ਸ਼੍ਰੀਲੰਕਾ ’ਚ ਕੋਵਿਡ-19 ਦੇ ਕਹਿਰ ਦੀ ਦੂਜੀ ਲਹਿਰ ’ਚ ਇਨਫੈਕਸ਼ਨ ਦਾ ਖਤਰਾ ਜ਼ਿਆਦਾ : ਅਧਿਐਨ

ਕੋਲੰਬੋ-ਸ਼੍ਰੀਲੰਕਾ ’ਚ ਇਸ ਮਹੀਨੇ ਸ਼ੁਰੂ ਹੋਈ ਕੋਵਿਡ-19 ਦੀ ਦੂਜੀ ਲਹਿਰ ’ਚ ਇਨਫੈਕਸ਼ਨ ਦੇ ਉੱਚ ਪੱਧਰ ’ਤੇ ਫੈਲਣ ਦਾ ਖਦਸ਼ਾ ਹੈ ਅਤੇ ਇਹ ਕਹਿਰ ਇਨਫੈਕਸ਼ਨ ਦੇ ਪਰਿਵਰਤਨ ਨਾਲ ਜੁੜਿਆ ਮੰਨਿਆ ਜਾ ਰਿਹਾ ਹੈ। ਸ਼੍ਰੀ ਜੈਵਰਦਨੇਪੁਰਾ ਯੂਨੀਵਰਸਿਟੀ ਦੇ ਵਿਗਿਆਨਕਾਂ ਦੀ ਇਕ ਟੀਮ ਨੇ ਵਾਇਰਸ ਦੀ ਜੀਨੋਮ ਸੀਰੀਜ਼ ਬਣਾ ਕੇ ਇਹ ਪਤਾ ਲਗਾਉਣ ਦੀ ਕੋਸ਼ਿਸ਼ ਕੀਤੀ ਕਿ ਕੀ ਮੌਜੂਦਾ ਕਹਿਰ ਵਾਇਰਸ ਦੇ ਵੱਖ-ਵੱਖ ਤਰ੍ਹਾਂ ਦੇ ਫੈਲਣ ਦਾ ਕਾਰਣ ਹੈ। ਟੀਮ ’ਚ ਸ਼ਾਮਲ ਡਾ. ਚੰਦਿਮਾ ਜੀਵਧਆਰਾ ਨੇ ਪੱਤਰਕਾਰਾਂ ਨੂੰ ਇਹ ਜਾਣਕਾਰੀ ਦਿੱਤੀ।

ਸ਼੍ਰੀਲੰਕਾ ’ਚ ਸ਼ਨੀਵਾਰ ਨੂੰ ਕੋਵਿਡ-19 ਦੇ ਮਾਮਲੇ 10,000 ਨੂੰ ਪਾਰ ਕਰ ਗਏ ਅਤੇ ਹੁਣ ਤੱਕ 20 ਲੋਕਾਂ ਦੀ ਇਨਫੈਕਟਿਡ ਕਾਰਣ ਮੌਤ ਹੋ ਗਈ। ਚਾਰ ਅਕਤੂਬਰ ਨੂੰ ਇਥੇ ਵਾਇਰਸ ਦੇ ਕਹਿਰ ਦਾ ਦੂਜਾ ਦੌਰ ਸ਼ੁਰੂ ਹੋਇਆ ਸੀ। ਉਸ ਵੇਲੇ ਤੱਕ ਸਿਰਫ 3396 ਮਾਮਲੇ ਸਾਹਮਣੇ ਆਏ ਸਨ ਅਤੇ 13 ਲੋਕਾਂ ਦੀ ਮੌਤ ਹੋ ਗਈ ਸੀ।

ਅਧਿਐਨ ਤੋਂ ਖੁਲਾਸਾ ਹੋਇਆ ਹੈ ਕਿ ਵਾਇਰਸ ਦੇ ਮੌਜੂਦਾ ਕਹਿਰ ਪਹਿਲੇ ਫੈਲੇ ਵਾਇਰਸ ਦੇ ਫਾਰਮੈਟ ਤੋਂ ਵੱਖ ਹੈ। ਜੀਵਧਾਰਾ ਨੇ ਕਿਹਾ ਕਿ ਸਾਨੂੰ ਵਾਇਰਸ ਦੀਆਂ ਕਈ ਪਰਿਵਰਤਨਸ਼ੀਲ ਕਿਸਮਾਂ ਦੇ ਬਾਰੇ ’ਚ ਪਤਾ ਚੱਲਿਆ ਅਤੇ ਅਸੀਂ ਵੀ ਇਹ ਪਾਇਆ ਹੈ ਕਿ ਦੇਸ਼ ’ਚ ਵੱਖ-ਵੱਖ ਥਾਵਾਂ ’ਤੇ ਫੈਲੇ ਵਾਇਰਸ ਦੇ ਪ੍ਰਕਾਰ ਇਕ ਹੀ ਸਰੋਤ ਤੋਂ ਪੈਦਾ ਹੋਏ ਹਨ।