ਟਰੰਪ ਤੇ ਮਸਕ ਵਿਚਕਾਰ ਮੁੜ ਵਧਿਆ ਵਿਵਾਦ, ਦਿੱਤੀ ਡਿਪੋਰਟ ਕਰਨ ਦੀ ਧਮਕੀ!

ਇੰਟਰਨੈਸ਼ਨਲ ਡੈਸਕ - ਡੋਨਾਲਡ ਟਰੰਪ ਨੇ ਐਲੋਨ ਮਸਕ ਨੂੰ ਦੇਸ਼ ਨਿਕਾਲਾ ਦੇਣ ਦੀ ਧਮਕੀ ਦਿੱਤੀ ਹੈ। ਟਰੰਪ ਨੇ ਮਸਕ ਨੂੰ ਮਿਲਣ ਵਾਲੀਆਂ ਸਬਸਿਡੀਆਂ ਬਾਰੇ DOGE ਦੀ ਜਾਂਚ ਦਾ ਹਵਾਲਾ ਦਿੰਦੇ ਹੋਏ ਦੇਸ਼ ਨਿਕਾਲਾ ਦੇਣ ਦੀ ਧਮਕੀ ਦਿੱਤੀ ਹੈ। ਟਰੰਪ ਦੀ ਦੇਸ਼ ਨਿਕਾਲਾ ਦੇਣ ਦੀ ਧਮਕੀ ਦੋ ਸਾਬਕਾ ਸਹਿਯੋਗੀਆਂ ਵਿਚਕਾਰ ਵਧਦੀ ਬਿਆਨਬਾਜ਼ੀ ਅਤੇ ਵਿਵਾਦ ਦਾ ਇੱਕ ਨਵਾਂ ਦੌਰ ਹੈ।

ਜਦੋਂ ਮੀਡੀਆ ਨੇ ਟਰੰਪ ਨੂੰ ਪੁੱਛਿਆ ਕਿ ਕੀ ਉਹ ਮਸਕ ਨੂੰ ਦੇਸ਼ ਤੋਂ ਬਾਹਰ ਭੇਜਣ ਜਾ ਰਹੇ ਹਨ? ਟਰੰਪ ਨੇ ਕਿਹਾ - ਸਾਨੂੰ ਇਸ 'ਤੇ ਵਿਚਾਰ ਕਰਨਾ ਪਵੇਗਾ। ਸਾਨੂੰ ਸ਼ਾਇਦ ਮਸਕ 'ਤੇ DOGE ਲਗਾਉਣਾ ਪਵੇਗਾ। ਕੀ ਤੁਸੀਂ ਜਾਣਦੇ ਹੋ ਕਿ DOGE ਕੀ ਹੈ? ਉਹ ਰਾਖਸ਼ ਜੋ ਵਾਪਸ ਜਾ ਕੇ ਮਸਕ ਨੂੰ ਖਾ ਸਕਦਾ ਹੈ। ਉਸਨੂੰ ਬਹੁਤ ਸਾਰੀਆਂ ਸਬਸਿਡੀਆਂ ਮਿਲਦੀਆਂ ਹਨ।