ਆਉਣ ਵਾਲੀ ਹੈ ਆਫਤ! 5 ਜੁਲਾਈ ਦੀ ਭਿਆਨਕ ਭਵਿੱਖਬਾਣੀ ਨਾਲ ਮਚੀ ਦਹਿਸ਼ਤ

ਵੈੱਬ ਡੈਸਕ : ਇਸ ਸਮੇਂ ਪੂਰੇ ਏਸ਼ੀਆ ਵਿੱਚ ਡਰ ਦਾ ਮਾਹੌਲ ਹੈ। ਇਸਦਾ ਕਾਰਨ ਕੋਈ ਯੁੱਧ ਜਾਂ ਤੂਫਾਨ ਨਹੀਂ, ਸਗੋਂ ਇੱਕ ਭਵਿੱਖਬਾਣੀ ਹੈ। ਜਾਪਾਨ ਦੇ ਮਸ਼ਹੂਰ ਮੰਗਾ ਕਲਾਕਾਰ ਰਿਓ ਤਾਤਸੁਕੀ ਦੀ ਇੱਕ ਚੇਤਾਵਨੀ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ, ਜਿਸ ਵਿੱਚ ਉਸਨੇ ਦਾਅਵਾ ਕੀਤਾ ਹੈ ਕਿ 5 ਜੁਲਾਈ, 2025 ਨੂੰ ਜਾਪਾਨ ਵਿੱਚ ਇੱਕ ਭਿਆਨਕ ਆਫ਼ਤ ਆਉਣ ਵਾਲੀ ਹੈ।

ਰਿਓ ਤਾਤਸੁਕੀ ਕੌਣ ਹੈ?
ਰਿਓ ਤਾਤਸੁਕੀ ਨੇ 1999 ਵਿੱਚ ਪ੍ਰਕਾਸ਼ਿਤ ਆਪਣੀ ਮੰਗਾ ਕਾਮਿਕ 'ਦ ਫਿਊਚਰ ਆਈ ਸਾ' ਵਿੱਚ ਕਈ ਭਵਿੱਖਬਾਣੀਆਂ ਕੀਤੀਆਂ ਸਨ। ਉਨ੍ਹਾਂ ਵਿੱਚੋਂ ਬਹੁਤ ਸਾਰੀਆਂ ਪਹਿਲਾਂ ਹੀ ਸੱਚ ਹੋ ਚੁੱਕੀਆਂ ਹਨ, ਜਿਵੇਂ ਕਿ:

2011 ਦੀ ਤੋਹੋਕੂ ਸੁਨਾਮੀ
ਰਾਜਕੁਮਾਰੀ ਡਾਇਨਾ ਦੀ ਮੌਤ
ਫਰੈਡੀ ਮਰਕਰੀ ਦੀ ਮੌਤ
ਕੋਵਿਡ-19 ਮਹਾਂਮਾਰੀ

ਹੁਣ ਉਸਨੇ ਚੇਤਾਵਨੀ ਦਿੱਤੀ ਹੈ ਕਿ 5 ਜੁਲਾਈ, 2025 ਨੂੰ ਜਾਪਾਨ ਅਤੇ ਫਿਲੀਪੀਨਜ਼ ਦੇ ਵਿਚਕਾਰ ਸਮੁੰਦਰ ਵਿੱਚ ਇੱਕ ਦਰਾਰ ਖੁੱਲ੍ਹ ਜਾਵੇਗੀ, ਜਿਸ ਨਾਲ ਤੋਹੋਕੂ ਭੂਚਾਲ ਨਾਲੋਂ ਤਿੰਨ ਗੁਣਾ ਉੱਚੀ ਸੁਨਾਮੀ ਆਵੇਗੀ ਅਤੇ ਤਬਾਹੀ ਮਚਾਏਗੀ। ਤਾਤਸੁਕੀ ਦਾ ਦਾਅਵਾ ਹੈ ਕਿ ਉਹ ਆਪਣੇ ਸੁਪਨਿਆਂ 'ਚ ਭਵਿੱਖ ਦੇਖ ਸਕਦੀ ਹੈ ਤੇ 5 ਜੁਲਾਈ ਨੂੰ ਹੋਣ ਵਾਲੀ ਆਫ਼ਤ ਬਾਰੇ ਪਹਿਲਾਂ ਹੀ ਚੇਤਾਵਨੀ ਦੇ ਚੁੱਕੀ ਹੈ। ਉਸਨੇ ਇਹ ਵੀ ਕਿਹਾ ਹੈ ਕਿ "ਕੋਵਿਡ-19 ਦਾ ਇੱਕ ਨਵਾਂ ਅਤੇ ਵਧੇਰੇ ਘਾਤਕ ਰੂਪ 2030 ਵਿੱਚ ਵਾਪਸ ਆਵੇਗਾ।" ਹੁਣ ਹਰ ਕਿਸੇ ਦੇ ਮਨ 'ਚ ਸਵਾਲ ਇਹ ਹੈ ਕਿ-ਕੀ 5 ਜੁਲਾਈ ਨੂੰ ਸੱਚਮੁੱਚ ਕੋਈ ਭਿਆਨਕ ਕੁਦਰਤੀ ਆਫ਼ਤ ਆਵੇਗੀ ਜਾਂ ਇਹ ਸੋਸ਼ਲ ਮੀਡੀਆ 'ਤੇ ਫੈਲ ਰਹੀ ਇੱਕ ਹੋਰ ਅਫਵਾਹ ਹੈ?

ਤਾਤਸੁਕੀ ਦੀਆਂ ਭਵਿੱਖਬਾਣੀਆਂ ਦਾ ਜਾਪਾਨ ਦੇ ਯਾਤਰਾ ਅਤੇ ਹਵਾਬਾਜ਼ੀ ਉਦਯੋਗ 'ਤੇ ਸਿੱਧਾ ਪ੍ਰਭਾਵ ਪੈ ਚੁੱਕਾ ਹੈ:
ਹਾਂਗ ਕਾਂਗ ਤੋਂ ਜਾਪਾਨ ਲਈ ਉਡਾਣ ਬੁਕਿੰਗ 83 ਫੀਸਦੀ ਘੱਟ ਗਈ
ਗ੍ਰੇਟਰ ਬੇ ਏਅਰਲਾਈਨਜ਼ ਨੇ ਰਿਪੋਰਟ ਦਿੱਤੀ ਕਿ ਅਪ੍ਰੈਲ-ਮਈ ਦੌਰਾਨ ਬੁਕਿੰਗ ਅੱਧੀ ਰਹਿ ਗਈ
ਹਾਂਗ ਕਾਂਗ ਏਅਰਲਾਈਨਜ਼ ਨੇ ਜੁਲਾਈ-ਅਗਸਤ ਲਈ ਕਈ ਜਾਪਾਨੀ ਸ਼ਹਿਰਾਂ ਲਈ ਉਡਾਣਾਂ ਰੱਦ ਕਰ ਦਿੱਤੀਆਂ
ਬਲੂਮਬਰਗ ਇੰਟੈਲੀਜੈਂਸ ਦਾ ਕਹਿਣਾ ਹੈ ਕਿ ਖੇਤਰੀ ਏਅਰਲਾਈਨਾਂ 'ਤੇ 15-20 ਫੀਸਦੀ ਉਡਾਣਾਂ ਰੱਦ ਕੀਤੀਆਂ ਜਾ ਰਹੀਆਂ ਹਨ

ਸਰਕਾਰ ਨੇ ਕਿਹਾ -ਅਫਵਾਹਾਂ ਵੱਲ ਧਿਆਨ ਨਾ ਦਿਓ
ਮਿਆਗੀ ਪ੍ਰੀਫੈਕਚਰ ਦੇ ਗਵਰਨਰ ਯੋਸ਼ੀਹਿਰੋ ਮੁਰਾਈ ਨੇ ਜਨਤਾ ਨੂੰ ਸ਼ਾਂਤ ਰਹਿਣ ਦੀ ਅਪੀਲ ਕਰਦੇ ਹੋਏ ਕਿਹਾ: "ਕਿਰਪਾ ਕਰਕੇ ਡਰ ਨਾ ਫੈਲਾਓ। ਕੋਈ ਵੀ ਜਾਪਾਨ ਤੋਂ ਭੱਜ ਨਹੀਂ ਰਿਹਾ ਹੈ। ਸੈਲਾਨੀਆਂ ਦਾ ਸਵਾਗਤ ਜਾਰੀ ਹੈ।"

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e