ਉੱਤਰ ਅਤੇ ਦੱਖਣੀ ਕੋਰੀਆ ਵਿਚਾਲੇ 5 ਸਾਲ ਬਾਅਦ ਸਰਹੱਦ ''ਤੇ ਗੋਲੀਬਾਰੀ

ਸਿਓਲ (ਏਜੰਸੀਆਂ)- ਉੱਤਰੀ ਕੋਰੀਆ ਅਤੇ ਦੱਖਣੀ ਕੋਰੀਆ ਵਿਚਾਲੇ 5 ਸਾਲ ਬਾਅਦ ਸਰਹੱਦ 'ਤੇ ਗੋਲੀਬਾਰੀ ਹੋਈ ਹੈ। ਜਿੱਥੇ ਗੋਲੀਬਾਰੀ ਹੋਈ ਹੈ ਉਹ ਇਲਾਕਾ ਇਨ੍ਹਾਂ 2 ਦੇਸ਼ਾਂ ਨੂੰ ਵੰਡਦਾ ਹੈ। ਦੱਖਣੀ ਕੋਰੀਆ ਦੀ ਫੌਜ ਦਾ ਕਹਿਣਾ ਹੈ ਕਿ ਉੱਤਰ ਕੋਰੀਆ ਵਲੋਂ ਸਵੇਰੇ 7-41 ਵਜੇ (ਦੱਖਣੀ ਕੋਰੀਆ ਦੇ ਸਮੇਂ ਅਨੁਸਾਰ) 'ਤੇ ਗੋਲੀਬਾਰੀ ਕੀਤੀ ਗਈ ਹੈ, ਜੋ ਸਰਹੱਦੀ ਖੇਤਰ ਸ਼ਹਿਰ ਚੇਰੋਵਨ ਵਿਚ ਇਕ ਦੱਖਣੀ ਕੋਰੀਆਈ ਗਾਰਡ ਪੋਸਟ 'ਤੇ ਆ ਕੇ ਲੱਗੀ। ਦੱਖਣੀ ਕੋਰੀਆ ਵਲੋਂ ਕਿਸੇ ਵੀ ਤਰ੍ਹਾਂ ਦੀ ਜਾਨ-ਮਾਲ ਦੇ ਨੁਕਸਾਨ ਹੋਣ ਦੀ ਰਿਪੋਰਟ ਹੈ। ਦੱਖਣੀ ਕੋਰੀਆਈ ਫੌਜ ਦੇ ਬਿਆਨ ਵਿਚ ਕਿਹਾ ਗਿਆ ਹੈ ਕਿ ਦੱਖਣੀ ਕੋਰੀਆ ਨੇ ਜਵਾਬ ਵਿਚ 2 ਰਾਉਂਡ ਦੀ ਗੋਲੀਬਾਰੀ ਕੀਤੀ ਹੈ ਅਤੇ ਮੈਨੁਅਲ ਮੁਤਾਬਕ ਚਿਤਾਵਨੀ ਦਿੱਤੀ ਹੈ। ਇਹ ਅਜੇ ਤੱਕ ਸਪੱਸ਼ਟ ਨਹੀਂ ਹੈ ਕਿ ਗੋਲੀਬਾਰੀ ਸ਼ੁਰੂ ਕਰਨ ਦੀ ਵਜ੍ਹਾ ਕੀ ਰਹੀ।