ਬ੍ਰਿਟੇਨ ''ਚ ਕੋਰੋਨਾ : ''ਮੈਂ ਉਨ੍ਹਾਂ ਲਈ ਕਬਰਾਂ ਖੋਦ ਰਿਹਾ ਹਾਂ ਜਿਹੜੇ ਅਜੇ ਵੀ ਜਿਉਂਦੇ ਹਨ''

ਲੰਡਨ : 'ਮੈਂ ਉਨ੍ਹਾਂ ਲਈ ਕਬਰਾਂ ਖੋਦ ਰਿਹਾ ਹਾਂ, ਜੋ ਅਜੇ ਵੀ ਜ਼ਿੰਦਾ ਹਨ। ਇਸ ਤੋਂ ਭੈੜੀ ਗੱਲ ਕੀ ਹੋ ਸਕਦੀ ਹੈ ਕਿ ਮੈਨੂੰ ਇਹ ਕੰਮ ਕਰਨਾ ਪੈ ਰਿਹਾ ਹੈ।' ਇਹ ਕਹਿਣਾ ਹੈ ਕਲਾਈਵ ਕਲਬਰ ਦਾ, ਜੋ ਕਿ ਦੱਖਣ-ਪੱਛਮੀ ਬ੍ਰਿਟੇਨ ਵਿਚ ਸਥਿਤ ਕੋਰਨਵਾਲ ਕਾਉਂਟੀ ਵਿਚ ਰਹਿੰਦਾ ਹੈ। ਕੋਰੋਨਾ ਵਾਇਰਸ ਨਾਲ ਵੱਡੀ ਗਿਣਤੀ ਵਿਚ ਮੌਤਾਂ ਹੋ ਸਕਦੀਆਂ ਹਨ, ਇਸ ਲਈ ਉਸ ਨੂੰ ਕਬਰਾਂ ਪੁੱਟਣ ਦਾ ਪਹਿਲਾਂ ਹੀ ਕੰਮ ਮਿਲ ਚੁੱਕਾ ਹੈ।

ਦਰਅਸਲ, ਬ੍ਰਿਟੇਨ ਵਿਚ ਕੋਰੋਨਾ ਵਾਇਰਸ ਕਾਰਨ ਹੁਣ ਤੱਕ 4,313 ਵਿਅਕਤੀਆਂ ਦੀ ਮੌਤ ਹੋ ਚੁੱਕੀ ਹੈ। ਉਸੇ ਸਮੇਂ, 41 ਹਜ਼ਾਰ ਤੋਂ ਵੱਧ ਲੋਕ ਇਸ ਨਾਲ ਸੰਕ੍ਰਮਿਤ ਹਨ। ਇੱਥੇ ਕੋਰੋਨਾ ਵਾਇਰਸ ਦੇ ਮਹਾਂਮਾਰੀ ਕਾਰਨ ਸਥਿਤੀ ਲਗਾਤਾਰ ਵਿਗੜਦੀ ਜਾ ਰਹੀ ਹੈ। ਮਰਨ ਵਾਲਿਆਂ ਦੀ ਗਿਣਤੀ ਲਗਾਤਾਰ ਚੌਥੇ ਦਿਨ 708 ਸੀ। ਹਸਪਤਾਲਾਂ ਵਿਚ ਮਰੀਜ਼ਾਂ ਦੀ ਗਿਣਤੀ ਵੱਧ ਰਹੀ ਹੈ। ਕਲਾਈਵ ਮੁਤਾਬਕ ਇੱਥੋਂ ਦੇ ਸਥਾਨਕ ਪ੍ਰਸ਼ਾਸਨ ਦਾ ਮੰਨਣਾ ਹੈ ਕਿ ਆਉਣ ਵਾਲੇ ਦਿਨਾਂ ਵਿਚ ਕੋਰੋਨਾ ਮਹਾਂਮਾਰੀ ਕਾਰਨ ਮਰਨ ਵਾਲਿਆਂ ਦੀ ਗਿਣਤੀ ਕਾਫ਼ੀ ਵਧਣ ਜਾ ਰਹੀ ਹੈ। ਅਜਿਹੀ ਸਥਿਤੀ ਵਿਚ ਉਨ੍ਹਾਂ ਨੂੰ ਵਾਧੂ ਕਬਰਾਂ ਤਿਆਰ ਰੱਖਣੀਆਂ ਪੈਣੀਆਂ ਹਨ।

ਕਲਾਈਵ ਦਾ ਕਹਿਣਾ ਹੈ ਕਿ ਕੋਈ ਵੀ ਅਜਿਹਾ ਕਰਨ ਦਾ ਸ਼ੌਕੀਨ ਨਹੀਂ ਹੈ ਪਰ ਉਸ ਦੀ ਮਜਬੂਰੀ ਹੈ ਕਿ ਉਹ ਇਹ ਕੰਮ ਕਰ ਰਿਹਾ ਹੈ। ਮੈਨੂੰ ਪਹਿਲਾਂ ਕਦੇ ਅਜੀਬ ਮਹਿਸੂਸ ਨਹੀਂ ਹੋਇਆ ਪਰ ਹੁਣ ਬਹੁਤ ਹੀ ਬੁਰਾ ਮਹਿਸੂਸ ਹੋ ਰਿਹਾ ਹੈ।