ਕੀ 8 ਸਾਲ ਦੀ ਉਮਰ 'ਚ ਔਰਤ ਬਣ ਗਈ ਸੀ ਮਾਂ? ਧੀ ਦੀ ਉਮਰ 15 ਅਤੇ ਮਾਂ ਦੀ 23 ਸਾਲ
03/05/2023 3:01:05 PM
ਇੰਟਰਨੈਸ਼ਨਲ ਡੈਸਕ (ਬਿਊਰੋ) ਅਮਰੀਕਾ ਦਾ ਇਕ ਪਰਿਵਾਰ ਲੋਕਾਂ ਵਿਚ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਇੱਥੇ ਇਕ ਔਰਤ ਬਹੁਤ ਹੀ ਛੋਟੀ ਉਮਰ ਵਿੱਚ ਦੋ ਧੀਆਂ ਦੀ ਮਾਂ ਬਣ ਗਈ ਹੈ। ਤਾਸੀਆ ਟੇਲਰ ਨਾਂ ਦੀ ਔਰਤ ਨੇ ਦੱਸਿਆ ਕਿ ਉਸ ਦੀਆਂ 13 ਅਤੇ 15 ਸਾਲ ਦੀਆਂ ਧੀਆਂ ਹਨ, ਜਿਸ 'ਤੇ ਲੋਕ ਹੈਰਾਨ ਹਨ।
ਡੇਲੀ ਸਟਾਰ ਦੀ ਰਿਪੋਰਟ ਮੁਤਾਬਕ 23 ਸਾਲਾ ਤਾਸੀਆ ਟੇਲਰ ਅਮਰੀਕਾ ਦੇ ਅਰਕਨਸਾਸ ਦੀ ਰਹਿਣ ਵਾਲੀ ਹੈ। ਉਸ ਦੇ ਪਰਿਵਾਰ ਵਿਚ 25 ਸਾਲ ਦਾ ਪਤੀ ਡਰੂ ਅਤੇ ਉਨ੍ਹਾਂ ਦੀਆਂ ਦੋ ਧੀਆਂ ਹਨ। ਵੱਡੀ ਧੀ ਦੀ ਉਮਰ 15 ਸਾਲ ਅਤੇ ਛੋਟੀ ਧੀ 13 ਸਾਲ ਦੀ ਹੈ। ਭਾਵੇਂ ਇਹ ਪਰਿਵਾਰ ਦੇਖਣ ਨੂੰ ਬਹੁਤ ਹੀ ਸੰਪੂਰਨ ਲੱਗਦਾ ਹੈ ਪਰ ਮਾਂ ਅਤੇ ਧੀਆਂ ਦੀ ਉਮਰ ਦਾ ਫਰਕ ਲੋਕਾਂ ਨੂੰ ਥੋੜ੍ਹਾ ਉਲਝਾਉਂਦਾ ਹੈ। ਜਦੋਂ ਟੇਲਰ ਨੇ ਟਿਕਟਾਕ 'ਤੇ ਆਪਣੇ ਪਰਿਵਾਰ ਦੀ ਝਲਕ ਦਿਖਾਈ ਤਾਂ ਲੋਕ ਸੋਚਣ ਲੱਗੇ ਕੀ 8 ਸਾਲ ਦੀ ਉਮਰ 'ਚ ਟੇਲਰ ਨੇ ਆਪਣੀ ਪਹਿਲੀ ਧੀ ਨੂੰ ਜਨਮ ਦਿੱਤਾ ਸੀ?
ਇਹ ਹੈ ਪੂਰਾ ਮਾਮਲਾ
ਤਾਸੀਆ ਟੇਲਰ ਦੱਸਦੀ ਹੈ ਕਿ ਛੋਟੀ ਉਮਰ ਵਿੱਚ ਦੋ ਨਾਬਾਲਗ ਧੀਆਂ ਦੀ ਮਾਂ ਹੋਣ ਕਾਰਨ ਲੋਕ ਅਕਸਰ ਉਸ ਨੂੰ ਗੰਭੀਰਤਾ ਨਾਲ ਨਹੀਂ ਲੈਂਦੇ। ਹਾਲਾਂਕਿ ਪਤੀ-ਪਤਨੀ ਦੋਵੇਂ ਇਸ ਪਰਿਵਾਰ ਤੋਂ ਖੁਸ਼ ਹਨ। ਚਿਲਡਰਨ ਐਂਡ ਫੈਮਿਲੀ ਸਰਵਿਸਿਜ਼ ਲਈ ਕੰਮ ਕਰਦੇ ਹੋਏ ਉਹਨਾਂ ਨੇ ਬੱਚਿਆਂ ਦੇ ਪਾਲਣ-ਪੋਸ਼ਣ ਲਈ ਸਾਲ 2022 ਵਿੱਚ ਆਪਣਾ ਘਰ ਖੋਲ੍ਹਿਆ। ਉਸਨੇ ਪਹਿਲਾਂ ਆਪਣੀ ਵੱਡੀ ਧੀ ਰੋਰੀ ਨੂੰ ਗੋਦ ਲਿਆ। ਹਾਲਾਂਕਿ ਉਨ੍ਹਾਂ ਲਈ ਮੁਸ਼ਕਲ ਇਹ ਸੀ ਕਿ ਕੁੜੀ 12 ਸਾਲ ਦੀ ਉਮਰ ਵਿੱਚ ਉਨ੍ਹਾਂ ਦੇ ਨਾਲ ਰਹਿਣਾ ਚਾਹੁੰਦੀ ਸੀ ਜਾਂ ਨਹੀਂ। ਜੁਲਾਈ 2022 ਵਿੱਚ ਉਨ੍ਹਾਂ ਦੇ ਪਰਿਵਾਰ ਵਿੱਚ 15 ਸਾਲਾ ਤਾਮੀਰ ਵੀ ਸ਼ਾਮਲ ਹੋ ਗਈ, ਜੋ ਤਾਸੀਆ ਦੀ ਕਜ਼ਨ ਸੀ। ਉਸਨੇ ਤਾਮੀਰ ਦੀ ਕਾਨੂੰਨੀ ਕਸਟਡੀ ਲੈ ਲਈ ਹੈ ਅਤੇ ਇਸ ਤਰ੍ਹਾਂ ਉਸਦੇ ਪਰਿਵਾਰ ਵਿੱਚ ਹੁਣ ਦੋ ਨਾਬਾਲਗ ਧੀਆਂ ਹਨ।
ਪੜ੍ਹੋ ਇਹ ਅਹਿਮ ਖ਼ਬਰ- ਬ੍ਰਿਟੇਨ ਦਾ ਅਹਿਮ ਕਦਮ, ਗੈਰ-ਕਾਨੂੰਨੀ ਪ੍ਰਵਾਸੀਆਂ 'ਤੇ ਸ਼ਿਕੰਜਾ ਕੱਸਣ ਲਈ ਲਿਆ ਰਿਹਾ ਨਵਾਂ ਕਾਨੂੰਨ
ਲੋਕਾਂ ਲਈ ਅਜੂਬਾ ਹੈ ਪਰਿਵਾਰ
ਚਾਰ ਲੋਕਾਂ ਦਾ ਇਹ ਪਰਿਵਾਰ ਇੱਕ-ਦੂਜੇ ਨਾਲ ਬਹੁਤ ਖੁਸ਼ ਹੈ, ਪਰ ਦੇਖਣ ਵਾਲਿਆਂ ਨੂੰ ਨਿਸ਼ਚਿਤ ਤੌਰ 'ਤੇ ਉਨ੍ਹਾਂ ਦੀ ਉਮਰ ਦਾ ਅੰਤਰ ਥੋੜ੍ਹਾ ਅਜੀਬ ਲੱਗਦਾ ਹੈ। ਕਿਉਂਕਿ ਤਾਸੀਆ ਦੀ ਵੱਡੀ ਧੀ ਉਸ ਤੋਂ ਸਿਰਫ 8 ਸਾਲ ਛੋਟੀ ਹੈ ਅਤੇ ਛੋਟੀ ਉਸ ਤੋਂ 10 ਸਾਲ ਛੋਟੀ ਹੈ, ਇਸ ਲਈ ਉਹ ਸਾਰੇ ਭੈਣ-ਭਰਾ ਲੱਗਦੇ ਹਨ। ਦੋਵੇਂ ਕੁੜੀਆਂ ਆਪਣੇ ਪਰਿਵਾਰ ਵਿਚ ਖੁਸ਼ ਹਨ ਅਤੇ ਆਪਣੇ ਨਵੇਂ ਪਰਿਵਾਰ ਵਿਚ ਘੁਲ ਮਿਲ ਗਈਆਂ ਹਨ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
