ਸਾਊਦੀ ਅਰਬ ਤੋਂ ਭਾਰਤੀਆਂ ਲਈ ਚੰਗੀ ਖ਼ਬਰ, ਜਾਇਦਾਦ ਖਰੀਦਣਾ ਹੋਇਆ ਸੌਖਾ; ਨਵਾਂ ਕਾਨੂੰਨ ਲਾਗੂ

ਇੰਟਰਨੈਸ਼ਨਲ ਡੈਸਕ: ਸਾਊਦੀ ਅਰਬ ਵਿੱਚ ਨਿਵੇਸ਼ ਕਰਨ ਜਾਂ ਆਪਣਾ ਘਰ ਖਰੀਦਣ ਦੀ ਇੱਛਾ ਰੱਖਣ ਵਾਲੇ ਭਾਰਤੀਆਂ ਲਈ ਇੱਕ ਵੱਡੀ ਖ਼ਬਰ ਹੈ। ਸਾਊਦੀ ਸਰਕਾਰ ਨੇ ਵਿਦੇਸ਼ੀ ਨਿਵੇਸ਼ਕਾਂ ਅਤੇ ਨਾਗਰਿਕਾਂ ਲਈ ਦੇਸ਼ ਵਿੱਚ ਜਾਇਦਾਦ  ਖਰੀਦਣ ਦੇ ਨਿਯਮਾਂ ਨੂੰ ਬੇਹੱਦ ਸਰਲ ਬਣਾ ਦਿੱਤਾ ਹੈ। ਜਨਵਰੀ 2026 ਤੋਂ ਲਾਗੂ ਹੋਏ ਨਵੇਂ 'ਰੀਅਲ ਐਸਟੇਟ ਓਨਰਸ਼ਿਪ ਲਾਅ' ਦੇ ਤਹਿਤ ਹੁਣ ਕੋਈ ਵੀ ਭਾਰਤੀ ਨਾਗਰਿਕ ਜਾਂ ਕੰਪਨੀ ਸਾਊਦੀ ਅਰਬ ਵਿੱਚ ਜਾਇਦਾਦ ਖਰੀਦ ਸਕਦੀ ਹੈ।

ਸਰਕਾਰ ਨੇ ਇਸ ਪ੍ਰਕਿਰਿਆ ਨੂੰ ਪਾਰਦਰਸ਼ੀ ਅਤੇ ਸੌਖਾ ਬਣਾਉਣ ਲਈ ਇੱਕ ਅਤਿ-ਆਧੁਨਿਕ ਡਿਜੀਟਲ ਪਲੇਟਫਾਰਮ ਲਾਂਚ ਕੀਤਾ ਹੈ। ਇਸ ਦੀ ਸਭ ਤੋਂ ਵੱਡੀ ਖਾਸੀਅਤ ਇਹ ਹੈ ਕਿ ਦੁਨੀਆ ਦੇ ਕਿਸੇ ਵੀ ਕੋਨੇ ਵਿੱਚ ਬੈਠਾ ਵਿਅਕਤੀ ਆਪਣੀ ਯੋਗਤਾ ਦੀ ਜਾਂਚ ਕਰਨ ਤੋਂ ਲੈ ਕੇ, ਅਰਜ਼ੀ ਦੇਣ ਅਤੇ ਨਿਵੇਸ਼ ਦੇ ਮੌਕਿਆਂ ਨੂੰ ਦੇਖਣ ਤੱਕ ਦਾ ਸਾਰਾ ਕੰਮ ਆਨਲਾਈਨ ਕਰ ਸਕਦਾ ਹੈ।

ਮੱਕਾ ਅਤੇ ਮਦੀਨਾ ਲਈ ਵਿਸ਼ੇਸ਼ ਨਿਯਮ 

ਸਾਊਦੀ ਰੀਅਲ ਐਸਟੇਟ ਜਨਰਲ ਅਥਾਰਟੀ (REGA) ਨੇ ਸਪੱਸ਼ਟ ਕੀਤਾ ਹੈ ਕਿ ਦੋ ਪਵਿੱਤਰ ਸ਼ਹਿਰਾਂ ਮੱਕਾ ਅਤੇ ਮਦੀਨਾ ਵਿੱਚ ਜਾਇਦਾਦ ਖਰੀਦਣ ਦਾ ਅਧਿਕਾਰ ਸਿਰਫ਼ ਸਾਊਦੀ ਕੰਪਨੀਆਂ ਅਤੇ ਮੁਸਲਿਮ ਨਾਗਰਿਕਾਂ ਕੋਲ ਹੀ ਹੋਵੇਗਾ, ਚਾਹੇ ਉਹ ਦੁਨੀਆ ਵਿੱਚ ਕਿਤੇ ਵੀ ਰਹਿੰਦੇ ਹੋਣ। ਇਸ ਤੋਂ ਇਲਾਵਾ, ਰਿਆਦ ਅਤੇ ਜੇਦਾ ਵਰਗੇ ਪ੍ਰਮੁੱਖ ਸ਼ਹਿਰਾਂ ਵਿੱਚ ਜਾਇਦਾਦ ਖਰੀਦਣ ਲਈ ਇੱਕ ਵਿਸ਼ੇਸ਼ ਕਾਨੂੰਨੀ ਢਾਂਚਾ ਤਿਆਰ ਕੀਤਾ ਗਿਆ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ-  ਕੈਨੇਡਾ ਜਾਣ ਲਈ ਤਿਆਰ ਬੈਠੇ ਪੰਜਾਬੀਆਂ ਨੂੰ ਵੱਡਾ ਝਟਕਾ! ਸਰਕਾਰ ਨੇ ਰੱਦ ਕੀਤੀਆਂ 70% ਤੋਂ ਵੱਧ ਵੀਜ਼ਾ ਅਰਜ਼ੀਆਂ

ਜਾਇਦਾਦ ਖਰੀਦਣ ਦਾ ਪੂਰਾ ਤਰੀਕਾ:

ਯੋਗਤਾ ਦੀ ਜਾਂਚ: ਸਭ ਤੋਂ ਪਹਿਲਾਂ 'ਸਾਊਦੀ ਪ੍ਰਾਪਰਟੀਜ਼ ਪੋਰਟਲ' 'ਤੇ ਜਾ ਕੇ ਆਪਣੀ ਯੋਗਤਾ ਚੈੱਕ ਕਰਨੀ ਹੋਵੇਗੀ।

ਡਿਜੀਟਲ ਪਛਾਣ: ਕਿਸੇ ਵੀ ਲੈਣ-ਦੇਣ ਲਈ 'ਡਿਜੀਟਲ ਆਈਡੈਂਟਿਟੀ' ਹੋਣੀ ਲਾਜ਼ਮੀ ਹੈ, ਜਿਸ ਲਈ 'ਨਫਾਥ' ਐਪ ਦੀ ਵਰਤੋਂ ਕਰਨੀ ਪਵੇਗੀ।

ਪ੍ਰਾਪਰਟੀ ਦੀ ਚੋਣ: ਪੋਰਟਲ 'ਤੇ ਰਜਿਸਟ੍ਰੇਸ਼ਨ ਤੋਂ ਬਾਅਦ, ਖਰੀਦਦਾਰ ਸਰਕਾਰ ਵੱਲੋਂ ਮਨਜ਼ੂਰਸ਼ੁਦਾ ਖੇਤਰਾਂ ਵਿੱਚ ਆਪਣੀ ਪਸੰਦ ਦੀ ਜਾਇਦਾਦ ਲੱਭ ਸਕਦੇ ਹਨ।

ਕਾਗਜ਼ੀ ਕਾਰਵਾਈ ਤੋਂ ਮੁਕਤੀ: ਦਸਤਾਵੇਜ਼ਾਂ ਦੀ ਜਾਂਚ ਇਲੈਕਟ੍ਰਾਨਿਕ ਤਰੀਕੇ ਨਾਲ ਹੋਵੇਗੀ ਅਤੇ ਫੀਸਾਂ ਦਾ ਭੁਗਤਾਨ ਵੀ ਆਨਲਾਈਨ ਕੀਤਾ ਜਾਵੇਗਾ।

ਟਾਈਟਲ ਡੀਡ: ਪ੍ਰਕਿਰਿਆ ਪੂਰੀ ਹੁੰਦੇ ਹੀ ਜਾਇਦਾਦ 'ਨੈਸ਼ਨਲ ਰੀਅਲ ਐਸਟੇਟ ਰਜਿਸਟਰੀ' ਵਿੱਚ ਦਰਜ ਹੋ ਜਾਵੇਗੀ ਅਤੇ ਖਰੀਦਦਾਰ ਨੂੰ 'ਇਲੈਕਟ੍ਰਾਨਿਕ ਟਾਈਟਲ ਡੀਡ' ਮਿਲ ਜਾਵੇਗੀ।

ਸਾਊਦੀ ਅਰਬ ਦੇ ਇਸ ਕਦਮ ਨਾਲ ਭਾਰਤੀ ਨਿਵੇਸ਼ਕਾਂ ਲਈ ਖਾੜੀ ਦੇਸ਼ਾਂ ਵਿੱਚ ਵਪਾਰ ਅਤੇ ਰਿਹਾਇਸ਼ ਦੇ ਨਵੇਂ ਰਾਹ ਖੁੱਲ੍ਹਣ ਦੀ ਉਮੀਦ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।