ਦੁਨੀਆ ਦੀ ਸਭ ਤੋਂ ਮਹਿੰਗੀ ਆਈਸਕ੍ਰੀਮ ! ਇਕ ਸਕੂਪ ਦੀ ਕੀਮਤ 5 ਲੱਖ ਰੁਪਏ ਤੋਂ ਵੀ ਜ਼ਿਆਦਾ, ਜਾਣੋ ਕੀ ਹੈ ਖਾਸੀਅਤ

ਇੰਟਰਨੈਸ਼ਨਲ ਡੈਸਕ : ਜੇਕਰ ਤੁਸੀਂ ਆਈਸਕ੍ਰੀਮ ਖਾਣ ਦੇ ਸ਼ੌਕੀਨ ਹੋ, ਤਾਂ ਸ਼ਾਇਦ ਤੁਸੀਂ ਕਈ ਮਹਿੰਗੀਆਂ ਆਈਸਕ੍ਰੀਮਾਂ ਬਾਰੇ ਸੁਣਿਆ ਹੋਵੇਗਾ, ਪਰ ਜਾਪਾਨ ਦੀ ਇੱਕ ਖਾਸ ਆਈਸਕ੍ਰੀਮ ਦੀ ਕੀਮਤ ਤੁਹਾਡੇ ਹੋਸ਼ ਉਡਾ ਸਕਦੀ ਹੈ। ਜਾਪਾਨੀ ਬ੍ਰਾਂਡ ਸੇਲੇਟੋ (Cellato) ਦੁਆਰਾ ਤਿਆਰ ਕੀਤੀ ਗਈ ਬਿਆਕੁਯਾ (BYAKUYA) ਨਾਮ ਦੀ ਆਈਸਕ੍ਰੀਮ ਇਸ ਸਮੇਂ ਦੁਨੀਆ ਦੀ ਸਭ ਤੋਂ ਮਹਿੰਗੀ ਆਈਸਕ੍ਰੀਮ ਮੰਨੀ ਜਾਂਦੀ ਹੈ। ਇਸ ਦੀ ਕੀਮਤ ਇੰਨੀ ਜ਼ਿਆਦਾ ਹੈ ਕਿ ਇਸ ਵਿੱਚ ਕੋਈ ਵਿਅਕਤੀ ਕਈ ਸਾਲਾਂ ਤੱਕ ਵੱਖ-ਵੱਖ ਫਲੇਵਰਾਂ ਦੀਆਂ ਆਮ ਆਈਸਕ੍ਰੀਮਾਂ ਦਾ ਆਨੰਦ ਮਾਣ ਸਕਦਾ ਹੈ।
ਰਿਪੋਰਟਾਂ ਅਨੁਸਾਰ ਇਸ ਆਈਸਕ੍ਰੀਮ ਦੇ ਸਿਰਫ਼ ਇੱਕ ਸਕੂਪ ਜਾਂ ਕੱਪ ਦੀ ਕੀਮਤ ਲਗਭਗ 8 ਲੱਖ 80 ਹਜ਼ਾਰ ਜਾਪਾਨੀ ਯੇਨ ਹੈ। ਭਾਰਤੀ ਕਰੰਸੀ ਵਿੱਚ ਇਸ ਦੀ ਕੀਮਤ 5.28 ਲੱਖ ਰੁਪਏ ਦੇ ਕਰੀਬ ਬਣਦੀ ਹੈ (2023 ਦੇ ਅੰਕੜਿਆਂ ਅਨੁਸਾਰ)। ਇਸ ਦੀ ਬਹੁਤ ਜ਼ਿਆਦਾ ਕੀਮਤ ਅਤੇ ਵਿਲੱਖਣਤਾ ਕਾਰਨ ਇਸ ਆਈਸਕ੍ਰੀਮ ਦਾ ਨਾਮ ਗਿਨੀਜ਼ ਵਰਲਡ ਰਿਕਾਰਡ ਵਿੱਚ ਵੀ ਦਰਜ ਕੀਤਾ ਗਿਆ ਹੈ।

ਕਿਉਂ ਹੈ ਇਹ ਇੰਨੀ ਮਹਿੰਗੀ?
 ਇਸ ਆਈਸਕ੍ਰੀਮ, ਜਿਸ ਨੂੰ ਕੰਪਨੀ ਨੇ 'ਵਾਈਟ ਨਾਈਟ' ਦਾ ਨਾਮ ਵੀ ਦਿੱਤਾ ਹੈ, ਦੀ ਇੰਨੀ ਜ਼ਿਆਦਾ ਕੀਮਤ ਦੇ ਪਿੱਛੇ ਇਸ ਵਿੱਚ ਵਰਤੀ ਗਈ ਦੁਰਲੱਭ ਅਤੇ ਪਰੀਮੀਅਮ ਸਮੱਗਰੀ ਹੈ।
•ਦੁਰਲੱਭ ਸਮੱਗਰੀ: ਇਸ ਨੂੰ ਬਣਾਉਣ ਲਈ ਜਾਪਾਨੀ ਤੇ ਯੂਰਪੀਅਨ ਸਮੱਗਰੀ ਦਾ ਸੁਮੇਲ ਵਰਤਿਆ ਗਿਆ ਹੈ। ਇਸ ਵਿੱਚ 'ਸਾਕੇਕਾਸੂ' (Sakekasu) ਨਾਮਕ ਇੱਕ ਬਹੁਤ ਹੀ ਦੁਰਲੱਭ ਪਦਾਰਥ ਵਰਤਿਆ ਜਾਂਦਾ ਹੈ, ਜੋ ਜਾਪਾਨੀ ਸਾਕੇ ਡਰਿੰਕ ਬਣਾਉਣ ਦੀ ਪ੍ਰਕਿਰਿਆ ਦੌਰਾਨ ਨਿਕਲਦਾ ਹੈ। ਇਸ ਨੂੰ ਤਿਆਰ ਕਰਨ ਵਿੱਚ ਲਗਭਗ ਡੇਢ ਸਾਲ ਦਾ ਸਮਾਂ ਲੱਗਦਾ ਹੈ।
•ਖਾਸ ਪਨੀਰ: ਇਸ ਵਿੱਚ ਦੋ ਵੱਖ-ਵੱਖ ਕਿਸਮਾਂ ਦੇ ਮਹਿੰਗੇ ਪਨੀਰ (ਚੀਜ਼) ਦੀ ਵਰਤੋਂ ਕੀਤੀ ਗਈ ਹੈ।
•ਸੋਨੇ ਦੀ ਪਰਤ: ਆਈਸਕ੍ਰੀਮ ਦੇ ਉੱਪਰ ਗੋਲਡਨ ਲੀਫ (ਸੋਨੇ ਦੀ ਪਤਲੀ ਪਰਤ) ਲਗਾਈ ਜਾਂਦੀ ਹੈ, ਜੋ ਇਸ ਨੂੰ ਇੱਕ ਲਗਜ਼ਰੀ ਦਿੱਖ ਅਤੇ ਅਹਿਸਾਸ ਦਿੰਦੀ ਹੈ।

ਮਾਹਿਰ ਸ਼ੈੱਫ ਦੀ ਦੇਖ-ਰੇਖ
 ਇਸ ਸ਼ਾਨਦਾਰ ਆਈਸਕ੍ਰੀਮ ਨੂੰ ਤਿਆਰ ਕਰਨ ਲਈ ਜਾਪਾਨ ਦੇ ਓਸਾਕਾ ਸ਼ਹਿਰ ਦੇ ਮਸ਼ਹੂਰ ਸ਼ੈੱਫ ਤਾਦਾਯੋਸ਼ੀ ਯਾਮਾਦਾ ਦੀ ਸਹਾਇਤਾ ਲਈ ਗਈ ਸੀ। ਉਨ੍ਹਾਂ ਨੇ ਇਸ ਦੇ ਸਵਾਦ ਅਤੇ ਪੇਸ਼ਕਾਰੀ (ਪ੍ਰੈਜ਼ੈਂਟੇਸ਼ਨ) ਨੂੰ ਵਿਲੱਖਣ ਬਣਾਉਣ ਵਿੱਚ ਅਹਿਮ ਭੂਮਿਕਾ ਨਿਭਾਈ ਹੈ। ਜਾਣਕਾਰੀ ਅਨੁਸਾਰ, ਫਿਲਹਾਲ ਇਹ ਬੇਹੱਦ ਮਹਿੰਗੀ ਆਈਸਕ੍ਰੀਮ ਸਿਰਫ਼ ਜਾਪਾਨ ਵਿੱਚ ਹੀ ਉਪਲਬਧ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e