ਅਮਰੀਕਾ 'ਚ ਜੰਗਲ ਦੀ ਅੱਗ ਹੋਈ ਬੇਕਾਬੂ, ਸੈਂਕੜੇ ਘਰਾਂ ਨੂੰ ਖਾਲੀ ਕਰਨ ਦੇ ਹੁਕਮ

ਦ ਡੈਲਸ (ਅਮਰੀਕਾ) (ਏਪੀ)- ਅਮਰੀਕਾ ਦੇ ਓਰੇਗਨ ਵਿੱਚ ਬੁੱਧਵਾਰ ਨੂੰ ਜੰਗਲ ਦੀ ਅੱਗ ਬੇਕਾਬੂ ਹੋ ਗਈ। ਅੱਗ ਕਾਰਨ ਸੈਂਕੜੇ ਘਰਾਂ ਨੂੰ ਖਾਲੀ ਕਰਨ ਦੇ ਹੁਕਮ ਦਿੱਤੇ ਗਏ ਅਤੇ ਕੋਲੰਬੀਆ ਰਿਵਰ ਗੋਰਜ ਵਿੱਚ ਹਰ ਪਾਸੇ ਧੂੰਏਂ ਕਾਰਨ ਦ੍ਰਿਸ਼ਟੀ ਘੱਟ ਹੋਣ ਕਾਰਨ 32 ਕਿਲੋਮੀਟਰ ਅੰਤਰਰਾਜੀ ਰਸਤਾ ਬੰਦ ਕਰਨਾ ਪਿਆ। ਓਰੇਗਨ ਆਵਾਜਾਈ ਵਿਭਾਗ ਨੇ ਦੱਸਿਆ ਕਿ 'ਇੰਟਰਸਟੇਟ-84' ਨੂੰ 'ਹੂਡ ਰਿਵਰ' ਅਤੇ 'ਦ ਡੈਲਸ' ਵਿਚਕਾਰ ਬੰਦ ਕਰ ਦਿੱਤਾ ਗਿਆ ਹੈ। 

ਪੜ੍ਹੋ ਇਹ ਅਹਿਮ ਖ਼ਬਰ-ਭੂਚਾਲ ਦੇ ਝਟਕਿਆਂ ਨਾਲ ਕੰਬੀ ਧਰਤੀ, ਦਹਿਸ਼ਤ 'ਚ ਲੋਕ

ਪੋਰਟਲੈਂਡ ਤੋਂ ਲਗਭਗ 89 ਕਿਲੋਮੀਟਰ ਪੂਰਬ ਵਿੱਚ ਇੱਕ ਪ੍ਰਸਿੱਧ ਸੈਰ-ਸਪਾਟਾ ਸਥਾਨ 'ਹੂਡ ਰਿਵਰ' ਹੈ, ਜਿਸਦੀ ਆਬਾਦੀ ਲਗਭਗ 8,000 ਹੈ ਅਤੇ ਦ ਡੈਲਸ ਵਿੱਚ 15,000 ਤੋਂ ਵੱਧ ਲੋਕ ਰਹਿੰਦੇ ਹਨ। ਵਿਭਾਗ ਦੇ ਬੁਲਾਰੇ ਡੇਵਿਡ ਹਾਊਸ ਨੇ ਇੱਕ ਈਮੇਲ ਵਿੱਚ ਕਿਹਾ ਕਿ ਅੰਤਰਰਾਜੀ ਰਸਤਾ ਅਣਮਿੱਥੇ ਸਮੇਂ ਲਈ ਬੰਦ ਰਹੇਗਾ। ਵਾਸਕੋ ਕਾਉਂਟੀ ਸ਼ੈਰਿਫ ਦੇ ਦਫ਼ਤਰ ਅਨੁਸਾਰ ਡੈਲਸ ਦੇ ਉੱਤਰ-ਪੱਛਮ ਵਿੱਚ ਆਈ-84 ਅਤੇ ਅੰਦਰੂਨੀ ਖੇਤਰ ਦੇ ਇਕ ਇਲਾਕੇ ਦੇ 700 ਤੋਂ ਵੱਧ ਘਰ ਖਾਲੀ ਕਰਨ ਦੇ ਆਦੇਸ਼ਾਂ ਦਿੱਤੇ ਗਏ ਹਨ  ਅਤੇ  1,352 ਤੋਂ ਵੱਧ ਨੂੰ ਖਾਲੀ ਕਰਨ ਦੀ ਤਿਆਰੀ ਕਰਨ ਲਈ ਕਿਹਾ ਗਿਆ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਆਪਣੀ ਰਾਏ।