Switzerland : ਸਕੀ ਰਿਜ਼ੋਰਟ 'ਚ ਹੋਏ ਭਿਆਨਕ ਧਮਾਕੇ ਦੌਰਾਨ 40 ਮੌਤਾਂ ਦਾ ਖਦਸ਼ਾ, ਦੇਖੋ ਮੌਕੇ ਦੀਆਂ ਵੀਡੀਓਜ਼

ਕ੍ਰੈਨਸ-ਮੋਂਟਾਨਾ (ਸਵਿਟਜ਼ਰਲੈਂਡ): ਸਵਿਟਜ਼ਰਲੈਂਡ ਦੇ ਮਸ਼ਹੂਰ ਸਕੀ ਰਿਜ਼ੋਰਟ ਕ੍ਰੈਨਸ-ਮੋਂਟਾਨਾ (Crans-Montana) ਵਿੱਚ ਨਵੇਂ ਸਾਲ ਦੇ ਜਸ਼ਨਾਂ ਦੌਰਾਨ ਇੱਕ ਭਿਆਨਕ ਧਮਾਕਾ ਹੋਣ ਦੀ ਖਬਰ ਮਿਲੀ ਹੈ। ਇਸ ਧਮਾਕੇ ਵਿੱਚ ਕਈ ਲੋਕਾਂ ਦੀ ਮੌਤ ਹੋ ਗਈ ਹੈ ਅਤੇ ਦਰਜਨਾਂ ਹੋਰ ਜ਼ਖਮੀ ਹੋਏ ਹਨ।

ਇਹ ਦਰਦਨਾਕ ਹਾਦਸਾ ਵੀਰਵਾਰ ਨੂੰ ਤੜਕੇ ਲਗਭਗ 1:30 ਵਜੇ "ਲੇ ਕਾਂਸਟੇਲੇਸ਼ਨ ਬਾਰ" (Le Constellation Bar) ਵਿੱਚ ਵਾਪਰਿਆ, ਜਿੱਥੇ ਲੋਕ ਨਵੇਂ ਸਾਲ ਦਾ ਸਵਾਗਤ ਕਰਨ ਲਈ ਇਕੱਠੇ ਹੋਏ ਸਨ। ਪੁਲਸ ਅਨੁਸਾਰ, ਅਣਪਛਾਤੇ ਕਾਰਨਾਂ ਕਰਕੇ ਹੋਏ ਇਸ ਧਮਾਕੇ ਕਰਕੇ ਬਾਰ ਦੇ ਅੰਦਰ ਭਿਆਨਕ ਅੱਗ ਲੱਗ ਗਈ। ਰਿਪੋਰਟਾਂ ਅਨੁਸਾਰ, ਧਮਾਕਾ ਬਾਰ ਦੇ ਬੇਸਮੈਂਟ ਵਿੱਚ ਹੋਇਆ ਸੀ ਅਤੇ ਉਸ ਸਮੇਂ ਉੱਥੇ 100 ਤੋਂ ਵੱਧ ਲੋਕ ਮੌਜੂਦ ਸਨ।

Switzerland: A deadly explosion has ripped through a crowded bar in the Swiss ski resort of Crans-Montana during New Year celebrations, killing atleast 10 and injuring many others.

A no-fly zone has been declared as emergency crews battling aftermath pic.twitter.com/qw9HnPf943

— Megh Updates 🚨™ (@MeghUpdates) January 1, 2026

ਸੋਸ਼ਲ ਮੀਡੀਆ ਉੱਤੇ ਵਾਇਰਲ ਵੀਡੀਓ
ਇਸੇ ਵਿਚਾਲੇ ਸੋਸ਼ਲ ਮੀਡੀਆ ਉੱਤੇ ਇਕ ਵੀਡੀਓ ਵੀ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ, ਜਿਸ ਵਿਚ ਦਿਖਾਇਆ ਜਾ ਰਿਹਾ ਹੈ ਕਿ ਲੋਕ ਨਵੇਂ ਸਾਲ ਦੇ ਜਸ਼ਨਾਂ ਦੌਰਾਨ ਕਿਵੇਂ ਹੁਲੱੜਬਾਜ਼ੀ ਕਰ ਰਹੇ ਹਨ। ਇਸ ਭੀੜ ਵਿਚਾਲੇ ਕੁਝ ਲੋਕ ਅਜਿਹੇ ਵੀ ਦਿਖਾਈ ਦੇ ਰਹੇ ਹਨ ਜੋ ਬਿਨਾਂ ਕਿਸੇ ਅਹਿਤਿਆਤ ਦੇ ਪਟਾਕੇ ਚਲਾ ਰਹੇ ਹਨ। ਇਸ ਦੇ ਨਾਲ ਹੀ ਇਸ ਹੋਰ ਵੀਡੀਓ ਵਿਚ ਰਿਜ਼ੋਰਟ ਵਿਚ ਲੱਗੀ ਭਿਆਨਕ ਅੱਗ ਵੀ ਦਿਖਾਈ ਦੇ ਰਹੀ ਹੈ।

ਮੌਤਾਂ ਦਾ ਖਦਸ਼ਾ ਤੇ ਜਾਂਚ
ਹਾਲਾਂਕਿ ਅਧਿਕਾਰਤ ਤੌਰ 'ਤੇ ਅਜੇ ਅੰਕੜਿਆਂ ਦੀ ਪੁਸ਼ਟੀ ਹੋਣੀ ਬਾਕੀ ਹੈ, ਪਰ ਸਥਾਨਕ ਰੇਡੀਓ ਸਟੇਸ਼ਨ ਅਤੇ ਹੋਰ ਸੂਤਰਾਂ ਅਨੁਸਾਰ ਮਰਨ ਵਾਲਿਆਂ ਦੀ ਗਿਣਤੀ 40 ਦੇ ਕਰੀਬ ਹੋ ਸਕਦੀ ਹੈ। ਪੁਲਸ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਧਮਾਕੇ ਦੇ ਅਸਲ ਕਾਰਨਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਕੁਝ ਮੀਡੀਆ ਰਿਪੋਰਟਾਂ ਵਿੱਚ ਇਹ ਖਦਸ਼ਾ ਜਤਾਇਆ ਗਿਆ ਹੈ ਕਿ ਕੰਸਰਟ ਦੌਰਾਨ ਵਰਤੇ ਗਏ ਪਟਾਕਿਆਂ ਦੀ ਗਲਤ ਵਰਤੋਂ ਇਸ ਤ੍ਰਾਸਦੀ ਦਾ ਕਾਰਨ ਹੋ ਸਕਦੀ ਹੈ। ਇਹ ਹਾਦਸਾ ਅਜਿਹੇ ਸਮੇਂ ਵਾਪਰਿਆ ਹੈ ਜਦੋਂ ਸਵਿਟਜ਼ਰਲੈਂਡ ਪਹਿਲਾਂ ਹੀ ਖੁਸ਼ਕ ਮੌਸਮ ਕਾਰਨ ਜੰਗਲਾਂ ਦੀ ਅੱਗ ਦਾ ਸਾਹਮਣਾ ਕਰ ਰਿਹਾ ਹੈ।

ਬਚਾਅ ਕਾਰਜ ਅਤੇ ਸੁਰੱਖਿਆ
ਪ੍ਰਸ਼ਾਸਨ ਨੇ ਇਲਾਕੇ ਨੂੰ ਪੂਰੀ ਤਰ੍ਹਾਂ ਸੀਲ ਕਰ ਦਿੱਤਾ ਹੈ ਅਤੇ ਜਾਂਚ ਦੇ ਮੱਦੇਨਜ਼ਰ ਕ੍ਰੈਨਸ-ਮੋਂਟਾਨਾ ਉੱਪਰ ਨੋ-ਫਲਾਈ ਜ਼ੋਨ (no-fly zone) ਲਾਗੂ ਕਰ ਦਿੱਤਾ ਗਿਆ ਹੈ। ਅੱਗ 'ਤੇ ਸਵੇਰ ਤੱਕ ਕਾਬੂ ਪਾ ਲਿਆ ਗਿਆ ਸੀ, ਪਰ ਰਾਹਤ ਅਤੇ ਬਚਾਅ ਕਾਰਜ ਅਜੇ ਵੀ ਜਾਰੀ ਹਨ।

ਸੈਰ-ਸਪਾਟਾ ਕੇਂਦਰ 'ਤੇ ਸੋਗ ਦੀ ਲਹਿਰ
ਕ੍ਰੈਨਸ-ਮੋਂਟਾਨਾ ਆਪਣੇ ਸਕੀਇੰਗ ਅਤੇ ਗੋਲਫ ਵਰਗੀਆਂ ਗਤੀਵਿਧੀਆਂ ਲਈ ਦੁਨੀਆ ਭਰ ਦੇ ਸੈਲਾਨੀਆਂ ਵਿੱਚ ਹਰਮਨ ਪਿਆਰਾ ਹੈ। ਇਹ ਘਟਨਾ ਜਿਨੀਵਾ ਦੇ ਇੱਕ ਇਤਿਹਾਸਕ ਲਗਜ਼ਰੀ ਹੋਟਲ ਵਿੱਚ ਲੱਗੀ ਅੱਗ ਤੋਂ ਕੁਝ ਮਹੀਨਿਆਂ ਬਾਅਦ ਵਾਪਰੀ ਹੈ, ਜਿਸ ਨੇ ਸਥਾਨਕ ਲੋਕਾਂ ਅਤੇ ਸੈਲਾਨੀਆਂ ਵਿੱਚ ਡਰ ਦਾ ਮਾਹੌਲ ਪੈਦਾ ਕਰ ਦਿੱਤਾ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e