ਸਵੀਡਨ ਨੇ 5ਜੀ ਲਈ ਹੁਵਾਵੇਈ, ਜ਼ੈਡ.ਟੀ.ਈ. ''ਤੇ ਲਗਾਈ ਪਾਬੰਦੀ
Wednesday, Oct 21, 2020 - 02:04 AM (IST)
ਸਟਾਕਹੋਮ : ਸਵੀਡਨ ਨੇ ਚੀਨ ਨੂੰ ਦੇਸ਼ ਦੇ ਸਭ ਤੋਂ ਵੱਡੇ ਖ਼ਤਰਿਆਂ 'ਚੋਂ ਇੱਕ ਦੱਸਦੇ ਹੋਏ 5ਜੀ ਤਕਨੀਕੀ ਲਈ ਚੀਨੀ ਕੰਪਨੀ ਹੁਵਾਵੇਈ ਅਤੇ ਜ਼ੈਡ.ਟੀ.ਈ. ਦੇ ਨੈੱਟਵਰਕ-ਸਮੱਗਰੀਆਂ ਦੇ ਇਸਤੇਮਾਲ ਕਰਨ 'ਤੇ ਪਾਬੰਦੀ ਲਗਾ ਦਿੱਤੀ ਹੈ। ਦੇਸ਼ ਦੇ ਦੂਰਸੰਚਾਰ ਰੈਗੂਲੇਟਰ ਨੇ ਮੰਗਲਵਾਰ ਨੂੰ ਕਿਹਾ ਕਿ 5ਜੀ ਤਕਨੀਕੀ ਲਈ ਹੋਣ ਵਾਲੀ ਸਪੈਕਟਰਮ ਨੀਲਾਮੀ 'ਚ ਭਾਗ ਲੈਣ ਵਾਲੀ ਚਾਰ ਦੂਰਸੰਚਾਰ ਕੰਪਨੀਆਂ ਕਿਸੇ ਵੀ ਤਰ੍ਹਾਂ ਹੁਵਾਵੇਈ ਅਤੇ ਜ਼ੈਡ.ਟੀ.ਈ. ਦੇ ਉਤਪਾਦ ਵਰਤੋਂ ਨਹੀਂ ਕਰ ਸਕਣਗੀਆਂ।
‘ਸਵੀਡਿਸ਼ ਪੋਸਟ ਐਂਡ ਟੈਲੀਕਾਮ ਅਥਾਰਟੀ ਨੇ ਕਿਹਾ ਕਿ ਜੋ ਦੂਰਸੰਚਾਰ ਕੰਪਨੀਆਂ 5ਜੀ ਤਕਨੀਕੀ ਲਈ ਆਪਣੇ ਮੌਜੂਦਾ ਢਾਂਚੇ ਦੀ ਵਰਤੋਂ ਕਰਨਾ ਚਾਹੁੰਦੀਆਂ ਹਨ ਉਨ੍ਹਾਂ ਨੂੰ ਵੀ ਯਕੀਨੀ ਕਰਨਾ ਹੋਵੇਗਾ ਕਿ ਉਹ ਹੁਵਾਵੇਈ ਅਤੇ ਜ਼ੈਡ.ਟੀ.ਈ. ਦੇ ਪਹਿਲਾਂ ਤੋਂ ਲੱਗੇ ਸਮੱਗਰੀਆਂ ਨੂੰ ਹਟਾ ਲਵੇ। ਰੈਗੂਲੇਟਰ ਨੇ ਕਿਹਾ ਕਿ ਇਹ ਸ਼ਰਤਾਂ ਸਵੀਡਨ ਦੀ ਫੌਜ ਅਤੇ ਸੁਰੱਖਿਆ ਸੇਵਾਵਾਂ ਵੱਲੋਂ ਕੀਤੀ ਗਈ ਸਮੀਖਿਆ ਦੇ ਆਧਾਰ 'ਤੇ ਤੈਅ ਕੀਤੀਆਂ ਗਈਆਂ ਹਨ। ਹੁਵਾਵੇਈ ਨੇ ਇਸ ਨੂੰ ‘ਹੈਰਾਨ ਕਰਨ ਵਾਲਾ ਅਤੇ ‘ਨਿਰਾਸ਼ਾਜਨਕ ਦੱਸਿਆ।
ਹੁਵਾਵੇਈ ਨੂੰ ਪਾਬੰਦੀਸ਼ੁਦਾ ਕਰਨ ਵਾਲੇ ਦੇਸ਼ਾਂ 'ਚ ਸਵੀਡਨ ਸ਼ਾਮਲ ਹੋਣ ਵਾਲਾ ਸਭ ਤੋਂ ਨਵਾਂ ਦੇਸ਼ ਹੈ। ਉਸ ਦੇ ਇਸ ਫ਼ੈਸਲਾ ਨਾਲ ਚੀਨ ਦੀ ਸਰਕਾਰ ਅਤੇ ਪੱਛਮੀ ਦੇਸ਼ਾਂ ਵਿਚਾਲੇ ਤਣਾਅ ਵਧਣ ਦਾ ਖਦਸ਼ਾ ਹੈ। ਅਮਰੀਕੀ ਅਧਿਕਾਰੀਆਂ ਨੇ ਹੁਵਾਵੇਈ ਨੂੰ ਪਾਬੰਦੀਸ਼ੁਦਾ ਕਰਨ ਲਈ ਯੂਰੋਪ 'ਚ ਵੱਡੇ ਪੱਧਰ 'ਤੇ ਕੋਸ਼ਿਸ਼ ਕੀਤੀ ਹੈ।
