ਪੁਲਸ ਦੀ ਗੱਡੀ ''ਚ ਜਾ ਵੱਜੀ Driverless Car ! ਵੀਡੀਓ ਵੇਖ ਤੁਹਾਡਾ ਵੀ ਨਿਕਲ ਜਾਵੇਗਾ ਹਾਸਾ

ਇੰਟਰਨੈਸ਼ਨਲ ਡੈਸਕ- ਅੱਜ ਦਾ ਦੌਰ ਟੈਕਨਾਲੌਜੀ ਦਾ ਦੌਰ ਹੈ। ਹਰ ਰੋਜ਼ ਨਵੀਂਆਂ-ਨਵੀਆਂ ਖੋਜਾਂ ਤੇ ਤਕਨੀਕਾਂ ਨੂੰ ਦੇਖ ਕੇ ਹਰ ਕੋਈ ਹੈਰਾਨ ਹੋ ਜਾਂਦਾ ਹੈ। ਇਸੇ ਦੌਰਾਨ ਸੋਸ਼ਲ ਮੀਡੀਆ 'ਤੇ ਇੱਕ ਹੈਰਾਨ ਕਰਨ ਵਾਲੀ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ, ਜਿਸ 'ਚ ਪਾਕਿਸਤਾਨ ਦਾ ਇੱਕ ਵਿਅਕਤੀ ਆਪਣੇ ਵੱਲੋਂ ਬਣਾਈ ਗਈ ਡਰਾਈਵਰ ਲੈੱਸ ਕਾਰ ਦੀ ਟੈਸਟ ਡ੍ਰਾਈਵ ਲੈ ਰਿਹਾ ਸੀ ਤੇ ਇਸ ਦਾ ਲਾਈਵ ਡੈਮੋ ਕਰ ਰਿਹਾ ਸੀ। ਹੱਦ ਤਾਂ ਉਦੋਂ ਹੋ ਗਈ ਜਦੋਂ ਇਹ ਕਾਰ ਆਪਣੇ-ਆਪ ਚੱਲਦੀ-ਚੱਲਦੀ ਸੜਕ ਦੇ ਕਿਨਾਰੇ ਖੜ੍ਹੀ ਪੁਲਸ ਟੀਮ ਦੀ ਗੱਡੀ 'ਚ ਜਾ ਵੱਜੀ।

ਵਾਇਰਲ ਵੀਡੀਓ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਵਿਅਕਤੀ ਆਪਣੀ ਕਾਰ ਨੂੰ ਆਟੋਮੈਟਿਕ ਸਿਸਟਮ ਰਾਹੀਂ ਚਲਾ ਕੇ ਲੋਕਾਂ ਨੂੰ ਦਿਖਾ ਰਿਹਾ ਸੀ ਤੇ ਗੱਡੀ ਦੀ ਡਰਾਈਵਿੰਗ ਸੀਟ 'ਤੇ ਕੋਈ ਵੀ ਡਰਾਈਵਰ ਨਹੀਂ ਬੈਠਾ ਸੀ। ਡੈਮੋ ਦੌਰਾਨ ਕਾਰ 'ਚ ਅਚਾਨਕ ਕੋਈ ਖ਼ਰਾਬੀ ਆ ਗਈ ਤੇ ਇਸ ਦੇ ਕੰਟਰੋਲ ਤੇ ਸੈਂਸੇਟਿਵ ਸੈਂਸਰਾਂ ਨੇ ਕੰਮ ਕਰਨਾ ਬੰਦ ਕਰ ਦਿੱਤਾ। ਗੱਡੀ ਹੌਲੀ-ਹੌਲੀ ਅੱਗੇ ਵਧਦੀ ਰਹੀ ਤੇ ਫ਼ਿਰ ਉੱਥੇ ਖੜ੍ਹੀ ਪੁਲਸ ਦੀ ਪੈਟਰੋਲਿੰਗ ਗੱਡੀ ਨਾਲ ਜਾ ਟਕਰਾਈ।

This vid is way funnier with translation, he literally says "there's no shortage of talent in pakistan" as he slams into the cop car 💀 https://t.co/m564vjj05D pic.twitter.com/bk6tcLMlp2

— Alex Volkov (@altryne) August 31, 2026

ਇਸ ਘਟਨਾ ਦੀ ਵੀਡੀਓ ਇੰਟਰਨੈੱਟ 'ਤੇ ਵਾਇਰਲ ਹੁੰਦਿਆਂ ਹੀ ਲੋਕ ਇਸ 'ਤੇ ਕਈ ਤਰ੍ਹਾਂ ਦੇ ਕੁਮੈਂਟ ਕਰ ਰਹੇ ਹਨ। ਕਈ ਯੂਜ਼ਰਸ ਨੇ ਇਸ 'ਤੇ ਚੁਟਕੀ ਲੈਂਦਿਆਂ ਲਿਖਿਆ ਕਿ "ਕਾਰ ਦੇ ਆਰਟੀਫੀਸ਼ੀਅਲ ਇੰਟੈਲੀਜੈਂਸ (AI) ਨੇ ਟਾਰਗੇਟ ਬਹੁਤ ਸਹੀ ਚੁਣਿਆ।" ਜਦਕਿ ਕਈ ਯੂਜ਼ਰਸ ਨੇ ਬਿਨਾਂ ਸਕਿਓਰਟੀ ਕਲੀਅਰੈਂਸ ਦੇ ਸੜਕਾਂ 'ਤੇ ਅਜਿਹੇ ਡੈਮੋ ਕਰਨ 'ਤੇ ਚਿੰਤਾ ਪ੍ਰਗਟਾਈ ਹੈ। ਹਾਲਾਂਕਿ ਇਸ ਹਾਦਸੇ 'ਚ ਕਿਸੇ ਦੇ ਜ਼ਖਮੀ ਹੋਣ ਦੀ ਖ਼ਬਰ ਨਹੀਂ ਹੈ, ਪਰ ਪੁਲਸ ਵੱਲੋਂ ਉਕਤ ਵਿਅਕਤੀ ਖਿਲਾਫ਼ ਲਾਪਰਵਾਹੀ ਨਾਲ ਗੱਡੀ ਚਲਾਉਣ ਦੇ ਸਬੰਧ ਵਿੱਚ ਪੁੱਛਗਿੱਛ ਕੀਤੀ ਗਈ ਹੈ।

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e