ਕੈਲਗਰੀ ''ਚ ਵੱਡਾ ਜਹਾਜ਼ ਹਾਦਸਾ ਟਲਿਆ, ਸੜਕ ''ਤੇ ਕਰਵਾਈ ਐਮਰਜੰਸੀ ਲੈਂਡਿੰਗ
04/25/2018 9:08:05 PM
ਕੈਲਗਿਰੀ— ਕੈਨੇਡਾ 'ਚ ਉਸ ਵੇਲੇ ਇਕ ਵੱਡਾ ਹਾਸਦਾ ਹੁੰਦੇ-ਹੁੰਦੇ ਟਲਿਆ ਜਦੋਂ ਇਕ ਪ੍ਰਾਈਵੇਟ ਜਹਾਜ਼, ਜੋ ਕਿ 6 ਲੋਕਾਂ ਨੂੰ ਲਿਜਾ ਰਿਹਾ ਸੀ, ਦੀ ਇੰਧਨ ਦੀ ਕਮੀ ਕਾਰਨ ਐਮਰਜੰਸੀ ਲੈਂਡਿੰਗ ਕੈਲਗਰੀ ਦੀ ਇਕ ਸੜਕ 'ਤੇ ਕਰਵਾਉਣੀ ਪਈ। ਪੁਲਸ ਦਾ ਕਹਿਣਾ ਹੈ ਕਿ ਦੋ-ਇੰਜਣ ਵਾਲਾ ਇਹ ਜਹਾਜ਼ ਸਵੇਰ ਵੇਲੇ ਦੱਖਣ ਤੋਂ ਕੈਲਗਰੀ ਏਅਰਪੋਰਟ ਵਾਲੇ ਪਾਸੇ ਜਾ ਰਿਹਾ ਸੀ ਜਦੋਂ ਜਹਾਜ਼ ਦੇ ਪਾਈਲਟ ਨੇ ਰੇਡੀਓ 'ਤੇ ਜਾਣਕਾਰੀ ਦਿੱਤੀ ਕਿ ਜਹਾਜ਼ 'ਚ ਇੰਧਣ ਖਤਮ ਹੋਣ ਦੀ ਕਗਾਰ 'ਤੇ ਹੈ।
Craziest traffic tip of the year over here as one of our listeners texted in to tell us that a small PLANE has landed on at 36 st and 16 ave NE Calgary #yyc @NewsTalk770 @GlobalCalgary #abroads pic.twitter.com/vYSMzZjoow
— TheMorningNews_770 (@The_MorningNews) April 25, 2018
ਪੁਲਸ ਦੇ ਬੁਲਾਰੇ ਡੁਏਨ ਲੈਪਚਕ ਨੇ ਕਿਹਾ ਕਿ ਜਹਾਜ਼ ਸਵੇਰੇ ਕਰੀਬ 6 ਵਜੇ ਦੇ ਕਰੀਬ ਏਅਰਪੋਰਟ ਤੋਂ ਕਰੀਬ ਪੰਜ ਕਿਲੋਮੀਟਰ ਦੀ ਦੂਰੀ 'ਤੇ ਦੋ ਸੜਕੀ ਮਾਰਗ 36 ਸਟ੍ਰੀਟ 'ਤੇ ਲੈਂਡ ਕਰਵਾਇਆ ਗਿਆ। ਪੁਲਸ ਦੇ ਬੁਲਾਰੇ ਨੇ ਕਿਹਾ ਕਿ ਸਵੇਰ ਵੇਲਾ ਹੋਣ ਕਾਰਨ ਸੜਕ 'ਤੇ ਆਵਾਜਾਈ ਘੱਟ ਸੀ ਤੇ ਖੁਸ਼ਕਿਸਮਤੀ ਨਾਲ ਇਸ ਘਟਨਾ 'ਚ ਕੋਈ ਵੀ ਵਿਅਕਤੀ ਜ਼ਖਮੀ ਨਹੀਂ ਹੋਇਆ। ਜਹਾਜ਼ 'ਚ ਸਵਾਰ ਚਾਰ ਯਾਤਰੀ ਤੇ 2 ਕਰੂ ਮੈਂਬਰ ਵੀ ਸੁਰੱਖਿਅਤ ਦੱਸੇ ਜਾ ਰਹੇ ਹਨ। ਫਿਲਹਾਲ ਇਹ ਪਤਾ ਨਹੀਂ ਲੱਗ ਸਕਿਆ ਹੈ ਕਿ ਇਸ ਏਅਰਕ੍ਰਾਫਟ ਦਾ ਮਾਲਕ ਕੌਣ ਹੈ।
ਘਟਨਾ ਬਾਰੇ ਟ੍ਰਾਂਸਪੋਰਟ ਕੈਨੇਡਾ ਸੇਫਟੀ ਬੋਰਡ ਨੂੰ ਸੂਚਿਤ ਕਰ ਦਿੱਤਾ ਗਿਆ ਹੈ। ਕੈਲਗਰੀ ਪੁਲਸ ਨੇ ਬੁੱਧਵਾਰ ਨੂੰ ਇਸ ਦੀ ਜਾਣਕਾਰੀ ਦਿੱਤੀ।
