ਗਾਜ਼ਾ ਦੇ ਸਭ ਤੋਂ ਵੱਡੇ ਸ਼ਹਿਰ ਵਿੱਚ ਅਕਾਲ ਦੀ ਸਥਿਤੀ: ਅਧਿਕਾਰੀ

ਗਾਜ਼ਾ ਸ਼ਹਿਰ (ਏਜੰਸੀ)- ਗਾਜ਼ਾ ਪੱਟੀ ਦਾ ਸਭ ਤੋਂ ਵੱਡਾ ਸ਼ਹਿਰ ਅਕਾਲ ਦੀ ਲਪੇਟ ਵਿੱਚ ਹੈ ਅਤੇ ਜੇਕਰ ਇਜ਼ਰਾਈਲ ਅਤੇ ਹਮਾਸ ਵਿਚਕਾਰ ਜੰਗਬੰਦੀ ਨਹੀਂ ਹੁੰਦੀ ਅਤੇ ਨਿਰਵਿਘਨ ਮਨੁੱਖੀ ਸਹਾਇਤਾ ਪ੍ਰਦਾਨ ਨਹੀਂ ਕੀਤੀ ਜਾਂਦੀ ਤਾਂ ਇਹ ਪੂਰੇ ਖੇਤਰ ਵਿੱਚ ਫੈਲ ਸਕਦਾ ਹੈ। ਖੁਰਾਕ ਸੰਕਟ ਬਾਰੇ ਦੁਨੀਆ ਦੇ ਪ੍ਰਮੁੱਖ ਸੰਸਥਾਨ ਨੇ ਸ਼ੁੱਕਰਵਾਰ ਨੂੰ ਇਹ ਡਰ ਪ੍ਰਗਟ ਕੀਤਾ। 'ਇੰਟੀਗਰੇਟਡ ਫੂਡ ਸਿਕਿਓਰਿਟੀ ਫੇਜ਼ ਕਲਾਸੀਫਿਕੇਸ਼ਨ' (ਆਈਪੀਸੀ) ਨੇ ਕਿਹਾ ਕਿ ਗਾਜ਼ਾ ਸ਼ਹਿਰ ਵਿੱਚ ਅਕਾਲ ਦੀ ਸਥਿਤੀ ਹੈ ਅਤੇ ਇਹ ਸੰਕਟ ਅਗਲੇ ਮਹੀਨੇ ਦੇ ਅੰਤ ਤੱਕ ਦੱਖਣ ਵਿੱਚ ਡੇਰ ਅਲ-ਬਲਾਹ ਅਤੇ ਖਾਨ ਯੂਨਿਸ ਵਰਗੇ ਸ਼ਹਿਰਾਂ ਵਿੱਚ ਫੈਲ ਸਕਦਾ ਹੈ।

ਆਈਪੀਸੀ ਦੀ ਇਹ ਟਿੱਪਣੀ ਸਹਾਇਤਾ ਸਮੂਹਾਂ ਵੱਲੋਂ ਮਹੀਨਿਆਂ ਦੀਆਂ ਚੇਤਾਵਨੀਆਂ ਤੋਂ ਬਾਅਦ ਆਈ ਹੈ, ਜਿਸ ਵਿੱਚ ਕਿਹਾ ਗਿਆ ਸੀ ਕਿ ਇਜ਼ਰਾਈਲ ਵੱਲੋਂ ਭੋਜਨ ਅਤੇ ਹੋਰ ਮਨੁੱਖੀ ਸਹਾਇਤਾ ਦੀ ਸਪਲਾਈ ਵਿੱਚ ਵਿਘਨ ਅਤੇ ਗਾਜ਼ਾ ਪੱਟੀ ਵਿੱਚ ਲਗਾਤਾਰ ਫੌਜੀ ਕਾਰਵਾਈ ਫਲਸਤੀਨੀ ਨਾਗਰਿਕਾਂ, ਖਾਸ ਕਰਕੇ ਬੱਚਿਆਂ ਲਈ ਭੁੱਖਮਰੀ ਦੀਆਂ ਸਥਿਤੀਆਂ ਪੈਦਾ ਕਰ ਰਹੀ ਹੈ।