ਯੂ.ਕੇ ਨੇ 174 ਸੱਭਿਆਚਾਰਕ ਵਸਤੂਆਂ ਆਸਟ੍ਰੇਲੀਅਨ ਸਵਦੇਸ਼ੀ ਭਾਈਚਾਰੇ ਨੂੰ ਕੀਤੀਆਂ ਵਾਪਸ

ਇੰਟਰਨੈਸ਼ਨਲ ਡੈਸਕ- ਯੂ.ਕੇ ਨੇ ਇੱਕ ਸਵਦੇਸ਼ੀ ਆਸਟ੍ਰੇਲੀਅਨ ਭਾਈਚਾਰੇ ਨੂੰ ਦਹਾਕਿਆਂ ਤੋਂ ਬ੍ਰਿਟਿਸ਼ ਮਿਊਜ਼ੀਅਮ ਵਿਚ ਰੱਖੀਆਂ ਗਈਆਂ 174 ਸੱਭਿਆਚਾਰਕ ਵਸਤੂਆਂ ਵਾਪਸ ਸੌਂਪ ਦਿੱਤੀਆਂ ਹਨ। ਵਸਤੂਆਂ ਦੀ ਵਾਪਸੀ ਦੀ ਨਿਸ਼ਾਨਦੇਹੀ ਲਈ ਮੰਗਲਵਾਰ ਨੂੰ ਇੱਕ ਸਮਾਰੋਹ ਵਿਚ ਅਨਿੰਦਿਲਿਆਕਵਾ ਭਾਈਚਾਰੇ ਦੇ ਨੁਮਾਇੰਦਿਆਂ ਨੇ ਉੱਤਰੀ ਪ੍ਰਦੇਸ਼ ਦੇ ਤੱਟ ਤੋਂ ਦੂਰ ਗ੍ਰੋਟ ਆਇਲੈਂਡਟ ਟਾਪੂ ਤੋਂ ਉੱਤਰੀ ਇੰਗਲੈਂਡ ਦੇ ਮੈਨਚੈਸਟਰ ਅਜਾਇਬ ਘਰ ਤੱਕ ਯਾਤਰਾ ਕੀਤੀ। ਇਹਨਾਂ ਵਸਤਾਂ 'ਚ ਵਿੱਚ ਸ਼ੈੱਲ ਗੁੱਡੀਆਂ, ਸੱਕ ਦੀਆਂ ਟੋਕਰੀਆਂ ਅਤੇ ਬਰਛੇ ਸੁੱਟਣ ਵਾਲੇ ਉਪਕਰਨ ਸ਼ਾਮਲ ਹਨ, ਜਿਹਨਾਂ ਨੂੰ ਮਾਨਚੈਸਟਰ ਯੂਨੀਵਰਸਿਟੀ ਦੇ ਇੱਕ ਸਾਬਕਾ ਪ੍ਰੋਫੈਸਰ ਪੀਟਰ ਵਰਸਲੇ ਦੁਆਰਾ ਪ੍ਰਾਪਤ ਕੀਤਾ ਗਿਆ ਸੀ, ਜਦੋਂ ਉਹ 1950 ਦੇ ਦਹਾਕੇ ਵਿੱਚ ਆਸਟ੍ਰੇਲੀਆ ਗਿਆ ਸੀ।

ਮੈਨਚੈਸਟਰ ਯੂਨੀਵਰਸਿਟੀ ਦਾ ਹਿੱਸਾ ਅਜਾਇਬ ਘਰ ਨੇ ਆਸਟ੍ਰੇਲੀਅਨ ਇੰਸਟੀਚਿਊਟ ਆਫ਼ ਐਬੋਰਿਜਿਨਲ ਅਤੇ ਟੋਰੇਸ ਸਟ੍ਰੇਟ ਆਈਲੈਂਡਰ ਸਟੱਡੀਜ਼ ਅਤੇ ਅਨਿੰਦਿਲਿਆਕਵਾ ਲੈਂਡ ਕਾਉਂਸਿਲ ਨਾਲ ਤਿੰਨ ਸਾਲਾਂ ਵਿੱਚ ਇਹ ਨਿਰਧਾਰਤ ਕਰਨ ਲਈ ਕੰਮ ਕੀਤਾ ਕਿ ਵਸਤੂਆਂ ਕਿੱਥੇ ਰਹਿਣੀਆਂ ਚਾਹੀਦੀਆਂ ਹਨ। ਉਹਨਾਂ ਨੂੰ ਸਟੋਰਰੂਮ ਵਿੱਚ ਰੱਖਿਆ ਗਿਆ ਸੀ ਅਤੇ ਸਾਲਾਂ ਤੱਕ ਲੋਕਾਂ ਲਈ ਪ੍ਰਦਰਸ਼ਿਤ ਨਹੀਂ ਕੀਤਾ ਗਿਆ ਸੀ। ਯੂਕੇ ਵਿੱਚ ਆਸਟ੍ਰੇਲੀਆ ਦੇ ਹਾਈ ਕਮਿਸ਼ਨਰ ਸਟੀਫਨ ਸਮਿਥ ਨੇ ਕਿਹਾ ਕਿ ਇਹਨਾਂ ਮਹੱਤਵਪੂਰਨ ਸੱਭਿਆਚਾਰਕ ਵਿਰਾਸਤੀ ਵਸਤੂਆਂ ਦੀ ਵਾਪਸੀ ਆਸਟ੍ਰੇਲੀਆ ਨਾਲ ਸੁਲ੍ਹਾ-ਸਫਾਈ ਲਈ ਇੱਕ ਮਹੱਤਵਪੂਰਨ ਕਦਮ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ-ਐਲਿਜ਼ਾਬੇਥ II ਨੂੰ ਖ਼ਾਸ ਸਨਮਾਨ, ਯੂ.ਕੇ ਨੇ ਤਿਆਰ ਕੀਤਾ ਦੁਨੀਆ ਦਾ ਸਭ ਤੋਂ ਮਹਿੰਗਾ 'ਸਿੱਕਾ (ਤਸਵੀਰਾਂ)

ਉਹਨਾਂ ਮੁਤਾਬਕ "ਇਹ ਸੱਭਿਆਚਾਰਕ ਅਭਿਆਸਾਂ ਨੂੰ ਨਵਿਆਉਣ ਅਤੇ ਭਵਿੱਖ ਦੀਆਂ ਪੀੜ੍ਹੀਆਂ ਲਈ ਅਜਿਹੇ ਅਭਿਆਸਾਂ ਤੇ ਚੀਜ਼ਾਂ ਦੀ ਸੁਰੱਖਿਆ ਵਿੱਚ ਵੀ ਮਦਦ ਕਰਦਾ ਹੈ।" ਵਰਸਲੇ ਨੇ 1950 ਦੇ ਦਹਾਕੇ ਦੌਰਾਨ ਖੋਜ ਕਰਦੇ ਹੋਏ ਅਨਿੰਦਿਲਿਆਕਵਾ ਲੋਕਾਂ ਨਾਲ ਮਜ਼ਬੂਤ ਸਬੰਧ ਬਣਾਏ। 2013 ਵਿੱਚ ਉਸਦੀ ਮੌਤ ਹੋ ਗਈ ਸੀ। ਉੱਧਰ ਅਜਾਇਬ ਘਰ ਨੇ ਕਿਹਾ ਕਿ ਉਸਨੇ ਨੇਕ ਵਿਸ਼ਵਾਸ ਨਾਲ ਆਦਿਵਾਸੀ ਭਾਈਚਾਰੇ ਤੋਂ ਸੰਗ੍ਰਹਿ ਪ੍ਰਾਪਤ ਕੀਤਾ। ਵਾਪਸ ਕੀਤੀਆਂ ਵਸਤੂਆਂ ਦੇ ਇੱਕ ਵੱਡੇ ਹਿੱਸੇ ਵਿੱਚ 70 ਡੈਡੀਕਵਾਕਵਾ-ਕਵਾ, ਜਾਂ ਸ਼ੈੱਲ "ਖਿਡੌਣੇ ਗੁੱਡੀਆਂ" ਸ਼ਾਮਲ ਸਨ ਜੋ ਅਨਿੰਦਿਲਿਆਕਵਾ ਕੁੜੀਆਂ ਦੁਆਰਾ ਵਰਤੀਆਂ ਜਾਂਦੀਆਂ ਸਨ।
2019 ਵਿੱਚ ਮੈਨਚੈਸਟਰ ਮਿਊਜ਼ੀਅਮ ਨੇ 43 ਰਸਮੀ ਵਸਤੂਆਂ ਹੋਰ ਆਸਟ੍ਰੇਲੀਆਈ ਆਦਿਵਾਸੀ ਭਾਈਚਾਰਿਆਂ ਨੂੰ ਵਾਪਸ ਸੌਂਪੀਆਂ ਸਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।