ਹੜ੍ਹ ਨੇ ਮਚਾਈ ਤਬਾਹੀ, ਹੁਣ ਤੱਕ 74 ਮੌਤਾਂ, 89 ਲਾਪਤਾ

ਯਾਂਗੂਨ (ਯੂ.ਐਨ.ਆਈ.):  ਮਿਆਂਮਾਰ ਵਿਚ ਭਿਆਨਕ ਹੜ੍ਹ ਦਾ ਕਹਿਰ ਜਾਰੀ ਹੈ। ਹੜ੍ਹ ਕਾਰਨ 13 ਸਤੰਬਰ ਦੀ ਸ਼ਾਮ ਤੱਕ 74 ਲੋਕਾਂ ਦੀ ਮੌਤ ਹੋ ਗਈ ਅਤੇ 89 ਲੋਕ ਲਾਪਤਾ ਹੋ ਗਏ। ਇਹ ਜਾਣਕਾਰੀ ਸਰਕਾਰੀ-ਸੰਚਾਲਿਤ ਗਲੋਬਲ ਨਿਊ ਲਾਈਟ ਆਫ ਮਿਆਂਮਾਰ ਅਖਬਾਰ ਨੇ ਐਤਵਾਰ ਨੂੰ ਦਿੱਤੀ।

ਪੜ੍ਹੋ ਇਹ ਅਹਿਮ ਖ਼ਬਰ- ਤਾਲਿਬਾਨੀ ਰਾਜ, ਸਮੁੰਦਰ ਤੱਟ 'ਤੇ ਟੀ-ਸ਼ਰਟ ਪਾ ਕੇ ਜਾਣ ਦੀ ਮਿਲੀ ਖੌਫ਼ਨਾਕ ਸਜ਼ਾ

ਰਿਪੋਰਟ ਵਿੱਚ ਦੱਸਿਆ ਗਿਆ  ਕਿ ਭਾਰੀ ਮੀਂਹ ਕਾਰਨ ਆਏ ਹੜ੍ਹਾਂ ਨੇ ਨਏ ਪਾਈ ਤਾਵ, ਬਾਗੋ, ਮਾਂਡਲੇ ਅਤੇ ਆਇਯਾਵਾਡੀ ਖੇਤਰਾਂ ਦੇ ਨਾਲ-ਨਾਲ ਮੋਨ, ਕਾਇਨ ਅਤੇ ਸ਼ਾਨ ਰਾਜਾਂ ਵਿੱਚ 64 ਟਾਊਨਸ਼ਿਪਾਂ ਦੇ 462 ਪਿੰਡਾਂ ਅਤੇ ਵਾਰਡਾਂ ਨੂੰ ਪ੍ਰਭਾਵਿਤ ਕੀਤਾ ਹੈ। ਇਸ ਵਿਚ ਦੱਸਿਆ ਗਿਆ ਹੈ ਕਿ ਇਸ ਤਬਾਹੀ ਨੇ ਹੜ੍ਹ ਪ੍ਰਭਾਵਿਤ ਇਲਾਕਿਆਂ ਵਿਚ 24 ਪੁਲ, 375 ਸਕੂਲ, ਇਕ ਮੱਠ, ਪੰਜ ਡੈਮ, ਚਾਰ ਪਗੋਡਾ, 14 ਟ੍ਰਾਂਸਫਾਰਮਰ, 456 ਲੈਂਪ-ਪੋਸਟ ਅਤੇ 65,759 ਘਰ ਤਬਾਹ ਕਰ ਦਿੱਤੇ ਹਨ। ਅੱਗੇ ਦੱਸਿਆ ਗਿਆ  ਕਿ ਆਫ਼ਤ ਦੇ ਜਵਾਬ ਵਿੱਚ ਨੇਏ ਪਾਈ ਤਾਵ ਅਤੇ ਵੱਖ-ਵੱਖ ਰਾਜਾਂ ਅਤੇ ਖੇਤਰਾਂ ਵਿੱਚ ਜ਼ਰੂਰੀ ਸਿਹਤ ਸੰਭਾਲ ਸੇਵਾਵਾਂ, ਭੋਜਨ ਅਤੇ ਪੀਣ ਵਾਲਾ ਪਾਣੀ ਪ੍ਰਦਾਨ ਕਰਨ ਲਈ ਅਸਥਾਈ ਰਾਹਤ ਕੈਂਪ ਸਥਾਪਤ ਕੀਤੇ ਗਏ ਹਨ। ਅਧਿਕਾਰੀ ਅਤੇ ਬਚਾਅ ਕਰਮਚਾਰੀ ਖੋਜ ਅਤੇ ਬਚਾਅ ਕਾਰਜ ਜਾਰੀ ਰੱਖ ਰਹੇ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।