ਇਕ ਸੇਬ ''ਚ ਹੁੰਦੇ ਹਨ 10 ਕਰੋੜ ਬੈਕਟੀਰੀਆ : ਰਿਸਰਚ
Thursday, Jul 25, 2019 - 05:07 PM (IST)
ਲੰਡਨ (ਏਜੰਸੀ)- ਸਿਹਤ ਲਈ ਸੇਬ ਨੂੰ ਬਹੁਤ ਚੰਗਾ ਫਲ ਮੰਨਿਆ ਜਾਂਦਾ ਹੈ ਅਤੇ ਇਹ ਕਿਹਾ ਵੀ ਜਾਂਦਾ ਹੈ ਕਿ ਰੋਜ਼ਾਨਾ ਇਕ ਸੇਬ ਖਾਣ ਨਾਲ ਡਾਕਟਰ ਕੋਲ ਜਾਣ ਦੀ ਲੋੜ ਨਹੀਂ ਪੈਂਦੀ। ਪਰ ਹੁਣ ਇਕ ਨਵੇਂ ਅਧਿਐਨ ਵਿਚ ਹੈਰਾਨ ਕਰਨ ਵਾਲੀ ਜਾਣਕਾਰੀ ਸਾਹਮਣੇ ਆਈ ਹੈ। ਖੋਜਕਰਤਾਵਾਂ ਦਾ ਦਾਅਵਾ ਹੈ ਕਿ ਫਾਈਬਰ ਅਤੇ ਵਿਟਾਮਿਨ ਤੋਂ ਇਲਾਵਾ ਇਕ ਸੇਬ ਵਿਚ ਤਕਰੀਬਨ 10 ਕਰੋੜ ਬੈਕਟੀਰੀਆ ਵੀ ਹੁੰਦੇ ਹਨ। ਇਹ ਬੈਕਟੀਰੀਆ ਸਿਹਤ ਲਈ ਚੰਗੇ ਹੁੰਦੇ ਹਨ ਜਾਂ ਬੁਰੇ, ਇਹ ਇਸ ਗੱਲ 'ਤੇ ਨਿਰਭਰ ਕਰਦਾ ਹੈ ਕਿ ਸੇਬ ਨੂੰ ਕਿਸ ਤਰ੍ਹਾਂ ਉਗਾਇਆ ਗਿਆ ਹੈ।
ਫਰੰਟੀਅਰਸ ਇਨ ਮਾਈਕ੍ਰੋਬਾਇਓਲਾਜੀ ਜਨਰਲ ਵਿਚ ਪ੍ਰਕਾਸ਼ਿਤ ਅਧਿਐਨ ਮੁਤਾਬਕ, ਆਰਗੇਨਿਕ ਸੇਬ ਬਿਹਤਰ ਹੁੰਦੇ ਹਨ। ਰਸਮੀ ਸੇਬ ਦੇ ਮੁਕਾਬਲੇ ਵਿਚ ਆਰਗੈਨਿਕ ਸੇਬ ਵਿਚ ਵੱਖਰੇ ਅਤੇ ਸੰਤੁਲਿਤ ਜੀਵਾਣੂੰ ਭਾਈਚਾਰੇ ਦਾ ਟਿਕਾਣਾ ਹੁੰਦਾ ਹੈ। ਇਹ ਸੇਬ ਜ਼ਿਆਦਾ ਫਾਇਦੇਮੰਦ ਹੋਣ ਦੇ ਨਾਲ ਹੀ ਜ਼ਿਆਦਾ ਸਵਾਦਿਸ਼ਟ ਵੀ ਹੋ ਸਕਦਾ ਹੈ। ਨਾਲ ਹੀ ਵਾਤਾਵਰਣ ਲਈ ਵੀ ਬਿਹਤਰ ਹੁੰਦਾ ਹੈ। ਆਸਟ੍ਰੀਆ ਦੀ ਗ੍ਰਾਜ਼ ਯੂਨੀਵਰਸਿਟੀ ਆਫ ਟੈਕਨੋਲਾਜੀ ਦੇ ਪ੍ਰੋਫੈਸਰ ਗੇਬ੍ਰਿਅਲ ਬਰਗ ਨੇ ਕਿਹਾ ਕਿ ਇਹ ਸਾਰੇ ਬੈਕਟੀਰੀਆ ਕਵਕ ਅਤੇ ਵਾਇਰਸ ਜੋ ਅਸੀਂ ਖਾਂਦੇ ਹਨ, ਉਹ ਜਾ ਕੇ ਸਾਡੇ ਪੇਟ ਵਿਚ ਇਕੱਠੇ ਹੋ ਜਾਂਦੇ ਹਨ। ਪਕਾਉਣ ਦੀ ਵਜ੍ਹਾ ਨਾਲ ਇਸ ਵਿਚ ਜ਼ਿਆਦਾਤਰ ਮਰ ਜਾਂਦੇ ਹਨ। ਇਸ ਲਈ ਕੱਚੀਆਂ ਸਬਜ਼ੀਆਂ ਅਤੇ ਫਲ ਗਟ ਮਾਈਕ੍ਰੋਬਸ (ਅੰਤੜੀਆਂ ਰੋਗਾਣੂਆਂ) ਦਾ ਅਹਿਮ ਸਰੋਤ ਹੈ।
