ਯੂਨਾਨ ਨੇ ਭੂਮੱਧ ਸਾਗਰ 'ਚ ਸਾਡੇ ਲੜਾਕੂ ਜਹਾਜ਼ 'ਤੇ ਮਿਜ਼ਾਈਲ ਤਾਣੀ : ਤੁਰਕੀ

ਇਸਤਾਂਬੁਲ-ਯੂਨਾਨ ਦੇ ਭੂਮੱਧ ਸਾਗਰ ਦੇ ਉੱਪਰ ਤੁਰਕੀ ਦੇ ਐੱਫ-16 ਲੜਾਕੂ ਜਹਾਜ਼ਾਂ 'ਤੇ ਉਸ ਸਮੇਂ ਜ਼ਮੀਨ ਤੋਂ ਹਵਾ 'ਚ ਮਾਰ ਕਰਨ ਵਾਲੀ ਮਿਜ਼ਾਈਲ ਤਾਣੀ ਜਦ ਉਹ ਅੰਤਰਰਾਸ਼ਟਰ ਹਵਾਈ ਖੇਤਰ 'ਚ ਜਾਸੂਸੀ ਮਿਸ਼ਨ 'ਤੇ ਸਨ। ਇਹ ਦਾਅਵਾ ਤੁਰਕੀ ਦੀ ਸਰਕਾਰੀ ਸਮਾਚਾਰ ਏਜੰਸੀ ਅਨਾਡੋਲ ਨੇ ਐਤਵਾਰ ਨੂੰ ਕੀਤਾ। ਸਮਾਚਾਰ ਏਜੰਸੀ ਨੇ ਰੱਖਿਆ ਮੰਤਰਾਲਾ ਦੇ ਸੂਤਰਾਂ ਦੇ ਹਵਾਲੇ ਤੋਂ ਦੱਸਿਆ ਕਿ ਕ੍ਰੇਟੇ ਟਾਪੂ 'ਤੇ ਸਥਾਪਿਤ ਯੂਨਾਨ ਦੀ ਐੱਸ-300 ਮਿਜ਼ਾਈਲ ਪ੍ਰਣਾਲੀ ਨੇ 23 ਅਗਸਤ ਨੂੰ ਤੁਰਕੀ ਦੇ ਲੜਾਕੂ ਜਹਾਜ਼ਾਂ 'ਤੇ ਹਮਲੇ ਲਈ ਸਾਰੀਆਂ ਗਣਿਤ ਦੀਆਂ ਤਿਆਰੀਆਂ ਵੀ ਕਰ ਲਈਆਂ ਸਨ।

 ਇਹ ਵੀ ਪੜ੍ਹੋ : ਇਸਲਾਮਾਬਾਦ ਹਾਈ ਕੋਰਟ ਦੀ ਪੰਜ ਮੈਂਬਰੀ ਬੈਂਚ ਇਮਰਾਨ ਵਿਰੁੱਧ ਕਰੇਗੀ ਮਾਣਹਾਨੀ ਮਾਮਲੇ ਦੀ ਸੁਣਵਾਈ

ਏਜੰਸੀ ਮੁਤਾਬਕ, ਤੁਰਕੀ ਦੇ ਐੱਫ-16 ਲੜਾਕੂ ਜਹਾਜ਼ ਯੂਨਾਨ ਦੇ ਪੱਛਮੀ ਰੋਡਸ ਟਾਪੂ ਨੇੜੇ 10 ਹਜ਼ਾਰ ਫੁੱਟ ਦੀ ਉੱਚਾਈ 'ਤੇ ਉੱਡ ਰਹੇ ਸਨ, ਉਸ ਸਮੇਂ ਰੂਸ ਨਿਰਮਿਤ ਐੱਸ-300 ਮਿਜ਼ਾਈਲ ਪ੍ਰਣਾਲੀ ਨੇ ਉਨ੍ਹਾਂ ਨੂੰ ਨਿਸ਼ਾਨਾ ਬਣਾਉਣ ਲਈ ਆਪਣੇ ਰਡਾਰ 'ਤੇ ਲੈ ਲਿਆ। ਅਨਾਡੋਲੁ ਨੇ ਰੱਖਿਆ ਸੂਤਰਾਂ ਦੇ ਹਵਾਲੇ ਤੋਂ ਦਾਅਵਾ ਕੀਤਾ ਕਿ 'ਦੁਸ਼ਮਣ ਮਾਹੌਲ ਹੋਣ ਦੇ ਬਾਵਜੂਦ' ਤੁਰਕੀ ਦੇ ਜਹਾਜ਼ ਆਪਣਾ ਮਿਸ਼ਨ ਪੂਰਾ ਕਰਨ ਆਪਣੇ ਟਿਕਾਣਿਆਂ 'ਤੇ ਪਰਤ ਗਏ। ਖਬਰ ਮੁਤਾਬਕ, ਜਹਾਜ਼ਾਂ ਨੂੰ ਰਡਾਰ 'ਤੇ ਲੈਣ ਨੂੰ ਨਾਟੋ ਦੇ ਨਿਯਮਾਂ ਤਹਿਤ ਦੁਸ਼ਮਣ ਕਾਰਵਾਈ ਮੰਨਿਆ ਜਾਂਦਾ ਹੈ। ਇਸ ਬਾਰੇ 'ਚ ਜਦ ਅੰਕਾਰਾ ਸਥਿਤ ਯੂਨਾਨੀ ਦੂਤਘਰ ਤੋਂ ਐਤਵਾਰ ਨੂੰ ਸੰਪਰਕ ਕੀਤਾ ਗਿਆ ਤਾਂ ਉਥੇ ਤੋਂ ਕੋਈ ਜਵਾਬ ਨਹੀਂ ਮਿਲਿਆ।

 ਇਹ ਵੀ ਪੜ੍ਹੋ :ਲੀਬੀਆ 'ਚ ਹਿੰਸਕ ਝੜਪਾਂ ਦੌਰਾਨ 2 ਦੀ ਮੌਤ ਤੇ ਕਈ ਜ਼ਖਮੀ

ਨੋਟ - ਇਸ ਖ਼ਬਰ ਸਬੰਧੀ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦੱਸੋ