ਮਾਰਿਆ ਗਿਆ ਖਾਮੇਨੀ, ਈਰਾਨ ਦੇ ਸੁਪਰੀਮ ਲੀਡਰ ਦੀ ਮੌਤ ਦੀ ਹੋਈ ਪੁਸ਼ਟੀ

ਤਹਿਰਾਨ : ਈਰਾਨ ਦੇ ਸਰਕਾਰੀ ਮੀਡੀਆ ਨੇ ਪੁਸ਼ਟੀ ਕੀਤੀ ਹੈ ਕਿ ਇਜ਼ਰਾਈਲ ਅਤੇ ਅਮਰੀਕਾ ਦੇ ਹਮਲੇ ਵਿੱਚ ਸੁਪਰੀਮ ਲੀਡਰ ਅਯਾਤੁੱਲਾ ਅਲੀ ਖਾਮੇਨੀ ਦੀ ਮੌਤ ਹੋ ਗਈ ਹੈ। ਐਤਵਾਰ ਸਵੇਰੇ ਈਰਾਨ ਦੇ ਸਰਕਾਰੀ ਪ੍ਰਸਾਰਕ IRIB ਨੇ ਰਿਪੋਰਟ ਦਿੱਤੀ ਕਿ ਸੁਪਰੀਮ ਲੀਡਰ ਸ਼ਹੀਦ ਹੋ ਗਏ ਹਨ। ਈਰਾਨ ਦੀਆਂ ਤਸਨੀਮ ਅਤੇ ਫਾਰਸ ਨਿਊਜ਼ ਏਜੰਸੀਆਂ ਨੇ ਵੀ ਖਮੇਨੇਈ ਦੀ ਮੌਤ ਦੀ ਪੁਸ਼ਟੀ ਕੀਤੀ ਹੈ। ਇਸ ਤੋਂ ਪਹਿਲਾਂ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਇੱਕ ਪੋਸਟ ਵਿੱਚ ਖਾਮੇਨੀ ਦੀ ਮੌਤ ਦਾ ਐਲਾਨ ਕੀਤਾ ਸੀ। ਟਰੰਪ ਨੇ 'ਟਰੂਥ ਸੋਸ਼ਲ' 'ਤੇ ਲਿਖਿਆ, "ਇਤਿਹਾਸ ਦੇ ਸਭ ਤੋਂ ਬੁਰੇ ਲੋਕਾਂ ਵਿੱਚੋਂ ਇੱਕ, ਖਾਮੇਨੀ ਮਾਰਿਆ ਗਿਆ ਹੈ।"

ਤਹਿਰਾਨ ਦੇ ਇੱਕ ਕੰਪਲੈਕਸ 'ਚ ਹੋਈ ਖਾਮੇਨੀ ਦੀ ਮੌਤ

ਇਸਲਾਮਿਕ ਰੈਵੋਲਿਊਸ਼ਨਰੀ ਗਾਰਡ ਕੋਰ ਨਾਲ ਜੁੜੀ FARS ਨਿਊਜ਼ ਏਜੰਸੀ ਨੇ ਰਿਪੋਰਟ ਦਿੱਤੀ ਕਿ ਸਰਕਾਰ ਨੇ ਅਲੀ ਖਾਮੇਨੀ ਦੀ ਹੱਤਿਆ ਤੋਂ ਬਾਅਦ 40 ਦਿਨਾਂ ਦਾ ਜਨਤਕ ਸੋਗ ਐਲਾਨਿਆ ਹੈ ਅਤੇ ਸੱਤ ਦਿਨਾਂ ਦੀ ਰਾਸ਼ਟਰੀ ਛੁੱਟੀ ਦਾ ਵੀ ਐਲਾਨ ਕੀਤਾ ਗਿਆ ਹੈ। ਈਰਾਨ ਦੀ ਫਾਰਸ ਨਿਊਜ਼ ਏਜੰਸੀ ਨੇ ਖਾਮੇਨੀ ਦੀ ਹੱਤਿਆ ਦੀ ਰਿਪੋਰਟ ਦਿੱਤੀ। ਉਨ੍ਹਾਂ ਨੂੰ ਤਹਿਰਾਨ ਵਿੱਚ ਉਨ੍ਹਾਂ ਦੇ ਕੰਪਲੈਕਸ ਵਿੱਚ ਮਾਰ ਦਿੱਤਾ ਗਿਆ। ਇਸ ਵਿੱਚ ਕਿਹਾ ਗਿਆ ਹੈ ਕਿ ਸ਼ਨੀਵਾਰ ਸਵੇਰੇ ਆਪਣੇ ਫਰਜ਼ ਨਿਭਾਉਂਦੇ ਹੋਏ ਸੁਪਰੀਮ ਲੀਡਰ ਦੀ ਉਨ੍ਹਾਂ ਦੇ ਦਫਤਰ ਵਿੱਚ ਹੱਤਿਆ ਕਰ ਦਿੱਤੀ ਗਈ ਸੀ। ਸੈਟੇਲਾਈਟ ਤਸਵੀਰਾਂ ਵਿੱਚ ਅਹਾਤੇ ਵਿੱਚੋਂ ਕਾਲਾ ਧੂੰਆਂ ਉੱਠਦਾ ਦਿਖਾਈ ਦਿੱਤਾ।

Leader of the Islamic Revolution Ayatollah Seyyed Ali Khamenei was martyred in Israeli-American attack on Saturday. pic.twitter.com/dx80n47GoR

— IRNA News Agency ☫ (@IrnaEnglish) March 1, 2026

ਕੌਣ ਸੀ ਅਲੀ ਖਾਮੇਨੀ?

1989 ਵਿੱਚ ਆਪਣੇ ਪੂਰਵਗਾਮੀ, ਅਯਾਤੁੱਲਾ ਰੂਹੁੱਲਾ ਖਾਮੇਨੀ ਦੀ ਮੌਤ ਤੋਂ ਬਾਅਦ ਅਲੀ ਖਮੇਨੇਈ ਨੇ ਦੇਸ਼ ਦੇ ਸੁਪਰੀਮ ਲੀਡਰ ਵਜੋਂ ਅਹੁਦਾ ਸੰਭਾਲਿਆ। ਰੂਹੁੱਲਾ ਖਾਮੇਨੀ ਉਹ ਵਿਅਕਤੀ ਸੀ ਜਿਸਨੇ ਈਰਾਨੀ ਇਨਕਲਾਬ ਦੀ ਅਗਵਾਈ ਕੀਤੀ। ਪਰ ਇਹ ਅਲੀ ਖਾਮੇਨੀ ਸੀ ਜਿਸਨੇ ਈਰਾਨ ਦੀ ਫੌਜੀ ਅਤੇ ਅਰਧ ਸੈਨਿਕ ਪ੍ਰਣਾਲੀ ਬਣਾਈ, ਜਿਸਨੇ ਨਾ ਸਿਰਫ ਈਰਾਨ 'ਤੇ ਹਮਲਿਆਂ ਦਾ ਮੁਕਾਬਲਾ ਕੀਤਾ ਬਲਕਿ ਦੇਸ਼ ਤੋਂ ਬਾਹਰ ਪ੍ਰੌਕਸੀ ਵੀ ਬਣਾਈਆਂ। ਸੁਪਰੀਮ ਲੀਡਰ ਬਣਨ ਤੋਂ ਪਹਿਲਾਂ, ਖਾਮੇਨੀ ਨੇ 1980 ਦੇ ਦਹਾਕੇ ਵਿੱਚ ਇਰਾਕ ਨਾਲ ਖੂਨੀ ਜੰਗ ਦੌਰਾਨ ਈਰਾਨ ਦੀ ਅਗਵਾਈ ਰਾਸ਼ਟਰਪਤੀ ਵਜੋਂ ਕੀਤੀ।

ਈਰਾਨ ਨੇ ਦਿੱਤੀ ਬਦਲੇ ਦੀ ਚੇਤਾਵਨੀ 

ਈਰਾਨੀ ਮੰਤਰੀ ਮੰਡਲ ਨੇ ਇਸ ਹਮਲੇ ਨੂੰ ਇੱਕ "ਘੋਰ ਅਪਰਾਧ" ਕਰਾਰ ਦਿੰਦਿਆਂ ਚੇਤਾਵਨੀ ਦਿੱਤੀ ਹੈ ਕਿ ਇਸ ਦਾ ਜਵਾਬ ਜ਼ਰੂਰ ਦਿੱਤਾ ਜਾਵੇਗਾ। ਈਰਾਨੀ ਫੌਜ 'ਰੈਵੋਲਿਊਸ਼ਨਰੀ ਗਾਰਡ' ਨੇ ਵੀ ਕਿਹਾ ਹੈ ਕਿ ਖਾਮੇਨੀ ਦੀ ਹੱਤਿਆ ਲਈ "ਸਖ਼ਤ ਅਤੇ ਨਿਰਣਾਇਕ ਸਜ਼ਾ" ਦਿੱਤੀ ਜਾਵੇਗੀ। ਸਰਕਾਰੀ ਟੀਵੀ ਅਨੁਸਾਰ ਖਾਮੇਨੀ ਦੀ ਮੌਤ ਉਨ੍ਹਾਂ ਦੇ ਦਫ਼ਤਰ ਵਿੱਚ ਹੋਈ ਹੈ। ਦੂਜੇ ਪਾਸੇ, ਖ਼ਬਰਾਂ ਅਨੁਸਾਰ ਸ਼ਨੀਵਾਰ ਦੇਰ ਰਾਤ ਜਦੋਂ ਖਾਮੇਨੀ ਦੀ ਮੌਤ ਦੀਆਂ ਅਫਵਾਹਾਂ ਫੈਲਣੀਆਂ ਸ਼ੁਰੂ ਹੋਈਆਂ ਤਾਂ ਰਾਜਧਾਨੀ ਤਹਿਰਾਨ ਵਿੱਚ ਕੁਝ ਲੋਕ ਆਪਣੀਆਂ ਛੱਤਾਂ ਅਤੇ ਘਰਾਂ ਵਿੱਚ ਖੁਸ਼ੀ ਜ਼ਾਹਿਰ ਕਰਦੇ ਵੀ ਨਜ਼ਰ ਆਏ। ਹਾਲਾਂਕਿ ਦੇਸ਼ ਵਿੱਚ ਸਥਿਤੀ ਬਹੁਤ ਤਣਾਅਪੂਰਨ ਬਣੀ ਹੋਈ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8