ਟਰੰਪ ਨਾਲ ਸਾਂਝੀ ਯੋਜਨਾ ''ਤੇ ਗੱਲਬਾਤ ਤੋਂ ਬਾਅਦ ਹੀ ਮੈਂ ਪੁਤਿਨ ਨੂੰ ਮਿਲਾਂਗਾ: ਜ਼ੇਲੇਂਸਕੀ
Saturday, Feb 15, 2025 - 11:37 AM (IST)

ਮਿਊਨਿਖ (ਏਜੰਸੀ)- ਯੂਕ੍ਰੇਨ ਦੇ ਰਾਸ਼ਟਰਪਤੀ ਵੋਲੋਦੀਮੀਰ ਜ਼ੇਲੇਂਸਕੀ ਨੇ ਸ਼ੁੱਕਰਵਾਰ ਨੂੰ ਕਿਹਾ ਕਿ ਉਹ ਰੂਸੀ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਨੂੰ ਸਿਰਫ਼ ਤਾਂ ਹੀ ਮਿਲਣ ਲਈ ਸਹਿਮਤ ਹੋਣਗੇ, ਜਦੋਂ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨਾਲ ਸਾਂਝੀ ਯੋਜਨਾ 'ਤੇ ਗੱਲਬਾਤ ਹੋ ਜਾਵੇਗੀ। ਜ਼ੇਲੇਂਸਕੀ ਨੇ ਮਿਊਨਿਖ ਸੁਰੱਖਿਆ ਕਾਨਫਰੰਸ ਵਿਚ ਕਿਹਾ ਕਿ ਉਨ੍ਹਾਂ ਦਾ ਮੰਨਣਾ ਹੈ ਕਿ ਟਰੰਪ ਰੂਸ-ਯੂਕ੍ਰੇਨ ਸੰਘਰਸ਼ ਨੂੰ ਖਤਮ ਕਰਨ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾ ਸਕਦੇ ਹਨ।
ਜ਼ੇਲੇਂਸਕੀ ਬਾਅਦ ਵਿੱਚ ਅਮਰੀਕੀ ਉਪ ਰਾਸ਼ਟਰਪਤੀ ਜੇਡੀ ਵੈਂਸ ਨੂੰ ਮਿਲ ਸਕਦੇ ਹਨ। ਵੱਖ-ਵੱਖ ਨਿਰੀਖਕਾਂ, ਖਾਸ ਕਰਕੇ ਯੂਰਪੀਅਨ ਨਿਰੀਖਕਾਂ ਨੂੰ ਉਮੀਦ ਹੈ ਕਿ ਵੈਂਸ ਇਸ ਹਫ਼ਤੇ ਟਰੰਪ ਅਤੇ ਪੁਤਿਨ ਵਿਚਕਾਰ ਹੋਈ ਫ਼ੋਨ ਗੱਲਬਾਤ ਤੋਂ ਬਾਅਦ ਵਾਰਤਾ ਰਾਹੀਂ ਯੂਕ੍ਰੇਨ ਯੁੱਧ ਦੇ ਹੱਲ ਲਈ ਅਮਰੀਕੀ ਰਾਸ਼ਟਰਪਤੀ ਦੇ ਵਿਚਾਰਾਂ 'ਤੇ ਕੁਝ ਰੌਸ਼ਨੀ ਪਾਉਣਗੇ।