ਨਾਮੀਬੀਆ ਦੇ ਸੰਸਥਾਪਕ ਰਾਸ਼ਟਰਪਤੀ ਸੈਮ ਨੁਜੋਮਾ ਦਾ 95 ਸਾਲ ਦੀ ਉਮਰ ''ਚ ਦੇਹਾਂਤ

ਵਿੰਡਹੋਕ (ਏਜੰਸੀ)- ਨਾਮੀਬੀਆ ਦੇ ਸੰਸਥਾਪਕ ਰਾਸ਼ਟਰਪਤੀ ਸੈਮ ਨੁਜੋਮਾ ਦਾ ਸ਼ਨੀਵਾਰ ਨੂੰ 95 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ। ਦੇਸ਼ ਦੇ ਰਾਸ਼ਟਰਪਤੀ ਨੰਗੋਲੋ ਐਮਬੁੰਬਾ ਨੇ ਐਤਵਾਰ ਸਵੇਰੇ ਇੱਕ ਬਿਆਨ ਵਿੱਚ ਇਸਦਾ ਐਲਾਨ ਕੀਤਾ। ਐਮਬੁੰਬਾ ਨੇ ਕਿਹਾ ਕਿ ਪਿਛਲੇ 3 ਹਫ਼ਤਿਆਂ ਤੋਂ ਰਾਸ਼ਟਰਪਤੀ ਨੂੰ ਖਰਾਬ ਸਿਹਤ ਕਾਰਨ ਰਾਜਧਾਨੀ ਵਿੰਡਹੋਕ ਵਿੱਚ ਡਾਕਟਰੀ ਇਲਾਜ ਅਤੇ ਨਿਗਰਾਨੀ ਲਈ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਸੀ।

ਐਮਬੁੰਬਾ ਨੇ ਕਿਹਾ, "ਬਦਕਿਸਮਤੀ ਨਾਲ, ਇਸ ਵਾਰ ਸਾਡੀ ਧਰਤੀ ਦਾ ਸਭ ਤੋਂ ਬਹਾਦਰ ਪੁੱਤਰ ਆਪਣੀ ਬਿਮਾਰੀ ਤੋਂ ਠੀਕ ਨਹੀਂ ਹੋ ਸਕਿਆ। ਦੁੱਖ ਨਾਲ ਮੈਂ 9 ਫਰਵਰੀ 2025 ਦੀ ਸਵੇਰ ਨੂੰ ਨਾਮੀਬੀਆ ਦੇ ਲੋਕਾਂ, ਸਾਡੇ ਅਫਰੀਕੀ ਭਰਾਵਾਂ ਅਤੇ ਭੈਣਾਂ ਅਤੇ ਪੂਰੀ ਦੁਨੀਆ ਨੂੰ ਸਾਡੇ ਸਤਿਕਾਰਯੋਗ ਆਜ਼ਾਦੀ ਘੁਲਾਟੀਏ ਅਤੇ ਇਨਕਲਾਬੀ ਨੇਤਾ, ਮਹਾਮਹਿਮ ਡਾ. ਸੈਮ ਸ਼ਫੀਸੁਨਾ ਨੁਜੋਮਾ ਦੇ ਦੇਹਾਂਤ ਦਾ ਐਲਾਨ ਕਰਦਾ ਹਾਂ। ਰਾਸ਼ਟਰਪਤੀ ਨੁਜੋਮਾ ਦਾ 8 ਫਰਵਰੀ ਨੂੰ ਨਾਮੀਬੀਆ ਦੇ ਵਿੰਡਹੋਕ ਵਿੱਚ 95 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ।'