ਬ੍ਰਾਜ਼ੀਲ ’ਚ ਸ਼ਕਤੀਸ਼ਾਲੀ ਵਾਵਰੋਲੇ ਨਾਲ 6 ਦੀ ਮੌਤ, 400 ਤੋਂ ਵੱਧ ਜ਼ਖਮੀ

Sunday, Nov 09, 2025 - 02:28 AM (IST)

ਬ੍ਰਾਜ਼ੀਲ ’ਚ ਸ਼ਕਤੀਸ਼ਾਲੀ ਵਾਵਰੋਲੇ ਨਾਲ 6 ਦੀ ਮੌਤ, 400 ਤੋਂ ਵੱਧ ਜ਼ਖਮੀ

ਰੀਓ ਡੀ ਜਨੇਰੋ (ਭਾਸ਼ਾ) – ਬ੍ਰਾਜ਼ੀਲ ਦੇ ਦੱਖਣੀ ਸੂਬੇ ਪਰਾਨਾ ’ਚ ਸ਼ੁੱਕਰਵਾਰ ਰਾਤ ਆਏ ਸ਼ਕਤੀਸ਼ਾਲੀ ਵਾਵਰੋਲੇ ’ਚ 6 ਵਿਅਕਤੀਆਂ ਦੀ ਮੌਤ ਹੋ ਗਈ ਅਤੇ 400 ਤੋਂ ਵੱਧ ਜ਼ਖਮੀ ਹੋ ਗਏ। ਸੂਬੇ ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ 250 ਕਿਲੋਮੀਟਰ ਪ੍ਰਤੀ ਘੰਟੇ ਤੋਂ ਵੱਧ ਦੀ ਰਫਤਾਰ ਵਾਲੇ ਇਸ ਵਾਵਰੋਲੇ ਕਾਰਨ ਦਰਜਨਾਂ ਮਕਾਨ ਤਬਾਹ ਹੋ ਗਏ ਅਤੇ ਸਰਕਾਰ ਨੂੰ ਪ੍ਰਭਾਵਿਤ ਖੇਤਰ ’ਚ ਐਮਰਜੈਂਸੀ ਦਾ ਐਲਾਨ ਕਰਨਾ ਪਿਆ।

ਵਾਵਰੋਲਾ ਆਉਣ ਤੋਂ ਕੁਝ ਘੰਟੇ ਬਾਅਦ ਇਕ ਵਿਅਕਤੀ ਲਾਪਤਾ ਹੋ ਗਿਆ। ਮ੍ਰਿਤਕਾਂ ਵਿਚ 5 ਬਾਲਗ ਤੇ ਇਕ 14 ਸਾਲ ਦੀ ਕੁੜੀ ਸ਼ਾਮਲ ਹੈ। ਸੋਸ਼ਲ ਮੀਡੀਆ ’ਤੇ ਬ੍ਰਾਜ਼ੀਲ ਦੇ ਰਾਸ਼ਟਰਪਤੀ ਲੁਇਸ ਇਨਾਸੀਓ ਲੂਲਾ ਡਾ ਸਿਲਵਾ ਨੇ ਪੀੜਤਾਂ ਪ੍ਰਤੀ ਇਕਜੁੱਟਤਾ ਦਾ ਪ੍ਰਗਟਾਵਾ ਕੀਤਾ ਹੈ।


author

Inder Prajapati

Content Editor

Related News