ਬੋਰਿਸ ਜਾਨਸਨ ਦੀ ਸਨਮਾਨ ਸੂਚੀ ''ਚ ਭਾਰਤੀ ਮੂਲ ਦੀ ਪ੍ਰੀਤੀ ਪਟੇਲ ਅਤੇ ਕੁਲਵੀਰ ਰੇਂਜਰ

ਲੰਡਨ (ਆਈ.ਏ.ਐੱਨ.ਐੱਸ.)- ਬ੍ਰਿਟੇਨ ਦੇ ਸਾਬਕਾ ਪ੍ਰਧਾਨ ਮੰਤਰੀ ਬੋਰਿਸ ਜਾਨਸਨ ਦੀ ਸਨਮਾਨ ਸੂਚੀ ਵਿੱਚ ਬ੍ਰਿਟਿਸ਼ ਭਾਰਤੀ ਪ੍ਰੀਤੀ ਪਟੇਲ ਅਤੇ ਕੁਲਵੀਰ ਸਿੰਘ ਰੇਂਜਰ ਨੂੰ ਸ਼ਾਮਲ ਕੀਤਾ ਗਿਆ ਹੈ। ਇਹ ਸੂਚੀ ਉਨ੍ਹਾਂ ਦੇ ਸੰਸਦ ਦੇ ਅਹੁਦੇ ਤੋਂ ਅਸਤੀਫਾ ਦੇਣ ਤੋਂ ਕੁਝ ਘੰਟੇ ਪਹਿਲਾਂ ਆਈ। ਅਹੁਦਾ ਛੱਡਣ ਵਾਲੇ ਪ੍ਰਧਾਨ ਮੰਤਰੀਆਂ ਲਈ ਨਿਭਾਈ ਜਾਣ ਵਾਲੀ ਇੱਕ ਪਰੰਪਰਾ ਤਹਿਤ ਸਨਮਾਨ ਸੂਚੀ ਤਿਆਰ ਕੀਤੀ ਗਈ। ਇਸ ਵਿਚ 38 ਸਨਮਾਨ ਅਤੇ ਸੱਤ ਸਾਥੀ ਸ਼ਾਮਲ ਸਨ ਅਤੇ ਜਾਨਸਨ ਦੇ ਪ੍ਰਧਾਨ ਮੰਤਰੀ ਦੇ ਅਹੁਦੇ ਤੋਂ ਅਸਤੀਫਾ ਦੇਣ ਤੋਂ ਨੌਂ ਮਹੀਨਿਆਂ ਬਾਅਦ ਪ੍ਰਧਾਨ ਮੰਤਰੀ ਰਿਸ਼ੀ ਸੁਨਕ ਦੁਆਰਾ ਇਸ ਨੂੰ ਪ੍ਰਵਾਨਗੀ ਦਿੱਤੀ ਗਈ ਸੀ।

ਸਾਬਕਾ ਗ੍ਰਹਿ ਸਕੱਤਰ ਪ੍ਰੀਤੀ ਪਟੇਲ ਨੂੰ ਡੇਮਸ ਕਮਾਂਡਰ ਆਫ਼ ਦਿ ਆਰਡਰ ਆਫ਼ ਦ ਬ੍ਰਿਟਿਸ਼ ਐਂਪਾਇਰ ਨਾਮਜ਼ਦ ਕੀਤਾ ਗਿਆ ਸੀ, ਜਦੋਂ ਕਿ ਸਾਬਕਾ ਟਰਾਂਸਪੋਰਟ ਡਾਇਰੈਕਟਰ ਰੇਂਜਰ ਨੂੰ ਲਾਰਡਜ਼ ਵਿਚ ਤਰੱਕੀ ਦਿੱਤੀ ਗਈ ਸੀ। 51 ਸਾਾਲ ਪਟੇਲ ਨੇ ਜੁਲਾਈ 2019 ਤੋਂ ਬੋਰਿਸ ਜਾਨਸਨ ਦੇ ਅਧੀਨ ਗ੍ਰਹਿ ਸਕੱਤਰ ਵਜੋਂ ਸੇਵਾ ਨਿਭਾਈ ਅਤੇ ਪ੍ਰਧਾਨ ਮੰਤਰੀ ਵਜੋਂ ਲਿਜ਼ ਟਰਸ ਦੀ ਨਿਯੁਕਤੀ ਤੋਂ ਠੀਕ ਪਹਿਲਾਂ ਸਤੰਬਰ 2022 ਵਿੱਚ ਆਪਣੇ ਅਹੁਦੇ ਤੋਂ ਅਸਤੀਫਾ ਦੇ ਦਿੱਤਾ। ਪਿਛਲੇ ਹਫਤੇ ਜਾਨਸਨ ਦੇ ਅਸਤੀਫ਼ੇ ਤੋਂ ਇੱਕ ਦਿਨ ਬਾਅਦ ਪਟੇਲ ਨੇ ਨੇਤਾ ਦੀ ਪ੍ਰਸ਼ੰਸਾ ਕੀਤੀ ਅਤੇ ਉਸਨੂੰ "ਮਾਰਗ੍ਰੇਟ ਥੈਚਰ ਤੋਂ ਬਾਅਦ ਯੂਕੇ ਦਾ ਸਭ ਤੋਂ ਚੋਣਾਤਮਕ ਤੌਰ 'ਤੇ ਸਫਲ ਪ੍ਰਧਾਨ ਮੰਤਰੀ" ਕਿਹਾ। ਪਟੇਲ ਨੇ ਟਵੀਟ ਕੀਤਾ ਕਿ "ਬੋਰਿਸ ਜਾਨਸਨ ਨੇ ਸਾਡੇ ਦੇਸ਼ ਅਤੇ ਆਪਣੇ ਹਲਕੇ ਦੀ ਸੇਵਾ ਕੀਤੀ ਹੈ। ਉਸਨੇ ਯੂਕ੍ਰੇਨ ਦਾ ਸਮਰਥਨ ਕਰਨ ਵਿੱਚ ਦੁਨੀਆ ਦੀ ਅਗਵਾਈ ਕੀਤੀ, ਬ੍ਰੈਗਜ਼ਿਟ ਕਰਵਾਇਆ ਅਤੇ ਮਾਰਗਰੇਟ ਥੈਚਰ ਤੋਂ ਬਾਅਦ ਸਾਡੇ ਸਭ ਤੋਂ ਵੱਧ ਚੋਣਵੇਂ ਤੌਰ 'ਤੇ ਸਫਲ ਪ੍ਰਧਾਨ ਮੰਤਰੀ ਸਨ। ਬੋਰਿਸ ਇੱਕ ਸਿਆਸੀ ਆਗੂ ਹੈ ਜਿਸਦੀ ਵਿਰਾਸਤ ਸਮੇਂ ਦੀ ਪਰੀਖਿਆ 'ਤੇ ਪੂਰੀ ਉਤਰੇਗੀ।"

ਪੜ੍ਹੋ ਇਹ ਅਹਿਮ ਖ਼ਬਰ-ਲੰਡਨ 'ਚ ਹੀਟਵੇਵ: ਪ੍ਰਿੰਸ ਵਿਲੀਅਮ ਸਾਹਮਣੇ ਬੇਹੋਸ਼ ਹੋਏ ਸੈਨਿਕ (ਵੀਡੀਓ)

ਉੱਧਰ ਮਈ 2008 ਵਿੱਚ ਜਾਨਸਨ ਦੇ ਮੇਅਰ ਦੀ ਚੋਣ ਜਿੱਤਣ ਤੋਂ ਬਾਅਦ ਰੇਂਜਰ ਨੂੰ ਟ੍ਰਾਂਸਪੋਰਟ ਨੀਤੀ ਲਈ ਡਾਇਰੈਕਟਰ ਚੁਣਿਆ ਗਿਆ ਸੀ। ਰੇਂਜਰ ਨੇ ਜਾਨਸਨ ਦਾ ਧੰਨਵਾਦ ਕਰਦੇ ਹੋਏ ਇੱਕ ਟਵੀਟ ਵਿੱਚ ਲਿਖਿਆ ਕਿ "ਮੈਂਂ ਬਹੁਤ ਮਾਣ ਨਾਲ ਮੈਂ ਪੁਸ਼ਟੀ ਕਰ ਸਕਦਾ ਹਾਂ ਕਿ ਮੈਨੂੰ ਹਾਊਸ ਆਫ ਲਾਰਡਜ਼ ਲਈ ਤਰੱਕੀ ਦਿੱਤੀ ਗਈ ਹੈ। ਇਹ ਮਾਨਤਾ ਸਿਰਫ ਮੇਰੀ ਨਹੀਂ ਹੈ, ਸਗੋਂ ਮੈਂ ਆਪਣੇ ਪਰਿਵਾਰ ਅਤੇ ਦੋਸਤਾਂ, ਸਿੱਖ ਭਾਈਚਾਰੇ ਅਤੇ ਉਦਯੋਗ ਦੇ ਬਹੁਤ ਸਾਰੇ ਸਹਿਯੋਗੀਆਂ ਅਤੇ ਕੰਜ਼ਰਵੇਟਿਵ ਦੋਸਤਾਂ ਨਾਲ ਸਾਂਝਾ ਕਰਦਾ ਹਾਂ।” ਰੇਂਜਰ ਨੇ ਲਿਖਿਆ,"ਅਸੀਂ ਜੋ ਪ੍ਰਾਪਤ ਕੀਤਾ ਉਸ 'ਤੇ ਮੈਨੂੰ ਮਾਣ ਹੈ ਪਰ ਹੁਣ ਚੈਂਪੀਅਨ ਬਣਨਾ ਜਾਰੀ ਰੱਖਣ ਅਤੇ ਆਉਣ ਵਾਲੇ ਸਾਲਾਂ ਵਿੱਚ ਉਨ੍ਹਾਂ ਚੀਜ਼ਾਂ ਨੂੰ ਬਿਹਤਰ ਬਣਾਉਣ ਦੀ ਉਮੀਦ ਹੈ ਜਿਨ੍ਹਾਂ ਬਾਰੇ ਮੈਂ ਭਾਵੁਕ ਹਾਂ,"। ਪੱਛਮੀ ਲੰਡਨ ਦੇ ਹੈਮਰਸਮਿਥ ਵਿੱਚ ਸਿੱਖ ਪ੍ਰਵਾਸੀ ਮਾਪਿਆਂ ਦੇ ਘਰ ਜਨਮੇ, ਰੇਂਜਰ ਡਿਜੀਟਲ ਰਣਨੀਤੀ ਬਾਰੇ ਯੂਕੇ ਸਰਕਾਰ ਦੇ ਵਿਸ਼ੇਸ਼ ਸਲਾਹਕਾਰ ਵੀ ਹਨ। ਉਸ ਕੋਲ ਯੂਨੀਵਰਸਿਟੀ ਕਾਲਜ ਲੰਡਨ ਤੋਂ ਆਰਕੀਟੈਕਚਰ ਵਿੱਚ ਆਨਰਜ਼ ਦੀ ਡਿਗਰੀ ਹੈ, ਅਤੇ ਕਿੰਗਸਟਨ ਬਿਜ਼ਨਸ ਸਕੂਲ ਤੋਂ ਵਪਾਰਕ ਡਿਪਲੋਮਾ ਹੈ। ਸੂਚੀ ਵਿੱਚ ਕੰਜ਼ਰਵੇਟਿਵ ਸਿਆਸਤਦਾਨ ਜੈਕਬ ਰੀਸ-ਮੋਗ ਅਤੇ ਸਾਈਮਨ ਕਲਾਰਕ ਨੂੰ ਨਾਈਟਹੁੱਡ ਨਾਲ ਸਨਮਾਨਿਤ ਕੀਤਾ ਗਿਆ ਹੈ। ਇੱਕ ਸੀਨੀਅਰ ਸਿਵਲ ਸਰਵੈਂਟ ਅਤੇ ਜਾਨਸਨ ਦੇ ਸਾਬਕਾ ਪ੍ਰਿੰਸੀਪਲ ਪ੍ਰਾਈਵੇਟ ਸੈਕਟਰੀ ਮਾਰਟਿਨ ਰੇਨੋਲਡਜ਼ ਨੂੰ ਜਨਤਕ ਸੇਵਾ ਲਈ 'ਆਰਡਰ ਆਫ਼ ਦਾ ਬਾਥ ਅਵਾਰਡ' ਦਿੱਤਾ ਗਿਆ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।