ਫਰਾਂਸ ਦੀ ਦਿ ਰਿਪਬਲਿਕਨ ਪਾਰਟੀ ਰਾਸ਼ਟਰਪਤੀ ਉਮੀਦਵਾਰ ਦੀ ਕਰੇਗੀ ਚੋਣ

ਪੈਰਿਸ-ਫਰਾਂਸ ਦੀ ਦਿ ਰਿਪਬਲਿਕਨ ਪਾਰਟੀ ਦੇ ਮੈਂਬਰ ਸ਼ਨੀਵਾਰ ਨੂੰ ਰਾਸ਼ਟਰਪਤੀ ਅਹੁਦੇ ਲਈ ਆਪਣਾ ਉਮੀਦਵਾਰ ਚੁਣਨਗੇ। ਇਹ ਇਕ ਅਜਿਹਾ ਫੈਸਲਾ ਹੋ ਜੋ ਅਗਲੇ ਸਾਲ ਅਪ੍ਰੈਲ 'ਚ ਹੋਣ ਵਾਲੀਆਂ ਚੋਣਾਂ ਨੂੰ ਮਹੱਤਵਪੂਰਨ ਰੂਪ ਨਾਲ ਪ੍ਰਭਾਵਿਤ ਕਰ ਸਕਦਾ ਹੈ। ਪੈਰਿਸ ਖੇਤਰ ਦੀ ਮੁੱਖ, ਵੈਲੇਰੀ ਪੇਕ੍ਰੇਸੇ ਅਤੇ ਨਾਈਸ ਦੇ ਇਕ ਕੱਟੜ ਸੰਸਦ ਏਰਿਕ ਸਿਓਟੀ ਦਿ ਰਿਪਬਲਿਕਨਸ ਪ੍ਰਾਈਮਰੀ ਦੇ ਅੰਤਿਮ ਦੌਰ 'ਚ ਮੁਕਾਬਲਾ ਕਰ ਰਹੇ ਹਨ।

ਇਹ ਵੀ ਪੜ੍ਹੋ : ਸ਼੍ਰੀਲੰਕਾ 'ਚ 'ਓਮੀਕ੍ਰੋਨ' ਦਾ ਪਹਿਲਾ ਮਾਮਲਾ ਆਇਆ ਸਾਹਮਣੇ

ਦਿ ਰਿਪਬਲਿਕਨ ਦੇ ਕਰੀਬ ਇਕ ਲੱਖ 40 ਹਜ਼ਾਰ ਮੈਂਬਰ ਇਲੈਕਟ੍ਰਾਨਿਕ ਵੋਟਿੰਗ ਮਸ਼ੀਨ ਰਾਹੀਂ ਵੋਟਿੰਗ 'ਚ ਹਿੱਸਾ ਲੈ ਰਹੇ ਹਨ। ਇਸ ਦਾ ਨਤੀਜਾ ਸ਼ਨੀਵਾਰ ਨੂੰ ਦੇਰ ਨਾਲ ਆਉਣ ਦੀ ਸੰਭਾਵਨਾ ਹੈ। ਪੇਕ੍ਰੇਸੇ (54) ਇਕ ਸਾਬਕਾ ਮੰਤਰੀ ਹੈ ਅਤੇ ਸਾਬਕਾ ਰੂੜੀਵਾਦੀ ਰਾਸ਼ਟਰਪਤੀ ਨਿਕੋਲਸ ਸਰਕੋਜੀ (2007-12) ਦੇ ਸ਼ਾਸਨ ਦੌਰਾਨ ਸਰਕਾਰ ਦੀ ਬੁਲਾਰਨ ਰਹਿ ਚੁੱਕੀ ਹੈ। ਜੇਕਰ ਉਹ ਪਾਰਟੀ ਮੈਂਬਰ ਦੁਆਰਾ ਅਤੇ ਬਾਅਦ 'ਚ ਫਰਾਂਸ ਦੇ ਵੋਟਰਾਂ ਵੱਲੋਂ ਚੁਣੀ ਜਾਂਦੀ ਹੈ ਤਾਂ ਉਨ੍ਹਾਂ ਨੇ ਰਾਸ਼ਟਰਪਤੀ ਇਮੈਨੁਅਲ ਮੈਕਰੋਨ ਦੀ ਕੇਂਦਰੀਕ੍ਰਿਤ ਨੀਤੀਆਂ ਨੂੰ 'ਖਤਮ' ਦਾ ਵਾਅਦਾ ਲਿਆ ਹੈ।

ਇਹ ਵੀ ਪੜ੍ਹੋ : ਡੈਲਟਾ ਵੇਰੀਐਂਟ ਵਿਰੁੱਧ ਕੀਤੇ ਗਏ ਉਪਾਅ ਓਮੀਕ੍ਰੋਨ ਨਾਲ ਨਜਿੱਠਣ 'ਚ ਵੀ ਕਾਰਗਰ : WHO

ਮੈਕਰੋਨ ਦੇ ਦੂਜੇ ਕਾਰਜਕਾਲ ਲਈ ਵੀ ਚੋਣਾਂ ਲੜਨ ਦੀ ਸੰਭਾਵਨਾ ਹੈ ਹਾਲਾਂਕਿ ਉਨ੍ਹਾਂ ਨੇ ਹੁਣ ਤੱਕ ਆਪਣੇ ਉਮੀਦਵਾਰ ਦਾ ਐਲਾਨ ਨਹੀਂ ਕੀਤਾ ਹੈ। ਪੇਕ੍ਰੇਸੇ ਨੇ ਕਿਹਾ ਕਿ ਰਾਸ਼ਟਰਪਤੀ ਬਣਨ ਤੋਂ ਬਾਅਦ ਉਨ੍ਹਾਂ ਦਾ ਪਹਿਲਾ ਕਦਮ ਫਰਾਂਸ 'ਚ 35 ਘੰਟੇ ਕੰਮ ਕਰਨ ਵਾਲੇ ਹਫ਼ਤੇ ਨੂੰ ਖਤਮ ਕਰਨਾ ਤਾਂ ਜੋ ਕਰਮਚਾਰੀ ਜ਼ਿਆਦਾ ਕੰਮ ਕਰੇ ਅਤੇ ਜ਼ਿਆਦਾ ਕਮਾਉਣ। ਯੂਰਪੀਨ ਯੂਨੀਅਨ ਦੀ ਸਮਰਥਕ ਪੇਕ੍ਰੇਸੇ ਨੇ 2019 'ਚ ਦਿ ਰਿਪਬਲਿਕਨ ਛੱਡ ਦਿੱਤਾ ਸੀ ਅਤੇ ਇਸ ਸਾਲ ਦੁਬਾਰਾ ਪਾਰਟੀ 'ਚ ਸ਼ਾਮਲ ਹੋ ਗਈ, ਜਿਸ ਤੋਂ ਬਾਅਦ ਉਹ ਪ੍ਰਾਈਮਰੀ 'ਚ ਸ਼ਾਮਲ ਹੋਈ ਹੈ। 

ਨੋਟ - ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਕਰਕੇ ਦਿਓ ਜਵਾਬ।