ਅਫਗਾਨਿਸਤਾਨ ''ਚ ਟੀਟੀਪੀ ਦੇ ਨੁਮਾਇੰਦਿਆਂ ਨਾਲ ਗੱਲਬਾਤ ਕਰੇਗਾ ਪਾਕਿਸਤਾਨ ਦੇ ਮੌਲਵੀਆਂ ਦਾ ਵਫ਼ਦ
07/26/2022 6:00:35 PM
ਪੇਸ਼ਾਵਰ (ਭਾਸ਼ਾ)- ਪਾਕਿਸਤਾਨ ਦੇ ਸੀਨੀਅਰ ਮੌਲਵੀਆਂ ਦਾ ਇੱਕ ਵਫ਼ਦ ਪਾਬੰਦੀਸ਼ੁਦਾ ਜਥੇਬੰਦੀ ਤਹਿਰੀਕ-ਏ-ਤਾਲਿਬਾਨ ਪਾਕਿਸਤਾਨ (ਟੀਟੀਪੀ) ਦੇ ਨੁਮਾਇੰਦਿਆਂ ਨਾਲ ਗੱਲਬਾਤ ਕਰਨ ਲਈ ਅਫਗਾਨਿਸਤਾਨ ਪਹੁੰਚ ਗਿਆ ਹੈ। ਪਾਕਿਸਤਾਨ ਦੇ ਸੀਨੀਅਰ ਮੌਲਵੀਆਂ ਦਾ ਇਹ ਵਫ਼ਦ ਟੀਟੀਪੀ ਦੇ ਨੁਮਾਇੰਦਿਆਂ ਨਾਲ ਸ਼ਾਂਤੀ ਸਮਝੌਤੇ ਬਾਰੇ ਗੱਲਬਾਤ ਕਰੇਗਾ।
ਪੜ੍ਹੋ ਇਹ ਅਹਿਮ ਖ਼ਬਰ- ਦੇਸ਼ ਛੱਡ ਗਏ ਹਿੰਦੂ-ਸਿੱਖਾਂ ਨੂੰ ਤਾਲਿਬਾਨ ਦੀ ਅਪੀਲ, ਕਿਹਾ- ਪਰਤ ਆਓ, ਦੇਵਾਂਗੇ ਪੂਰੀ ਸੁਰੱਖਿਆ
ਉੱਘੇ ਇਸਲਾਮਿਕ ਵਿਦਵਾਨ ਮੁਫਤੀ ਤਕੀ ਉਸਮਾਨੀ ਦੀ ਅਗਵਾਈ ਵਾਲੇ ਵਫਦ ਦੇ ਅਫਗਾਨਿਸਤਾਨ ਵਿੱਚ ਸੱਤਾਧਾਰੀ ਤਾਲਿਬਾਨ ਲੀਡਰਸ਼ਿਪ ਨਾਲ ਵੀ ਮੁਲਾਕਾਤ ਦੀ ਉਮੀਦ ਹੈ। ਵਫਦ ਦੇ ਮੈਂਬਰਾਂ ਨੇ ਅਫਗਾਨ ਤਾਲਿਬਾਨ ਨੇਤਾਵਾਂ ਅਨਵਾਰੁਲ ਹੱਕ, ਮੁਖਤਰੁਦ ਦੀਨ ਸ਼ਾਹ ਕਾਰਬੋਘਾ ਸ਼ਰੀਫ, ਹਨੀਫ ਝਲਾਂਦਰੀ, ਸ਼ੇਖ ਇਦਰੀਸ ਅਤੇ ਮੁਫਤੀ ਗੁਲਾਮ ਉਰ ਰਹਿਮਾਨ ਨਾਲ ਮੁਲਾਕਾਤ ਕੀਤੀ। ਪਾਕਿਸਤਾਨੀ ਸਰਕਾਰ ਅਤੇ ਟੀਟੀਪੀ ਦਰਮਿਆਨ ਪਿਛਲੇ ਸਾਲ ਸ਼ੁਰੂ ਹੋਈ ਸ਼ਾਂਤੀ ਪ੍ਰਕਿਰਿਆ ਨੂੰ ਅੱਗੇ ਵਧਾਉਣ ਲਈ ਵਫ਼ਦ ਅਫ਼ਗਾਨ ਸਰਕਾਰ ਦੀ ਕੇਂਦਰੀ ਲੀਡਰਸ਼ਿਪ ਨਾਲ ਵੀ ਮੁਲਾਕਾਤ ਕਰੇਗਾ। ਪਾਕਿਸਤਾਨ ਦੀ ਫੌਜ ਵੀ ਇਸ ਸ਼ਾਂਤੀ ਵਾਰਤਾ ਦਾ ਸਮਰਥਨ ਕਰ ਰਹੀ ਹੈ।