ਲੇਬਨਾਨ ਤੋਂ ਦਾਗੇ ਗਏ ਰਾਕੇਟ, ਇਜ਼ਰਾਈਲ ''ਚ ਸੱਤ ਲੋਕਾਂ ਦੀ ਮੌਤ

ਤੇਲ ਅਵੀਵ (ਪੋਸਟ ਬਿਊਰੋ)- ਲੇਬਨਾਨ ਤੋਂ ਦਾਗੇ ਗਏ ਰਾਕੇਟ ਨਾਲ ਉੱਤਰੀ ਇਜ਼ਰਾਈਲ ਵਿੱਚ ਵੀਰਵਾਰ ਨੂੰ ਚਾਰ ਵਿਦੇਸ਼ੀ ਕਾਮੇ ਅਤੇ ਤਿੰਨ ਇਜ਼ਰਾਈਲੀ ਨਾਗਰਿਕ ਮਾਰੇ ਗਏ। ਇਜ਼ਰਾਈਲ ਦੇ ਡਾਕਟਰਾਂ ਨੇ ਇਹ ਜਾਣਕਾਰੀ ਦਿੱਤੀ। ਲੇਬਨਾਨ ਦੇ ਹਮਲੇ ਤੋਂ ਬਾਅਦ ਇਜ਼ਰਾਈਲ 'ਤੇ ਇਹ ਸਭ ਤੋਂ ਘਾਤਕ ਸਰਹੱਦ ਪਾਰ ਹਮਲਾ ਹੈ। ਇਜ਼ਰਾਈਲ ਨੇ ਲੇਬਨਾਨ ਵਿੱਚ ਹਵਾਈ ਹਮਲੇ ਜਾਰੀ ਰੱਖੇ ਹਨ ਅਤੇ ਕਿਹਾ ਹੈ ਕਿ ਉਸਦਾ ਨਿਸ਼ਾਨਾ ਹਿਜ਼ਬੁੱਲਾ ਅੱਤਵਾਦੀ ਹਨ। 

ਸਿਹਤ ਅਧਿਕਾਰੀਆਂ ਨੇ ਵੀਰਵਾਰ ਨੂੰ 24 ਮੌਤਾਂ ਦੀ ਸੂਚਨਾ ਦਿੱਤੀ। ਅਮਰੀਕੀ ਡਿਪਲੋਮੈਟ ਖੇਤਰ ਵਿੱਚ ਮੌਜੂਦ ਹਨ ਅਤੇ ਲੇਬਨਾਨ ਅਤੇ ਗਾਜ਼ਾ ਵਿੱਚ ਜੰਗਬੰਦੀ ਲਈ ਦਬਾਅ ਪਾ ਰਹੇ ਹਨ। ਉਨ੍ਹਾਂ ਦਾ ਉਦੇਸ਼ ਬਾਈਡੇਨ ਪ੍ਰਸ਼ਾਸਨ ਦੇ ਆਖਰੀ ਮਹੀਨਿਆਂ ਵਿੱਚ ਪੱਛਮੀ ਏਸ਼ੀਆ ਵਿੱਚ ਜੰਗਾਂ ਨੂੰ ਖ਼ਤਮ ਕਰਨਾ ਹੈ। ਵਿਸ਼ਵ ਸਿਹਤ ਸੰਗਠਨ ਅਨੁਸਾਰ ਇਜ਼ਰਾਈਲੀ ਬਲਾਂ ਨੇ ਉੱਤਰੀ ਗਾਜ਼ਾ ਦੇ ਇੱਕ ਹਸਪਤਾਲ 'ਤੇ ਹਮਲਾ ਕੀਤਾ, ਜਿਸ ਨਾਲ ਸੰਯੁਕਤ ਰਾਸ਼ਟਰ ਦੀ ਏਜੰਸੀ ਦੁਆਰਾ ਹਸਪਤਾਲ ਨੂੰ ਭੇਜੀ ਗਈ ਜ਼ਰੂਰੀ ਸਪਲਾਈ ਨੂੰ ਨਸ਼ਟ ਹੋ ਗਈ। 

ਪੜ੍ਹੋ ਇਹ ਅਹਿਮ ਖ਼ਬਰ-ਪਲਾਸਟਿਕ ਦੀਆਂ ਬੋਤਲਾਂ ਨੂੰ ਲੈ ਕੇ Pepsi ਅਤੇ Coca-Cola ਵਿਰੁੱਧ ਮੁਕੱਦਮਾ ਦਾਇਰ 

ਹਸਪਤਾਲ ਦੇ ਡਾਇਰੈਕਟਰ ਡਾਕਟਰ ਹੁਸਮ ਅਬੂ ਸਫੀਆ ਨੇ ਕਿਹਾ ਕਿ ਹਮਲਿਆਂ ਕਾਰਨ ਅੱਗ ਲੱਗ ਗਈ, ਜਿਸ ਨਾਲ ਇੱਕ ਡਾਇਲਸਿਸ ਯੂਨਿਟ ਪ੍ਰਭਾਵਿਤ ਹੋਇਆ, ਪਾਣੀ ਦੀਆਂ ਟੈਂਕੀਆਂ ਨਸ਼ਟ ਹੋ ਗਈਆਂ, ਇੱਕ ਸਰਜਰੀ ਦੀ ਇਮਾਰਤ ਨੂੰ ਨੁਕਸਾਨ ਪਹੁੰਚਿਆ ਅਤੇ ਅੱਗ ਬੁਝਾਉਣ ਦੀ ਕੋਸ਼ਿਸ਼ ਕਰ ਰਹੇ ਚਾਰ ਡਾਕਟਰ ਜ਼ਖਮੀ ਹੋ ਗਏ। ਹਸਪਤਾਲ 'ਤੇ ਹਮਲੇ ਸਬੰਧੀ ਇਜ਼ਰਾਈਲੀ ਫੌਜ ਨਾਲ ਸੰਪਰਕ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ ਪਰ ਉਸ ਨੇ ਕੋਈ ਜਵਾਬ ਨਹੀਂ ਦਿੱਤਾ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।