ਸਿੰਗਾਪੁਰ 'ਚ ਕੰਧ ਡਿੱਗਣ ਕਾਰਨ 20 ਸਾਲਾ ਭਾਰਤੀ ਨੌਜਵਾਨ ਦੀ ਮੌਤ
Saturday, Jun 24, 2023 - 01:57 PM (IST)
ਸਿੰਗਾਪੁਰ (ਭਾਸ਼ਾ)- ਸਿੰਗਾਪੁਰ ਦੇ ਕੇਂਦਰੀ ਵਪਾਰਕ ਜ਼ਿਲ੍ਹੇ ਵਿੱਚ ਇੱਕ ਇਮਾਰਤ ਦੀ ਕੰਧ ਡਿੱਗਣ ਕਾਰਨ ਇੱਕ ਭਾਰਤੀ ਨਾਗਰਿਕ ਦੀ ਮੌਤ ਹੋ ਗਈ। ਵਰਕਪਲੇਸ ਸੇਫਟੀ ਐਂਡ ਹੈਲਥ ਕੌਂਸਲ ਨੇ ਸ਼ੁੱਕਰਵਾਰ ਨੂੰ ਦੱਸਿਆ ਕਿ ਇਹ ਘਟਨਾ 15 ਜੂਨ ਨੂੰ ਵਾਪਰੀ, ਜਦੋਂ ਤੰਜੋਂਗ ਪਾਗਰ ਇਲਾਕੇ 'ਚ ਫੂਜੀ ਜ਼ੇਰੋਕਸ ਟਾਵਰ ਨੂੰ ਢਾਹੁਣ ਦਾ ਕੰਮ ਚੱਲ ਰਿਹਾ ਸੀ।
ਕੌਂਸਲ ਨੇ ਦੱਸਿਆ ਕਿ 20 ਸਾਲਾ ਵਿਨੋਦ ਕੁਮਾਰ, ਜਿੱਥੇ ਟਾਵਰ ਨੂੰ ਢਾਹੁਣ ਦਾ ਕੰਮ ਚੱਲ ਰਿਹਾ ਸੀ ਉਸ ਦੇ ਬਾਹਰ ਫੁੱਟਪਾਥ 'ਤੇ ਪੈਦਲ ਜਾ ਰਿਹਾ ਸੀ, ਜਦੋਂ ਉਸ 'ਤੇ ਕੰਧ ਡਿੱਗ ਗਈ। ਕੌਂਸਲ ਨੇ ਦੱਸਿਆ ਕਿ ਮਜ਼ਦੂਰ ਕੁਮਾਰ ਦੀ ਲਾਸ਼ ਨੂੰ 4 ਘੰਟੇ ਦੀ ਜੱਦੋਜਹਿਦ ਤੋਂ ਬਾਅਦ ਮਲਬੇ ਵਿੱਚੋਂ ਕੱਢਿਆ ਗਿਆ। ਕੁਮਾਰ ਭਾਰਤ ਦੇ ਤਾਮਿਲਨਾਡੂ ਦਾ ਵਸਨੀਕ ਸੀ।
