ ਕਰ ਰਹੇ ਹਨ। ਅਮਰੀਕੀ ਸਦਨ ਦੇ ਸਪੀਕਰ ਮਾਈਕ ਜੌਹਨਸਨ ਨੇ ਪਾਰਲੀਮੈਂਟ ਵਿੱਚ ਟਰਾਂਸਜੈਂਡਰ ਔਰਤਾਂ ਨੂੰ ਔਰਤਾਂ ਦੇ ਟਾਇਲਟ ਦੀ ਵਰਤੋਂ ਕਰਨ 'ਤੇ ਪਾਬੰਦੀ ਲਗਾਉਣ ਦੀ ਯੋਜਨਾ ਦਾ ਸਮਰਥਨ ਕੀਤਾ ਹੈ। ਜੌਹਨਸਨ ਨੇ ਬਿਆਨ 'ਚ ਕਿਹਾ ਕਿ ਔਰਤਾਂ ਲਈ ਸਪੇਸ ਬਹੁਤ ਮਹੱਤਵਪੂਰਨ ਹੈ। ਇਹ ਪਾਬੰਦੀ ਕੈਪੀਟਲ ਹਿੱਲ ਅਤੇ ਸੰਸਦ ਨਾਲ ਸਬੰਧਤ ਇਮਾਰਤਾਂ ਵਿੱਚ ਲਾਗੂ ਰਹੇਗੀ। ਅਮਰੀਕਾ ਦੀ ਸੰਸਦ 'ਚ ਜਿੱਤ ਕੇ ਆਏ ਟਰਾਂਸਜੈਂਡਰ ਸੰਸਦ ਮੈਂਬਰ ਦੇ ਬਾਥਰੂਮ ਦੀ ਵਰਤੋਂ ਕਰਕੇ ਨੂੰ ਲੈ ਕੇ ਹੰਗਾਮਾ ਮਚਿਆ ਹੋਇਆ ਹੈ। ਫਿਲਹਾਲ ਹਾਊਸ ਸਪੀਕਰ ਨੇ ਉਨ੍ਹਾਂ 'ਤੇ ਲੇਡੀਜ਼ ਲੂ 'ਚ ਜਾਣ 'ਤੇ ਪਾਬੰਦੀ ਲਗਾ ਦਿੱਤੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।