ਕੈਨੇਡਾ ਤੋਂ ਜਲਾਵਤਨ ਦਾ ਸਾਹਮਣਾ ਕਰ ਰਹੇ 700 ਭਾਰਤੀ ਵਿਦਿਆਰਥੀਆਂ ਦੀ ਹਮਾਇਤ ''ਚ ਉੱਤਰੀ ਸਥਾਨਕ ਫਾਉਂਡੇਸ਼ਨ

ਜਲੰਧਰ (ਇੰਟ.)- ਫਰੈਂਡਸ ਆਫ ਕੈਨੇਡਾ ਐਂਡ ਇੰਡੀਆ ਫਾਉਂਡੇਸ਼ਨ ਨੇ ਕੈਨੇਡਾ ਵਿਚ ਜਲਾਵਤਨ ਦਾ ਸਾਹਮਣਾ ਕਰ ਰਹੇ 700 ਤੋਂ ਜ਼ਿਆਦਾ ਭਾਰਤੀ ਵਿਦਿਆਰਥੀਆਂ ਦੀ ਹਮਾਇਤ ਕੀਤੀ ਹੈ।ਸਿੱਖਿਆ ਸੰਸਥਾਨਾਂ ਵਿਚ ਇਨ੍ਹਾਂ ਵਿਦਿਆਰਥੀਆਂ ਦੇ ਦਾਖਲਾ ਪੇਸ਼ਕਸ਼ ਪੱਤਰ ਫਰਜ਼ੀ ਪਾਏ ਗਏ ਸਨ। ਫਾਉਂਡੇਸ਼ਨ ਨੇ 16 ਮਾਰਚ ਨੂੰ ਕੈਨੇਡਾ ਦੇ ਇਮੀਗ੍ਰੇਸ਼ਨ, ਸ਼ਰਨਾਰਥੀ ਅਤੇ ਨਾਗਰਿਕਤਾ ਓਟਾਵਾ ਮੰਤਰੀ ਸੀਨ ਫ੍ਰੇਜਰ ਨੂੰ ਪੱਤਰ ਲਿਖ ਕੇ ਵਿਦਿਆਰਥੀਆਂ ਨੂੰ ਜਲਾਵਤਨ ਕਰਨ ਦੀ ਕਾਰਵਾਈ ’ਤੇ ਤਤਕਾਲ ਰੋਕ ਲਗਾਉਣ ਦੀ ਅਪੀਲ ਕੀਤੀ ਹੈ।

ਇੰਝ ਹੋਇਆ ਧੋਖਾਦੇਹੀ ਦਾ ਖੁਲਾਸਾ

ਫਾਉਂਡੇਸ਼ਨ ਦੇ ਪ੍ਰਧਾਨ ਮਨਿੰਦਰ ਸਿੰਘ ਗਿੱਲ ਨੇ ਕਿਹਾ ਕਿ ਮੈਂ ਇਹ ਪੱਤਰ ਤੁਹਾਨੂੰ ਉਨ੍ਹਾਂ 700 ਭਾਰਤੀ ਵਿਦਿਆਰਥੀਆਂ ਦੇ ਹਾਲਾਤ ਬਾਰੇ ਸੂਚਿਤ ਕਰਨ ਲਈ ਲਿੱਖ ਰਿਹਾ ਹਾਂ, ਜੋ ਭਾਰਤ ਦੇ ਪੰਜਾਬ ਸੂਬੇ ਵਿਚ ਸਰਗਰਮ ਇਕ ਏਜੰਟ ਵਲੋਂ ਕਥਿਤ ਤੌਰ ’ਤੇ ਇਕ ਇਮੀਗ੍ਰੇਸ਼ਨ ਧੋਖਾਦੇਹੀ ਦੇ ਸ਼ਿਕਾਰ ਹੋਏ ਹਨ। ਵਿਦਿਆਰਥੀ ਲਗਭਗ ਤਿੰਨ ਸਾਲ ਪਹਿਲਾਂ ਸਟੂਐਂਟ ਵੀਜ਼ੇ ’ਤੇ ਕੈਨੇਡਾ ਆਏ ਸਨ। ਉਨ੍ਹਾਂ ਨੇ ਆਪਣੀ ਪੜ੍ਹਾਈ ਪੂਰੀ ਕੀਤੀ ਅਤੇ ਪੋਸਟ ਗ੍ਰੈਜੂਏਸ਼ਨ ਵਰਕ ਪਰਮਿਟ ’ਤੇ ਕੈਨੇਡਾਈ ਕੰਮ ਤਜ਼ਰਬਾ ਪ੍ਰਾਪਤ ਕੀਤਾ। ਫਰਜ਼ੀਵਾੜਾ ਓਦੋਂ ਸਾਹਮਣੇ ਆਇਆ ਜਦੋਂ ਉਨ੍ਹਾਂ ਨੇ ਪੀ. ਆਰ. ਲਈ ਐਪਲੀਕੇਸ਼ਨ ਦਿੱਤੀ। ਕੈਨੇਡਾ ਬਾਰਡਰ ਸਕਿਓਰਿਟੀ ਏਜੰਸੀ ਦੀ ਛਾਣਬੀਣ ਵਿਚ ਖੁਲਾਸਾ ਹੋਇਆ ਕਿ ਕੈਨੇਡਾ ਦੇ ਸੰਸਥਾਨਾਂ ਦੇ ਸ਼ੁਰੂਆਤੀ ਆਫਰ ਲੇਟਰ ਜਾਅਲੀ ਸਨ। ਮੀਡੀਆ ਰਿਪੋਰਟਸ ਮੁਤਾਬਕ ਵਿਦਿਆਰਥੀਆਂ ਨੂੰ ਹੁਣ ਡਿਪੋਰਟੇਸ਼ਨ ਨੋਟਿਸ ਮਿਲੀ ਹੈ।

ਜਲਾਵਤਨ ਪ੍ਰਕਿਰਿਆ ਰੋਕਣ ਦੀ ਮੰਗ

ਪੱਤਰ ਵਿਚ ਲਿਖਿਆ ਗਿਆਕਿ ਅਸੀਂ ਤੁਹਾਨੂੰ ਇਸ ਮਾਮਲੇ ਵਿਚ ਦਖਲਅੰਦਾਜ਼ੀ ਕਰਨ ਅਤੇ ਜਲਾਵਤਨ ਪ੍ਰਕਿਰਿਆ ਨੂੰ ਤੁਰੰਤ ਰੋਕਣ ਦੀ ਅਪੀਲ ਕਰਦੇ ਹਾਂ। ਨਾਲ ਹੀ ਇਸ ਘਟਨਾ ਦੀ ਵਿਆਪਕ ਤੌਰ ’ਤੇ ਜਾਂਚ ਹੋਣੀ ਚਾਹੀਦੀ ਹੈ। ਵਿਦਿਆਰਥੀ ਵੀਜ਼ਾ ਅਤੇ ਵਰਕ ਪਰਮਿਟ ਕੈਨੇਡਾ ਦੇ ਸੰਸਥਾਨਾਂ ਨਾਲ ਸਬੰਧਤ ਜਾਅਲੀ ਦਸਤਾਵੇਜ਼ਾਂ ਦੇ ਆਧਾਰ ’ਤੇ ਦਿੱਤੇ ਗਏ ਸਨ, ਇਹ ਤੱਥ ਕੈਨੇਡਾ ਦੀ ਇਮੀਗ੍ਰੇਸ਼ਨ ਸ਼ਾਸਨ ਦੀ ਕੁਸ਼ਲਤਾ ਅਤੇ ਸਮਰੱਥਾ ’ਤੇ ਗੰਭੀਰ ਸਵਾਲ ਖੜ੍ਹੇ ਕਰਦਾ ਹੈ।ਇਹ ਸਮਝ ਵਿਚ ਆਉਂਦਾ ਹੈ ਕਿ ਕੈਨੇਡਾਈ ਪ੍ਰਵਾਸ ਪ੍ਰਬੰਧ ਦੀ ਅਖੰਡਤਾ ਦੀ ਰੱਖਿਆ ਕਰਨਾ ਤੁਹਾਡੀਆਂ ਤਰਜ਼ੀਹਾਂ ਵਿਚੋਂ ਇਕ ਹੈ, ਪਰ ਇਹ ਵਿਸ਼ੇਸ਼ ਮਾਮਲਾ ਇਕ ਦਿਆਲੂ ਦ੍ਰਿਸ਼ਟੀਕੋਣ ਦੀ ਮੰਗ ਕਰਦਾ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ- 'ਟਾਵਰ ਆਫ ਲੰਡਨ' 'ਚ 'ਜਿੱਤ ਦੇ ਪ੍ਰਤੀਕ' ਵਜੋਂ ਪ੍ਰਦਰਸ਼ਿਤ ਹੋਵੇਗਾ 'ਕੋਹਿਨੂਰ', ਜਾਣੋ ਇਸ ਦਾ ਇਤਿਹਾਸ

ਕੈਨੇਡਾਈ ਸੰਸਥਾਨਾਂ ਦੀ ਵੀ ਹੋਵੇ ਜਾਂਚ

ਪੱਤਰ ਵਿਚ ਕਿਹਾ ਗਿਆ ਕਿ ਸ਼ਾਮਲ ਕੈਨੇਡਾਈ ਸੰਸਥਾਨਾਂ ਦੀ ਭੂਮਿਕਾ ਦੀ ਬਰੀਕੀ ਨਾਲ ਜਾਂਚ ਕੀਤੀ ਜਾਣੀ ਚਾਹੀਦੀ ਹੈ ਅਤੇ ਧੋਖਾਦੇਹੀ ਵਿਚ ਕੈਨੇਡਾ ਦੇ ਸੰਭਾਵਿਤ ਸਹਿਯੋਗੀਆਂ ਨੂੰ ਨਿਆਂ ਦੇ ਕਟਘਰੇ ਵਿਚ ਲਿਆਂਦਾ ਜਾਣਾ ਚਾਹੀਦਾ ਹੈ। ਪੱਤਰ ਵਿਚ ਲਿਖਿਆ ਗਿਆ ਕਿ ਵਿਦਿਆਰਥੀ ਨੇ ਕੈਨੇਡਾ ਵਿਚ ਉੱਚ ਸਿੱਖਿਆ ਪ੍ਰਾਪਤ ਕਰਨ ਲਈ ਆਪਣੇ ਜੀਵਨ ਦੀ ਕਮਾਈ ਦਾ ਨਿਵੇਸ਼ ਕੀਤਾ ਹੈ। ਉਨ੍ਹਾਂ ਵਿਚੋਂ ਕਈ ਗਰੀਬ ਅਤੇ ਹਾਸ਼ੀਏ ਦੇ ਪਰਿਵਾਰਾਂ ਵਿਚ ਆਉਂਦੇ ਹਨ।
ਉਨ੍ਹਾਂ ਨੇ ਆਪਣਾ ਸਮਾਂ, ਪੈਸਾ ਅਤੇ ਜਵਾਨੀ ਕੈਨੇਡਾ ਵਿਚ ਨਿਵੇਸ਼ ਕੀਤੀ ਹੈ। ਉੁਨ੍ਹਾਂ ਨੇ ਖੁਦ ਨੂੰ ਚੰਗਾ ਵਿਦਿਆਰਥੀ ਅਤੇ ਮਿਹਨਤੀ ਸਾਬਿਤ ਕਰਨ ਲਈ ਸਭ ਕੁਝ ਕੀਤਾ ਹੈ।ਜਲਾਵਤਨ ਇਨ੍ਹਾਂ ਨੌਜਵਾਨ ਜੀਵਨ ਲਈ ਵਿਨਾਸ਼ਕਾਰੀ ਸਾਬਿਤ ਹੋਵੇਗਾ ਅਤੇ ਇਹ ਦੁਨੀਆ ਪੱਧਰ ’ਤੇ ਉੱਚ ਅਧਿਐਨ ਲਈ ਇਕ ਪਸੰਦੀਦਾ ਮੰਜ਼ਿਲ ਦੇ ਰੂਪ ਵਿਚ ਕੈਨੇਡਾ ਦੇ ਅਕਸ ਨੂੰ ਵੀ ਪ੍ਰਭਾਵਿਤ ਕਰੇਗਾ।

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।