Lebanon ''ਚ ਵਧ ਰਹੇ ਤਣਾਅ ਵਿਚਾਲੇ Turkey ਨੇ ਮੁਅੱਤਲ ਕੀਤੀਆਂ ਸਾਰੀਆਂ Flights

ਇਸਤਾਂਬੁਲ : Turkey ਦੀ ਫਲੈਗ ਕੈਰੀਅਰ, ਤੁਰਕੀ ਏਅਰਲਾਈਨਜ਼ ਅਤੇ ਦੇਸ਼ ਦੀ ਘੱਟ ਕੀਮਤ ਵਾਲੀ ਕੈਰੀਅਰ, ਪੈਗਾਸਸ ਏਅਰਲਾਈਨਜ਼ ਨੇ ਵਧਦੇ ਜੋਖਮਾਂ ਦੇ ਕਾਰਨ Lebanon ਜਾਣ ਵਾਲੀਆਂ ਆਪਣੀਆਂ Flights ਨੂੰ ਰੱਦ ਕਰ ਦਿੱਤਾ ਹੈ। ਇਸ ਸਬੰਧੀ ਸਥਾਨਕ ਮੀਡੀਆ ਨੇ ਜਾਣਕਾਰੀ ਦਿੱਤੀ ਹੈ।

ਹੈਬਰਟੁਰਕ ਰੋਜ਼ਾਨਾ ਦੇ ਅਨੁਸਾਰ ਇਹ ਫੈਸਲਾ Lebanon 'ਤੇ ਇਜ਼ਰਾਈਲ ਦੇ ਹਵਾਈ ਹਮਲਿਆਂ ਦੇ ਜਵਾਬ ਵਿਚ ਸਾਹਮਣੇ ਆਇਆ ਹੈ, ਜਿਸ ਨੇ ਬੁੱਧਵਾਰ ਨੂੰ ਬੇਰੂਤ ਆਉਣ-ਜਾਣ ਵਾਲੀਆਂ Flights ਨੂੰ ਪ੍ਰਭਾਵਿਤ ਕੀਤਾ ਹੈ। ਵਰਤਮਾਨ ਵਿਚ, Turkey ਏਅਰਲਾਈਨਜ਼ ਦੀ ਵੈੱਬਸਾਈਟ 'ਤੇ ਬੁੱਧਵਾਰ ਲਈ ਇਸਤਾਂਬੁਲ ਤੋਂ ਬੇਰੂਤ ਤੱਕ ਦੀਆਂ ਟਿਕਟਾਂ ਉਪਲਬਧ ਨਹੀਂ ਹਨ, ਹਾਲਾਂਕਿ ਵੀਰਵਾਰ ਲਈ ਬੁਕਿੰਗ ਖੁੱਲ੍ਹੀ ਦਿਖਾਈ ਗਈ ਹੈ।

ਕੁਝ ਸਮੇਂ ਲਈ, ਦੋਵੇਂ ਏਅਰਲਾਈਨਾਂ ਨੇ ਖੇਤਰ 'ਚ ਚੱਲ ਰਹੇ ਸੰਘਰਸ਼ ਦੇ ਕਾਰਨ ਸੁਰੱਖਿਆ ਕਾਰਨਾਂ ਕਰ ਕੇ Flights ਦਾ ਸੰਚਾਲਨ ਦਿਨ ਦੇ ਸਮੇਂ ਤੱਕ ਸੀਮਤ ਕੀਤਾ ਹੈ। ਇਸ ਦੌਰਾਨ, ਪੈਗਾਸਸ ਦੇ ਨਵੇਂ ਨਿਯਮ ਨੇ ਬੇਰੂਤ ਦੇ ਰਫੀਕ ਹਰੀਰੀ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੋਂ ਆਉਣ ਤੇ ਜਾਣ ਵਾਲੀਆਂ Flights 'ਤੇ ਪੇਜਰ ਜਾਂ ਰੇਡੀਓ ਡਿਵਾਈਸਾਂ ਨੂੰ ਲੈ ਕੇ ਜਾਣ 'ਤੇ ਪਾਬੰਦੀ ਲਗਾ ਦਿੱਤੀ ਹੈ। 

ਏਅਰਲਾਈਨ ਨੇ ਪਿਛਲੇ ਸ਼ੁੱਕਰਵਾਰ ਨੂੰ ਆਪਣੀ ਵੈੱਬਸਾਈਟ 'ਤੇ ਕਿਹਾ ਕਿ ਇਹ ਸਾਰੇ ਨਿੱਜੀ ਬੈਗਾਂ, ਕੈਬਿਨ ਸਾਮਾਨ ਤੇ ਮਾਲ 'ਤੇ ਲਾਗੂ ਹੁੰਦਾ ਹੈ, ਜੇਕਰ ਉਲੰਘਣਾ ਕੀਤੀ ਜਾਂਦੀ ਹੈ ਤਾਂ ਇਸ ਨੂੰ ਹਵਾਈ ਅੱਡੇ ਦੀ ਸੁਰੱਖਿਆ ਦੁਆਰਾ ਜ਼ਬਤ ਕੀਤਾ ਜਾਂਦਾ ਹੈ। ਪਿਛਲੇ ਹਫ਼ਤੇ, Lebanon ਵਿਚ ਇੱਕੋ ਸਮੇਂ ਹੋਏ ਪੇਜਰ ਧਮਾਕਿਆਂ ਦੇ ਨਤੀਜੇ ਵਜੋਂ 30 ਤੋਂ ਵੱਧ ਮੌਤਾਂ ਤੇ ਹਜ਼ਾਰਾਂ ਜ਼ਖਮੀ ਹੋਏ ਸਨ। ਹਮਲਿਆਂ ਤੋਂ ਬਾਅਦ, ਇਜ਼ਰਾਈਲੀ ਸਰਕਾਰ ਨੇ ਐਲਾਨ ਕੀਤੀ ਕਿ ਇਜ਼ਰਾਈਲ ਹਿਜ਼ਬੁੱਲਾ ਨਾਲ ਆਪਣੇ ਸੰਘਰਸ਼ ਵਿਚ ਇੱਕ 'ਨਵੇਂ ਪੜਾਅ' ਵਿੱਚ ਦਾਖਲ ਹੋ ਗਿਆ ਹੈ।