ਜੰਗ ਤੇਜ਼ ਹਿਜ਼ਬੁੱਲਾ ਦੇ ਸਫਾਏ ’ਤੇ ਉਤਾਰੂ ਇਜ਼ਰਾਈਲ

ਇੰਟਰਨੈਸ਼ਨਲ ਡੈਸਕ - 11 ਮਹੀਨਿਆਂ ਤੋਂ ਇਜ਼ਰਾਈਲ-ਹਮਾਸ ਦੀ ਜੰਗ ਜਾਰੀ ਰਹਿਣ ਦੇ ਨਾਲ ਹੀ ਗਾਜ਼ਾ 'ਚ ਚੱਲ ਰਹੀ ਜੰਗ ਲੇਬਨਾਨ ਤੱਕ ਪਹੁੰਚ ਗਈ ਹੈ। ਸੋਮਵਾਰ ਨੂੰ ਇਜ਼ਰਾਇਲੀ ਫੌਜ ਨੇ ਲੇਬਨਾਨ 'ਤੇ ਆਪਣਾ ਸਭ ਤੋਂ ਵੱਡਾ ਹਮਲਾ ਕੀਤਾ। ਇਸ ਹਮਲੇ ਕਾਰਨ ਲਗਭਗ 40 ਲੱਖ ਦੀ ਆਬਾਦੀ ਵਾਲੇ ਲੇਬਨਾਨ ਦੇ ਦੱਖਣੀ ਅਤੇ ਪੂਰਬੀ ਹਿੱਸਿਆਂ 'ਚ ਰਹਿਣ ਵਾਲੇ 10 ਲੱਖ ਤੋਂ ਜ਼ਿਆਦਾ ਲੇਬਨਾਨੀ ਲੋਕਾਂ ਦੇ ਬੇਘਰ ਹੋਣ ਦਾ ਖਤਰਾ ਹੈ। ਇਜ਼ਰਾਈਲੀ ਫੌਜ (ਆਈ.ਡੀ.ਐੱਫ.) ਦੀ ਨਵੀਂ ਮੁਹਿੰਮ ਕਾਰਨ ਲੇਬਨਾਨ ਦੀ ਇਕ ਚੌਥਾਈ ਆਬਾਦੀ ਦੇ ਉਜਾੜੇ ਜਾਣ ਦਾ ਖ਼ਤਰਾ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ-ਲਿਬਨਾਨ ’ਚ ਦਹਿਸ਼ਤ : ਮੋਬਾਇਲ ਫਟ ਨਾ ਜਾਵੇ, ਇਸ ਡਰ ਤੋਂ ਬੈਟਰੀ ਕੱਢ ਰਹੇ ਲੋਕ

ਇਸ ਦੌਰਾਨ ਇਜ਼ਰਾਈਲ ਦੇ ਪ੍ਰਧਾਨ ਮੰਤਰੀ ਬੈਂਜਾਮਿਨ ਨੇਤਨਯਾਹੂ ਨੇ ਕਿਹਾ ਹੈ ਕਿ ਮੈਂ ਵਾਅਦਾ ਕੀਤਾ ਸੀ ਕਿ ਇਜ਼ਰਾਈਲ ਉੱਤਰ ’ਚ ਸ਼ਕਤੀ ਦੇ ਸੰਤੁਲਨ ਨੂੰ ਬਦਲ ਦੇਵੇਗਾ ਅਤੇ ਇਹ ਉਹੀ ਹੈ ਜੋ IDF ਕਰ ਰਿਹਾ ਹੈ। IDF ਹਮਲੇ ਦਾ ਉਦੇਸ਼ ਇਜ਼ਰਾਈਲੀ ਸ਼ਹਿਰਾਂ ਨੂੰ ਨਿਸ਼ਾਨਾ ਬਣਾ ਕੇ ਤਾਇਨਾਤ ਹਿਜ਼ਬੁੱਲਾ ਦੀਆਂ ਮਿਜ਼ਾਈਲਾਂ ਅਤੇ ਰਾਕੇਟਾਂ ਨੂੰ ਨਸ਼ਟ ਕਰਨਾ ਹੈ। ਉਨ੍ਹਾਂ ਕਿਹਾ ਕਿ ਆਉਣ ਵਾਲੇ ਦਿਨ ਔਖੇ ਹਨ ਅਤੇ ਇਜ਼ਰਾਈਲੀਆਂ ਨੂੰ ਸਿਵਲ ਡਿਫੈਂਸ ਦੇ ਦਿਸ਼ਾ-ਨਿਰਦੇਸ਼ਾਂ ਦੀ ਪਾਲਣਾ ਕਰਨੀ ਚਾਹੀਦੀ ਹੈ। ਇਸ ਦੌਰਾਨ ਅਮਰੀਕੀ ਰੱਖਿਆ ਮੰਤਰਾਲੇ ਪੈਂਟਾਗਨ ਨੇ ਕਿਹਾ ਕਿ ਅਮਰੀਕਾ ਲੇਬਨਾਨ ਸੰਘਰਸ਼ ਦੇ ਮੱਦੇਨਜ਼ਰ ਮੱਧ ਪੂਰਬ 'ਚ ਵਾਧੂ ਫੌਜ ਭੇਜ ਰਿਹਾ ਹੈ ਕਿਉਂਕਿ ਵੱਡੇ ਖੇਤਰੀ ਯੁੱਧ ਦਾ ਖਤਰਾ ਵਧ ਗਿਆ ਹੈ। ਇਸ ਸਮੇਂ ਇਸ ਖੇਤਰ ’ਚ 40 ਹਜ਼ਾਰ ਤੋਂ ਵੱਧ ਅਮਰੀਕੀ ਫੌਜ  ਮੌਜੂਦ ਹਨ।

ਪੜ੍ਹੋ ਇਹ ਅਹਿਮ ਖ਼ਬਰ-ਰਾਸ਼ਟਰਪਤੀ ਉਮੀਦਵਾਰ ਦੀ ਸੁਰੱਖਿਆ ਵਧਾਉਣ ਲਈ US ਸਦਨ ਨੇ ਕੀਤਾ ਬਿੱਲ ਪਾਸ

ਲੇਬਨਾਨੀ  ਮੋਬਾਈਲ ਨੈੱਟਵਰਕ ਹੈਕ, 88 ਹਜ਼ਾਰ ਕਾਲ ਅਤੇ ਮੈਸੇਜ ਭੇਜੇ

ਦੱਖਣੀ ਲੇਬਨਾਨ ਦੇ 88,000 ਵਸਨੀਕਾਂ ਨੂੰ ਸੋਮਵਾਰ ਤੜਕੇ ਇਕ ਲੇਬਨਾਨੀ ਨੰਬਰ ਤੋਂ ਸੰਦੇਸ਼ ਅਤੇ ਫ਼ੋਨ ਕਾਲਾਂ ਪ੍ਰਾਪਤ ਹੋਈਆਂ, ਉਨ੍ਹਾਂ ਨੂੰ ਹਿਜ਼ਬੁੱਲਾ ਅਹੁਦਿਆਂ ਤੋਂ ਦੂਰ ਜਾਣ ਦਾ ਆਦੇਸ਼ ਦਿੱਤਾ। ਰੀਟਵੀਟ ਕੀਤੇ ਸੰਦੇਸ਼ ’ਚ ਕਿਹਾ ਗਿਆ ਹੈ ਕਿ ਜੇਕਰ ਤੁਸੀਂ ਹਿਜ਼ਬੁੱਲਾ ਦੇ ਹਥਿਆਰਾਂ ਵਾਲੀ ਇਮਾਰਤ ’ਚ ਹੋ, ਤਾਂ ਅਗਲੇ ਹੁਕਮਾਂ ਤੱਕ ਪਿੰਡ ਤੋਂ ਦੂਰ ਰਹੋ। ਰਿਪੋਰਟਾਂ ’ਚ ਕਿਹਾ ਗਿਆ ਹੈ ਕਿ ਲੋਕਾਂ ਨੇ ਆਪਣੇ ਮੋਬਾਈਲ ਜਾਂ ਲੈਂਡਲਾਈਨ 'ਤੇ ਰਿਕਾਰਡ ਕੀਤੀਆਂ ਫੋਨ ਕਾਲਾਂ ਪ੍ਰਾਪਤ ਕੀਤੀਆਂ, ਜਦੋਂ ਕਿ ਕੁਝ ਨੂੰ ਟੈਕਸਟ ਸੁਨੇਹੇ ਪ੍ਰਾਪਤ ਹੋਏ। ਸਾਰੇ ਸੰਦੇਸ਼ ਇੱਕੋ ਜਿਹੇ ਸਨ। ਦੱਸਿਆ ਜਾ ਰਿਹਾ ਹੈ ਕਿ ਇਜ਼ਰਾਈਲ ਨੇ ਇਹ ਸੰਦੇਸ਼ ਦੇਣ ਲਈ ਲੇਬਨਾਨ ਦੇ ਰੇਡੀਓ ਪ੍ਰਸਾਰਣ ਨੂੰ ਵੀ ਹੈਕ ਕੀਤਾ ਸੀ। ਪਿਛਲੇ ਹਫ਼ਤੇ, ਪੇਜ਼ਰ ਅਤੇ ਵਾਕੀ-ਟਾਕੀਜ਼ ਫਟਣ ਨਾਲ 37 ਲੋਕਾਂ ਦੀ ਮੌਤ ਹੋ ਗਈ ਸੀ ਅਤੇ 3,000 ਲੋਕ ਜ਼ਖਮੀ ਹੋ ਗਏ ਸਨ। 

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।